كيف حياتك مع اهل زوج؟

انا مو مفتكه منهم وانا بعيده
وحبيبتي لاتستحين بعدين ياكلون حقك بيني انك قويه
خوذيهه نصيحه من اختك

طبعا معروف بعض أهالي الزوج يكونون شر وهم وشقى لكن لازم يكون لك شخصية لا تخافين ولا تستحين من الحق ... تراك بتندمين إذا خضعتي لهم أو بينتي خوفك منهم وبعدين حاولي تكسبينهم بمعاملتك معهم يعني لاتكن لينا فتعصر ولا قاس فتكسر خير الأمور أوسطها ........ وبصراحة أحسن لك تعيشين في بيت لحالك مهما كان لكل شخص خصوصيته وراحته ....... الله يوفقك

انا بروحي في بيتي بس المنطقتين يم بعض يعني اقل من خمس دقائق بالسياره بينا
ما يطيقوني وما يحبوني وما يبوني وودهم اليوم قبل باجر اتطلق
ليش ؟ لاني مو من قبيلتهم و كانوا يبون يزوجون زوجي بنت عمه من السعوديه وانا جيت واخذته :)

عشان جذي العلاقه مقطوعه ترا انا اتكلم عن اخوان زوجي ( الكبار و الصغار ) وله امه متوفيه الله يرحمها وخواته كلهم متزوجات في السعوديه و ابوه مريض وما يدري عن الدنيا شي

لا ومو بس جذي الكل متهمني اني ساحره زوجي عشان جذي مو راضي يطلقني ويسمع كلام اهله ؟
استغفر الله و الله ما ادري شنو اقول عنهم ؟

بس صج صج عرفت ان في ناس منافقه مثلهم وانا مره قلت لزوجي اخوك اللي مسوي نفسه مطوع و يعرف الله منااافق لان رسولنا الكريم قال: الظلم ظلمات يوم القيامه
وقال سبحانه وتعالى : يا ايها الذين آمنوا لا يسخر قوم من قوم عسى ان يكونوا خير منهم ولا نساء من نساء عسى ان يكن خيرا منهن

عشان جذي دائما ادعي ربي ان الله يكفيني شر طويلع و خوانه
بنات عفيه قولوا آمين عسى الله يكفيني شرهم يا رب

مشكورين على الرد جبرتوا بخاطري
بصراحه ان طيبه واستحي غصب عني
تجيني ايام اجلس اصيح من القهر
اذا بطلع كل العالم عرفت وين بروح
واذا بطلع اتمشى ممنوع عند زوجي ليش علشان الناس
بصرحه تعبت
واذا قلت ابي بيت يعصب ومايرضى
وكل يوم عندنا ناس وعالم وازاعاج
وجالسين تقل انتي شغاله عندهم والي يقهرك انهم احمواتك يجون ويجلسون وانتي اخدميهم
يارب رحمتك

يا حبيبتي اذا إشتد الحبل انقطع..