كيف تعيشين مع هذا الزوج ؟؟؟؟؟؟؟

بسم الله على قلبك عزيزتي

حاسبي عيوني ألزم ماعلى الواحد صحته

طيب وش الظروف اللي خلتك تحكمين انه يكرهك؟

أحيانا ترى يجي على بالنا هالتفكير لكن نتعوذ من ابليس عيوني

الحقيقه ماني عارفه اقولك شئ لانك سديتي كل الطرق بوجه الحلول

لانك تؤكدين كرهه لك لكن انا راح اقولك

وش اللي يجبره على العيشه معك اذا كان يكرهك؟

فكري فيها زين قبل الاجابه .

الرجل مايجبره شئ على العيشه ولو كان مايملك لك شئ بقلبه ولو ذره من الحب ماجلس معك للان

وعنده قدره على راحة باله بالزواج من ثانية مثلا

بعدين عندي نصيحه انا وربي مااحب انصح بيها احد بس من حرتي بسبب كلامك ومعاناتك

راح اقولك اكشتي فيه حاولي تتزيني وتتعطري زي العروس واستعرضي قدامه ولاتنولينه نفسك خليه

يحس بقيمتك .........

وربي تلخبطت الحروف معي من كثر ماني عارفه وش اقولك

الله يسهل خطاك ويدلك على مافيه خيرك وصلاحك معه يارب

السلام عليكم ..

حياك الله أختي الحبيبة معنا .. وإن شاء الله ستلاقين ما يسرك هنا .


أختي ..... كل هذا مجرد ( شعور ) و ( إحساس ) وأنتِ قلتِ هذا بنفسك .. كيف تأكدتِ من ذلك ؟
ما الذي يجعلك مصرة على كره زوجك لك ؟؟


هذا شعور معظم الزوجات .. وهذه شكواهن دائماً .. وهذه تصرفات تصدر عن الكثير من الرجال من دون أن يكرهوا زوجاتهم !!

هل كان كذلك منذ زواجك به أم تغير فجأة ؟؟
هل حصل تغيّر منك أنتِ تجاه زوجك وبيتك ؟؟
هل تضايقينه بكلام لا داعي له ؟؟
كيف هي علاقتك بأهل زوجك ؟؟

لا نستطيع الحكم عليكِ ولا على زوجك ِ دون تفاصيل أكثر .

لذلك أختي الحبيبة .. اجلسي مع نفسك وابحثي عن السبب .. فقد يكون منكِ من غير أن تنتبهي
ولا بأس من أن تصارحي زوجك بما يضايقك .. لعله يبوح لك بأمور أنتِ غافلة عنها .

بانتظارك .

صدقيني يتخيلك انه يكرهك احنا تجينا لحظات نقول فيها اكيد انهم يكرهونا لان المراه بحد
ذاتها حساسه تحط تخيلات واشياء من راااسها ....
ولو انه يكرهك كان اعترفلك

صحيح لو كان يكرهك كان صارحك ولا انتي حاولي تتفاهمين معاه على التصرفات اللي اتحصلينه منه

ولا تكتمين اللي بقلبك وتصرين ساكته لان يمكن يطلع شعور واحاسيس من خيالك

الله يوفقك

أول شيء أقول الله يجزاكم خير وشاكرة ألف شكر لكل من رد علي

حبيباتي أنا ما أبي أصير ظالمة لزوجي بالعكس هو فيه الخير وأنا معجبة فيه وكريم في بيته وعلي لكن الحقيقة الكرم طبعه مع كل الناس حتى اللي ما يعرفهم

لكن حبيباتي راح أقول لكم على بعض التصرفات وأنتم قولوا إذا كانت ممكن تدل على كرهه لي أو لا

