كيف تملكون بدون مهر؟؟؟

السلام عليكم ورحمة الله وبركاته
انا هنا قريت اكثر من مشكله وسمعت ايضا عن ناس يملكون البنت على الولد بدون الشبكه والمهر
طيب كيف ابو البنت يوافق انه يعقد بنته ويكتب انه استلم مهر كذا وكذا وهو مااستلمه اصلا؟؟؟؟
مدري كنه يشتري سمك في مويه
والموضوع يوتر الصراحه تتسلم البنت وتصير في ذمة رجل غريب
لا عطاها حقوقها المبدئيه ولا شئ ولاصار لا سمح الله انفصال اثناء الملكه من طرفه يروح عليها حقها
؟؟؟؟؟؟؟؟؟؟؟؟؟؟
حنا عندنا غير نهائي
نظره شرعيه يجيب فيها المعرس كيكه وورد كهديه رمزيه ان صار نصيب اهلا وسهلا وان ماصار مع السلامه
وفي حال صار نصيب يبقون فتره ويجي معه الشبكه والدبل والمهر ونعمل حفله صغيره جدا في البيت تقتصر على الاهل والمقربين ويكون فيها تصوير وحركات وتتم الملكه بحظور الرجال والنساء
واذا انتهت الحفله المعرس مع السلامه ما يختلي بعروسته ابدااا وان زاراها خلال الملكه يكون معها
اخوها او اختها الصغار او الام الين يتحدد الزواج وتكتمل الشقه بعدين يختلي فيها في بيتهم
بعد العرس .
وكل المصاريف على العريس ماعدى الخطوبه يجيب مبلغ محدد والبنت تسويها وبراحتها تبيها في حدود
المبلغ او تكبرها وابوها يساهم ويساعدها.

انا اشوف نظامنا افضل والبنت تكون ضامنه حقوقها ومحفوظه وعزيزه

انتم وش نظامكم ووش رايكم؟؟؟؟؟؟؟؟؟؟