كيف نتعامل مع الرهاب الاجتماعي؟

جاني ارهاب اجتماعي وعانيت معاناه لدرجه م توقعت راح اطلع منه للاسف جاني قبل زواجي زي العين بالضبط جاني بعد الملكه

وللاسف بالبدايه استسلمت لدرجه حتى وانا حامل اخذ امي معي للمستشفى واذا شفت المرضى كثرو اطلع من المكان اخاف ادوخ وانحرمت من تجهيزي للولاده كنت اجلس بالسياره وامي واختي ينزلون يقضون لي وبعدها اشوفه بالسياره ولما ولدت تعبت بعد الولاده لانه ممنوع المرافق كنت اعد الوقت وم انام وضغطي مرتفع من الخوف وكل شوي اتصل ع امي اشوف هي موجوده بالمستشفى ولالا لما طلعت بعدها قاومت وضغطت ع نفسي وبديت انزل المحلات اللي تكون بالشارع شوي شوي بالمولات صرت اروح بس كنت اشوف الباب قريب ولالا عشان لو دخت يمدي اركض واطلع ( لاحظي مستحيل اللي فيه دوخه يركض يعني كان وهم مرض )

اول خطوه اخذتها شجعت نفسي اول زياره لي للمول بعد المرض كنت امشي واشوف الباب واكلم نفسي واقول ابعدي اكثر يلا الدوخه مستحيل تجيني واشجع نفسي اكثر واكثر شهور وقاومتها للعلم اول مكان رحت له نفس المول اللي تعبت فيه

ومعلومه قريتها من اطباء النفس ( الشي اللي تخاف منه اقبل عليه ) عشان ينزع الخوف ويصير خلاص تقاومه

م كنت احب الناس الكثير اذا كانو قليل عادي بس اذا كثرو اعرق وادوخ واتعب