- من أول أيام الزواج وهو يطنشني يعني هو ما كان أحسن من كذا أبدا بالعكس هذي حالته من عرفته
- كان حصل بينا قبل الزواج سوء تفاهم وانتهى بسرعة وبعد الزواج بفترة قال إنه كان ناوي يفسخ الخطوبة لكن ما حصل وإنه الحين يتمنى لو انه سواها
- في مرة من المرات سولفنا عن واحد من جيرانا طلق زوجته وعنده منها بنت فقلت حرام البنت هي اللي بتروح فيها قال صح أنا لو في مكانه ما أطلق وأتزوج وحدة ثانية (عاد أنا سويت نفسي غيرانة ) قلت لا إن شاء الله
قال لا أنا بتزوج لكن مو الحين بعد كم سنة وكان جاد مرة في طريقة كلامه
- لما حملت تضايق مرة وما قال حتى كلمة مبروك
- لما يوديني أزور أهلي يخليني يومين وثلاثة وأحيانا أسبوع وأسبوعين وما يجي ياخذني إلا لما أتصل عليه مرة وثنتين وثلاث مع إن أهلي مو بعيد مرة عني وما أدري هل هو يخليني عندهم عشان أرتاح واستانس مثلما يقول أو عشان يفتك مني ؟؟؟ والله ما أدري
- مهما كانت ظروفي الصحية ويتصل علينا أحد من أهله يبي يزورنا ما يراعي حالتي ويقول قومي وسوي وتحملي
وأقول له أنا تعبانة اعتذر منهم المرة هذي وهو شايفني تعبانة وعارف وما يعتذر بالعكس يطالبني أقوم وأحسن ضيافتهم
- ما يحب يجلس معي أو يسولف معي
- دايما متأفف من الحياة وزعلان

والله ما أدري لكن من داخلي عندي ثقة في هالاحساس وياليت يطلع إحساسي كاذب مع إن احساسي عمره ما خاني

حبيبتي ألم السنين يمكن اللي يجبره على العيشة اللي في بطني مع إنه ما يظهر اهتمامه الشديد لبقائي معاه
تدرين هالأيام فيه وظايف تعليمية فقال ليه ما تقدمين قلت له أحاول لكن قريب ما فيه إمكانية قال بس عند أهلي فيه قلت بس أهلك بعيد وإنت عملك هنا وشلون أعيش عندهم وانت مو معاي ونقل المعلمات صار موسهل يعني سنتين ثلاث حتى أنقل قال مو مشكلة عادي أحاول أجيكم في عطلة الاسبوع أو في الشهر مرة يعني حسب الظروف
فما أدري هل هذا من باب الاستغناء عني أو من باب حرصه على الوظيفة
والله احترت في أمره

بالنسبة لنصيحتك يمكن أنا محتاجتها مرة لأني ما أعرف أتغلى

حبيبتي حب الرمان والله معاك حق في كل كلمة قلتيها
بس هو ما كان أحسن من كذا بالعكس مطنشني تماما وعلى فكرة يجرحني ويصدر منه كلام قاسي لي
أما عني أنا في الحقيقة تغيرت لأني كنت مهما أسوي ومهما أضحي وأتحمل وحتى مهما ألبس وأتزين ومهما أطبخ وأحاول أرضيه ما أحس إني غيرت فيه أي شيء حتى الكلام على كثر ما أقول له حبيبي حياتي ... مايقول أي شيء
وبعد الحمل له دور في اهمالي لكن صدقيني ما فرقت معاه وأنا جربته في الحالتين

بالنسبة لأهله على إنهم الله يسامحهم من الناس اللي صعب ترضينهم وأمه تجرح وأخواته إلا إني الحمد لله عمري ما غلطت على أحد فيهم بالعكس الحمد لله أكرمهم وفي المناسبات أهديهم وهم يعترفون بالشيء هذا ... ورغم صبري على أمه وتصرفاتها وبعض خواته وهو شايف بعيونه إلا انه لما أشكي عليه منهم يوجه الملامة لي أنا ويتهمني أنا حتى صرت والله ما أشتكي عليه

حبيباتي الاحلام الورديه وود وشوق و حمودي وعبودي الله يخليكم
ياليت يصير احساسي كاذب لكن أنا زوجي من النوع الكتوم جدا جدا ومستحيل يصارحني بحقيقة مشاعره
وأنا سألته وقلت له أحس إنك تكرهني وقلت له بصراحة جمودك وتجريحك وتجاهلك كلها أشياء تشككني
وقال لا أنا أحبك لكن لما سألته بالله وقلت له قل الحقيقة ولا يهمك عشان ما تعذبني وأنا حاسة بهالشيء وخايفة أظلمك سكت ولكني أصريت عليه و قلت أنت مو مرتاح لي وما تحبني ناظر فيني وهز راسه يعني إيه

واللي يشككني بعد إن أخلاقه عاليه مع كل الناس وحريص على مشاعرهم وما يحب يجرح أحد لكن أنا غير
حتى أخته اللي سبق انها جرحته وغلطت عليه يتعامل معها أحسن معاملة ويتناسى كل اللي حصل منها
إلا أنا

بنات والله احترت وصدري ضايق
وما أستغنى عن دعواتكم