خلاص انتهى زمن ان الوحده تقعد ببيت اهل زوجها ,,

متى الناس يتحضرون ويعرفون ان الزوجه لازم يكون لها بيتها وحياتها الخاصه.

والله اعرف وحده مسكينه عايشه عند اهل زوجها وعلى كل شي يحاسبونها , وعليهم حركاااات خبيثه, ودايم يوزون زوجها ,, ونص راتبه عليهم , بالله وش يكفي هالراتب ؟؟؟؟؟؟؟؟
احيانا اهل الزوج نقمه واحيانا نعمه

انا ولله الحمد اهل زوجي عسسسسسل مره طيبن وحبوبين .

ولله انا بيت وهم بيت بس لو صار اجتماع للا عايلة لازم يسون مشكله
وذا جيت يمهم مايقصرون بس احس انهم مايحبونني معن فيه قرابه بيننا بس اسمعي نصيحت خواتك لاتستحين انزعي الحياء منهم والله ياكلونك ويضيع حقك وحاولي انك تطلبين بيت لوحدك خاصه لوهم عايله كبيره ودع ربك ان الله يفرج لك

أنا لي رأي مختلف عن الأخوات...؟
حبيبتي ليش تحسسين نفسك بالعذاب ...؟
أنا معك أن الوحده أريح لها في بيت مستقل بس كل شي يجي بسعة البال !
يعني جلسي مع نفسك جلسة أهم مضايقينك
أهم محسسينك كنك شغالة
أحتسبي الأجر في صبرك عليهم أنتي ما ذكرتي انهم اذية صح اجل ايش المشكلة المشكلة بس طلعات طيب تخربين علاقتك بزوجك عشان امر حله سهل حبيبتي الأمور كلها بتنحل بهدوء بس حنا الحريم أسمحي لي ما عندنا أسلوب اللي نبيه لازم نحصله الحين لا ....!
أستخدمي كيد النساء (( ان كيدكن عظيم )) من غير ما تزعلين زوجك وأهله ...
شوفي وحده اعرفها طلعت من أهل زوجها مع أنه هو الكبير بعد ما جابت طفلين وطلعت واهل زوجها يبكون عليها قولي كيف ؟؟؟
أهي عندها جناح ببيت اهل زوجها غرفتين وبينهم حمام وأنتي بكرامة ...
حسست زوجها بالضيق عيالها صغار جابت لكل واحد سرير وش كبره وزوجها عنده مكتب وكتب ودوالايب الغرفة صارت كنها دهليز قالها شنو هاذ قالت مو لو نستاجر شقة أحسن تم الرجال يفكر وبدأ يقتنع وطلعوا بعد كم ..؟ صبرت ونالت ...!
ان شاء الله أكون افدتك

اسمعي حبيبتي

اهم شيء لا تخلينهم يمسكوا عليك حاجة

اهم شيء الكوي والغسيل ونظافة غرفتك.. عشان ما يقدروا يقولوا عنك شيء

واذا كان على الطلعة والنزله عارفين وين تروحي؟؟

فهذا شيء طبيعي .. انا ساكنة معاهم في العمارة بس في شقة ثانية ومع ذلك يعرفون وين اروح ووين اجي

فما بالك انتي ساكنة معاهم

الله يعينك

ترى مو كل الناس شريره جذي يعني مثل ما انا ذايقه المر من اهل زوجي
بالمقابل اختي الله يسعدها قاعده بنفس البيت اللي فيه اهله و ما شاء الله سمنه على عسل
اهي و اخت زوجها وامه
لدرجه ان زوجها لما قال لها نطلع ببيت بروحنا قالت له أمك واختك معانا انا ما اتركهم بروحهم مع اخوك ومرته :)
لدرجه ان ام زوجها مره امسكت اختي و حلفتها ان لو صار حق الام شي ان بنتها ( اخت زوجها ) تروح تعيش مع اختي وزوجها و حلفتها انها ما تروح تعيش عند الاخ الكبير و مرته

يعني شوفوا الناس شلون يحبونها ويبونها ما شاء الله عليها الله يتمم لها

وبالنسبه للخدمه وغيره ما يحتاج عندهم ثلاث هنديات لدرجه ان اختي مرات تقول اشتهي مرات ادش المطبخ اطبخ حق ريلي شي :) ومرات تسويها تقعد الهنديه و تقعد اهي تطبخ لها خبز وجبن وطماطم و تقليه ( ترا اختي ما تعرف تطبخ كلش ) وعلى قلب ريلها مثل العسل ونفس الشي امه ، مره قالت لها امه يا بنتي ليش تطبخين و تلعوزين نفسج ؟؟ خليج مرتاحه و كل اللي تبينه يجيج .

يعني الحمد الله حالتها وااايد زينه مع انها بنفس البيت اللي فيه اهل زوجها ، مو مثلي بعيده عنهم ومو مفتكه منهم