والصراحة الموضوع جا في وقته أنا باذن واحد احد باسافر و قاعده أجهز الشنط عندي بنت عمرها 4 وولد سنة و عشر شهور الله يخليهم لي و يبارك فيهم / انجرفت ورى مشاعري ونسيت الموضوع :D نرجع للموضوع انا جهزت شنطة اللي باخذها معي في الطيارة فيها :
- بجامه وغيار لكل واحد - مناديل جونس - حفاضات تكفيه طول الرحلة - ترمس ماء حق الرضعات - ثلاث رضاعات - حليب - كلينكس - أدوية للزكام و الكحة - مفرشين صغار الخفيفة القطنية عشان أغطية هو والا أخته ان أحتجته - فازلين و كريم ثاني مرطب - حليب علب لبنتي و عصيرات للاتنين - سناكس بسكويتات وشوي حلويات من اللي تناسبهم عشان ياكلونها بس فكرة الزبادي حلوة باخذ و خصوصا ان بنتي تحبه كثير مع اني فكرت اسويلهم سمبوسة جبن اش رايكم
- ومقص - و مقراط -فرشاة شعر - جوارب اضافيه انشا الله ما أكون نسيت شي
وفيه شنطة ثانية زي ما سمتها الاخت طيبة الكويتية شنطة التسلية هذي شنطة صغيرة تحملها بنتي على ظهرها فيها كراسات تلوين و الوان وقصص لها ولاخوها و لعبتها المفضلة جيم بوي و كم لعبه لاخوها
أدري اني طولت بس لما يتعلق الموضوع بعيالي تلقوني شايله الدنيا عشان ما أحتاس و الا احتاج لشي و ما القاه وهذولا أطفال و حركتهم كثرة و طلباتهم ما تخلص الله يعينا :)

اختي بك استجير
النوع هذا خفيف و ما يأذي و ممكن تكرفينها كراف اليهد لا تحاتينها. و ماراح تتعبين منها, خفيفه لدرجه انج ممكن تشيلينها على الكتف

اسال الله العظيم رب العرش العظيم ان يشفي ابنتك يازهرة القمر عاجلا غير اجل

ويفرحك فيها يارب متعافيه .

الله يشفي بنوتك اختيـ زهرة القمر
والحمد لله ماعليها الا العافيه وعقبال ماتشوفينها عروس وتشيلين عيالها بحظنك اللهم آمين :26:

ونا مانصح البنات يعطون اطفالهم ادويه تنومهم
مضره ويتعود الجسم عليها فا اذ احتاجوها فعلا ماراح تاثر فيهم اصلا
هذا غير ان بعض الامهات تصير والعياااذ بالله تعطيها اطفالها كل ليله :(

مشكورين خواتي على الموضوع .... فعلاً وايد شيق وأنا عانيت وايد السنة اللي طافت لأنه عندي ولد أول مره وعمره يعني 6 شهور.... وما شاء الله ما خليت شي ما خذته..... وحابه السنة أقلل من الأشياء لأنه تعب وفيه أشياء كثيرة رميتها...
حالياً هو كمل سنة تقريبا وكم شهر فبديت هذي الأيام أشوف علبة الحليب كم يوم تاخذ، والبامبرز كذلك علشان ما أرجع بشي....
فعلاً فيه شنطة فادتني وايد وايد حلوه وخذت منها مجموعة وهي للأطفال ومقسمة والله لدرجة أن كل حد شافها من أهلي راح خذ منها وما يصدقون إلي فيها:
القسم الأول: فيه كانت سبع مراضع ونصفها كانت معباية بماء مغلي، لأنه ما كان ياكل وأنا ما أرضعه طبيعي، وعلب الوجبات كانت سبعة، وعندي ترمز 2 بماء ساخن مغلي....
وكنت ماخذه إحتياطي ملعقتين في بوكس صغير إذا عطيته (روب) ....
وفي قسم الطعام كنت حاطه بعد اللبس أو البيبي لانه ولدي كان وايد يرجع وهو عملي يعني ما تغسلينه بعد الاستخدام ترمينه على طول من مذركير (حالياً غير متوفر في مذركير في أبوظبي، بس راح أدور عليه في مكان ثاني)،،،
وفي القسم الثاني كان فيه:
فراش مربع صغير علشان تفرشين الطفل لما تغيرين له يجي مع الشنطة وكان فيها بلاستيك واحد حطيت فيه الأكياس (بعد من مذركير للبامبرز) مع كلينكس التنظيف من بامبرز علشان ما ياخذ حيز، والبلاستيك الثاني حطيت فيه (البامبرز)....
وحطيت بعد لبسه مع جاكيت ومع فانيله وفوطه صغيرة
وكان للشنطة قسم بعد للموبايل وللقلم وآلة حاسبة، والتذاكر والجوازات بس أنا وزوجي وولدي، فعلاً شنطة جنان والله، وتاخذ أشياء كثيرة ولما تشوفيه تستغربي أنها تشل كل هالأغراض...
والله نسيت اقول لكم أني خذت بعد لحاف ناعم بعد من مذركير قطن كان صغير بس لسن السنة وما فوق ما ينفع...
المهم العربة خذت على نصيحة خالتي ومثل ما ذكرت أحد الأخوات من مذركير ، وكانت فعلا خفيفة وعمليه بس فيه نوعين وحده بسعر 770 درهم والثانية ب 200 درهم تقريباً .. المهم أنا خذتها من أبوظبي مول وكانت أخر وحده ومحافظه عليها لأنها وايد حلوه فيها سلة من تحت وفيها غطاء كامل إذا نزل المطر،، بس ما تنزل وايد إذا نام الطفل...
وأنا انصح إذا وحده مسافره تاخذ ثياب عمليه للطفل وتشتري له الثياب الباقيه من هناك،، مع بجامات لانها بكثرة للأطفال وسعر حلو، وندمت أني ماخذه الماركات اللي تتوسخ بال(مطر، وزواع الطفل) يعني أن أشوف أنسب شي من مذركير (أسوي دعايـــــــــــــــه) ههههههههه

المهم في هذي السنة قررت أخذ بعض اللبس وأشتري اللبس الباقي من هناك،

الشنطة الثانية اللي في الشحن لازم يكون فيها فوط، مع لبس داخلي، مع جكيتات، جوارب، وكوب بلاستيك علشان تسبحين الطفل، غلايه للماي وصندوق بلاستيك ترمينه يوم ترجعين كنت أغسل المراضع وحطها فيه علشان ما توسخ،
وحاولوا تاخذون الأشياء الجديمه علشان ترمونها هناك،،، يعني أنا كنت أخذ البجامات اللي خلاص راح يكبر عليها وما تنفع، اللحاف، والشرشف بعد، والفوط،

إذا ذكرت بخبركم لأن الحين أنا خلص دوامي وطالعه ........آسفه أني طولت عليكم،،، بس راح أفكر إن شاء الله وأطلع بفكره جديده بالنسبة لترتيب الشنطة والأغراض اللي يحتاجه الطفل بحيث أني ما أقلل ...
مع السلامة