كيف طريقة عمل الزبادي و الروب في البيت ؟؟

وينكم ..

انا طريقتي سهلة تعلمتها من امي و استغنيت عن الزبادي الجاهزاول شي اخلطي الحليب مع الماي و حطي القدر على النار لما يغلي الحليب طفي النار و انتظري الحليب يبرد شوي انا متعودة احط اصبعي في الحليب لو حطيتي اصبعك و ماحترق يعني احتر شوية يعني الحليب جاهز جيبي زبادي ملعقتين او ثلاث ( ملعقة الاكل ) او على حسب كمية الحليب و اخلطيهم مع الحليب و حطي الغطاء على القدر خليه في مكان دافئ انا اخليه في المطبخ و احسبي اربع او خمس ساعات في الحر و ست ساعات في البرد بعدين حطيهم في الثلاجة ليلة كاملة و بس و عادي سويه باي ماعون يعجبك و ان شاء الله يضبط معاك

ابعد قلبي يازهرة الابداع
الله يجزااك الخير ويسعدك ويسعد الوالدة ويخليها لك
إن شاء الله بسوي طريقتم السهله
بس عندي سؤال
ليس تغلين الحليب دام إنك راح تخلينه يبرد؟
والسؤال الثاني
انت تخلينه خمس او ست ساعات طيب بعد هالخمس او ست ساعات شلون راح يكون الحليب؟ هل المفروض يتجمد شوي ولا يتجمد مررره ويصير زبادي جامد ولا يكون ماء يركض؟
المفروض وش يطلع لي ؟
اتمنى تجاوبيني لان مرره مهمه هالاسئلة
بانتظارك

آسفه على الاخطاء الاملائية لان اكتب من الجوال

آمين ياقلبي فرحتيني على الدعوة الحليب ضروري تغلينه لو كان حليب مجفف اما لو كان حليب البقر مو لازم الغلي ولو كنتي مستعجلة اغلي ماي بعدين اخلطي معاه الحليب بعد الخمس و الست ساعات الزبادي يكون مجمد و فوقه شوي ماي ولو ما حطيتيه في الثلاجة او رجيتيه قبل ما يبرد بيطلع فيه ماي كثير حطيه في الثلاجة بدون ما تخلطينه او تذوقي طعمه انتي اغلي الحليب و خبريني انابعلمك شو تسوين عقبها