كيف نجهز اغراض السفر لأطفالنا؟؟

هلا والله

موضوعك روعه تصدقين ان شاء الله بسافر بعد اسبوعين ووتعرفين محتاجه لهذي المواضيع
المهم انا بتكلم اذا كان عمر الطفل سنه وكم شهر

اول شي بالطياره لا تنسون الشنطه للبيبي فيها :
بدله وبيجامتين وبامبرز كميه تكفي يومين ورضاعتين وان حصل 3 مو مشكله لان احيانا الوقت طويل وصعبه بتروحين دورة المياه علشان تغسلين .. حليب في العلب المخصصه لها اسهل لك .. شيبس وسيريلاك او موزه او اي اكله خفيفه تقدرين تاكلينه اياها من غير ما يتوصخ ههه .. فازلين ومرهم الاحمرار اللي عندك .. مسحات طبيه .. مشط علشان تهبطون كشتهم خخخ .. فوطه صغيره للغيار يعني كل ما تحسينه يلزمك طول هالفتره

نجي للشنطه الكبيره
بالنسبه لي اخذ معي حليب اضافي يعني مو على عدد الايام لا لاني اخاف من حلبانهم ههههه طبعا اذا السفر اوربا ولا بلد بوذي وغير مسلم ... اخذ معي زبادي علب تكفي كم يوم على الاقل اجوع بنتي 4 ايام ولا اجوعها اسبوعين صح ولا ؟؟؟ ... حفاظات اخذ معي عدد اضافي برضو علشان ما احتاس هناك ... ملابس اخذ لها على عدد الايام اللي بجلس بدل ...وزياده كم بدله قولي تقريبا كل هدومها خخخخخخخ علشان ما اغسل هناك واتعب .... اخذ معي بطانيه لالالا مو بطانيه اخف من البطانيه مدري وش اسمها علشان اذا نامت بالعربيه .... ومقص اظافر ولزق الجروح شامبو صابون .. الادويه لا تنسينها .. مضاد حيوي وكريم الحساسيه و السعال والكحه و فيفادوووووول .. وبعدددددددددددد ىاذا ذكرت شي بجي اقوله

العربيه لا تنسينهاااااااااااااااااااااااااااا .... هذي المفروض تودينها قبلك هههههههه اي والله تخيلي صديقتي بنتها عمرها سنه و9 شهور المهم قالها زوجها خلاص تمشي هي لا تزحمينا بالعربيه وهناك تقطعت جلست تدور مكان يبيع عربيات علشان تشتري وشرو ا تقول ما قدرت اتحمل

وبسسسسسسس
وانا هوووووووااااااااااش مع زوجي بسبب كثرة الاغراض وهذا ربعها مرجعها


باي

أحب أضيف مع الأخوات لا تنسي الألعاب أهم شي

سلام بنات
تركش كفي
تسلمين على هالأضافات الحلوه
الموزه حركه(اكله تشبع ولا توصخ)
والزبادي برضو مايخرب من الحر
العربيه انا حاطتها من الأساسيات عقب مره سافرت وقالتلي اختي نفس الشي ماراح تحتاجينها ليتني ماسمعت كلامها قعدت اطر من حريم اخواني وتلوعت من جد...
صادقه اوديها قبلي
ام عبدالله
تسلمين على ردك
الالعاب والله غايبه عن بالي كويس اللي ذكرتينا


بنات وش رايكم بالأكل المعلب؟؟؟؟

ما شاء الله ذكرتوا أهم الأشياء وما أكرر..
المهم أحب أوصيكم تاخذون معكم حفاظات كافية لا سمح الله تعرض الطفل لاسهال لا تتأزمون لأن بعض الدول مثل ماليزيا نوعية حفاظاتهم حتى البامبرز غير عنا وحجمهه أصغر يعني لما ما تحصلين حفاظات ورطة بس الدول الاوربيه حفاظاتهم ممتازة بس غالية وكذلك اخذوا حليب كفاية لأن الحليب تبعهم نوعيات غير فلازم كل شي كفاية لان الطفل يرفض حليب آخر. المهم أي شي يحبه الطفل شيبس ولا بسكوت اخذوا ولا تعتمدون انكم بتشترون من هناك والملابس اخذوا كفاية لا سمح الله الطفل مرض ما بيصير وقت للغسيل. والعربية وايد وايد مهمة.

مرحبا اخواتي
الله يجزاكم خير على هالموضوع المفيد.. وعلى طاري السفر ابي اسأل ؟؟بنتي عمرها سنه ونص الله يحميها وحركتها كثير وتزعجني في الطياره....واحيانا اخليها صاحيه طول اليوم اللي قبل السفر عشان تنام في الطياره لكن مره تظبط ومره لا....ولو عطيتها لعب جديده تسكت وتلعب 10 دقايق ثم ترجع تحوسني...ابي اعطيها ملعقه دواء كحه او اي شيء (غير مضر) عشان تنام وتريحني خاصة ان وراي سفر طويل.....بس ماني عارفه؟ممكن تدلوني ؟ايش الحل