كيف علمتي زوجك بااول حمل

كيف انا علمته صارت بينا مشكله بسيطه جدا بس انا كالعاده كبرتها طبعا اول الزواج اول ماخذني كنت صغيره وتفاهه مو طبيعيه مالكم بطويله كنت اردد هو قاعد علكمبيوتر يشتغل وانا عند راسه اهذري ابيه يعتذر قام وش سوا شالني بمسامعي ورماني وسكر عليه لين خلص شغل ماطلع الا متأخر في اليل جيتكم انا واستلمه ضربتني وربي اني لأعلم ابوي انك نتفت مسامعي😁😁😁 وهو ساكت واقعد وراه اقعد وراه ابي استفزه وهو تعوذي من ابليس وابعدي عن وجهي قام بينام واقشع الحاف قوم ابي اروح لاهلي والله مااجلس انا شفته مستحي يوديني قمت زودتها وهو خلاص بوديك الصباح الحين اهلك نايمين وانا ماسكت الا توديني الحين قام وصدق زعلان لبس ورحنا دقيت الباب وفتح اخوي ابوي كان يصلي دخل زوجي وجاء ابوي كفيت شركم وشبكم قام زوجي قال ياعم طلاق من راسها مابي اجيبها وطلاق مامديت يدي وطلاق انها اجبرتني الا تجيك واشغلني ياعم على كل مخرج ابروح بيت اهلي ولا انا مستحي منك والحاصل بنت عندك ووصلتكم اذا رفع ابوي حواجبه وطالعني لازم يحصل العيد قال وشبك ليش تطلعين من بيتك هو مد يده عليك انا اخترعت قلت ايوه نتف مسامعي😁😁😁😁 ابويه قعد خمس ثواني يطالع فيني ياولد ذي مريضه ذي ملحوس عقلها وش قصتها قال ايوه وايش وش سوا وليه نتف مسامعك وانا اسرد له تفاهات قام قال وقومي زوجك وطلعتيه عشان بس كذا اعاهدك بالله مايتنتف مسامعك الا انا😁😁 قام قال لزوجي يبغى يمتص زعلاه لانه اصلا عارف انه يعشقني ولا يصخا فيه ويبي يراضيه وخايف انه يزل منه زلل قام قال ياولدي انا غشيتك وانشبتها في حلقك انكان على احد ملامه ولا حق فخذه مني انا مستعد انا الملام الي طلعتها من عندي ولا قد ربيتها زوجي على طول كان شاب ضو ويوم سمع ابوي استحى مره وبدأ يتعذر لا ياعم محشوم وتصير بين الأزواج ووالله مابه خلاف قام قال خلها ياولدي ودي اربيها من جديد وانت رح عملك واذا دقيت عليك تعال راح زوجي ويجي ابوي يمنع اخواتي قال ولا وحده تدخل المطبخ الا ورده والله انه كان يجيب ذبايح غدا وعشا ولا يطبخها الا انا وكرفني كرف مو طبيعي اقسم بالله يابنات اني من شده الكرف كنت ارقد في المطبخ من كثر ماغسل قدور الذبائح طول اليل اتعب وارقد وماقد خلصت قعدت شهر ولا انساه صدق يبي يطلع قلبي الله يرحم ذاك الوجه مالكم بطويله جاب مره ذبيحه بيجون عماني غدا قال تعالي خذي الحم واطبخيه واجيكم وانا احطه بلقدر الا قسم بالله ياغثيان مو طبيعي وابي اطرش وصدق منهكه كرف وتعب واجي ابكي وهم جالسين على جلسه هو واخواتي واخواني يبه تعبانه مابقدر اطبخ خل فلانه وهو ياكذوب والله عالم الغيب والشهادة لافتصل قلبك صح انك تبغين بيت ابوك هذا بيت ابوك قومي غضب الله عليك وانا اجيك اربط الشيله على خشمي😁 واكمل طبخ ولاقدر اكل من الغثيان ويجي اليل وانا صدق تعبانه قلت اختي يابنت لاتكونين حامل واروح مستشفى خاص ابي النتيجه بسرعه وكللوووووووووووووووووش حمل قلت اختي دقي دقي على زوجك علميه كود يجي ويفكك من العذاب الأليم واتصل عليه علطول رد قلت سلام انقذني ياحليب السعوديه قال وش تبين قلت ابوي قاعد يكرفني وربي انه قاعد يعذبني عذاب الويل تعال انقذني قال مو انتي الي كل شوي بيت اهلي وبيت اهلي معليش بسافر شهرين انتداب واجي وخير انا هنا😳😳😳😳😳😳 طيب خلهم يعذبوني بس تراني حامل وترا ابوي كل يوم ذبيحه وربي انه ماهو مايشيل قدور الذبائح الا انا ولا مايخلي احد يساعدني اذا سقطت وقتها ذنبي في رقبتك هنا انفجع أحلفي واشوف وعلي الحرام لو تطلعين كذابه لاخليك سنه قلت اتصل على فلان اسأله يابنات ٤ ساعات وهو بالمجلس الله يوم شفته الله من شعور ويجي ياعم مسافر وابي اخذ زوجتي معاي قال ابوي خلني باقي خمس عزايم 😁😁😁 قال لا ياعم ان شاء الله معاد تعودها وانها عقلت وابوي قدامه والله الذي أنزل كتابه ان باقي جيتي مالم يكون معك عذر سمين ولا طق شرعي فيه ماتطلعين من عندي اقل من سنه قام ابوي حلف يتعشى معنا وزوجي يبي يلطف الجو قال ياعم اتعشى بشرط ورده ماتطبخ ولا تغسل قدور وانا من عيوني قلوب وفراشات ❤️