كيف راح تصير علاقتي مع اهل زوجي!

السلام عليكم ورحمة الله وبركاته
في البدايه انا واختي متزوجين اخوان تمام..
انا تزوجت الأولى
واختي بعدي
المهم ماطول عليكم طبعا زواج اختي كانت بعد زواجي بسنوات طويله واختي من سنه وكم شهر متزوجه اول سنه مرت بسلام الحمدلله لكن بدايه السنه صار خلاف ووداها بيت اهلي طقها وسحب شعرها جلست تقريبا ٤ شهور ولا احد من اهل زوجي كلمها ولا احد عبرها لو برساله هي كلمتهم مره عشان تبغى مصروف ضروف اهلي صعبه وهم ناس ماشاءالله عليهم ربي يزيدهم طبعا انا كنت اكلم زوجي يا فلان كلم اخوك شوف وش في خاطره هل بيتركها ولا بيرجع لها وخليه يصرف عليها دامها في ذمته المهم كلم اخوه قال ايه بروح لهم بس انتم مالكم شغل قلت انا خلاص دامه قال كذا ما راح أتدخل
في ذي الفتره كلم الوالد قاله بجيكم قال حياك الله
في نفس الأسبوع دق عليه الساعه ١ باليل بس مارد كان نايم اهلي كانو مخلين الباب مفتوح عشان اختي بتجي تاخذ بنتها عندهم


ذا الوقت هو جا زوج اختي ونطل أغراضها بالحوش الأغراض كامله بعدين اتصل انه الأغراض برا وبيرسل ورقه طلاقها قال الوالد خلاص امساك بمعروف او تسريح بإحسان الله يستر عليك
طبعا ذي الفتره زوجي عارف بكل شي بس ماقال لي
واهلي قالو خلاص كملي حياتك عادي لكن انا احس قلبي انكسر على اختي صرت مو متقبله شي
وأهل زوجي ليومكم هذا محد اتصل ولا جاء مالي نفس اقابلهم محد كان راضي يسمع لاختي هي مو غلطانه
واذا سألت زوجي عنهم يقول وش تبينهم يسون
انا مو عارف كيف لو قابلتهم هل اعاتبهم ولا خلاص اقفل على السالفه