السلام عليكم ورحمة الله وبركاته<<<<هذي يالمسلمة عشانك عشان تردين وأنتي متطمنه
]
كيفكم يا حلوات
كيف نفسياتكم عساكم مرتاحين!!؟؟؟
اليوم بسوي اختبار لنفسياتكن بنشوف هل أنتن مرتاحات والا تهكن علينا
لكن قبل ذلك ما هي الدواعي اللتي تؤثر على نفسية النساء!!!؟؟؟
هذا ما سوف نتعرف عليه ووسنتناول كل فئة على حدة ثمن نرى الاختبار<<<<<أتقطع على الفصحى
طبعا كل شخص يمر بضغوط نفسيه سواء كانت كبيرة أو صغيرة بس ماراح ندخل بالكبيرة بناخذ المواضيع اللي تغيض المرأة وهي أصلا قمه في التفاهه
نبدا بالبنات<<<<البنات اللي ما عرسن
عاد ترى البنات يزعلن على اشياء مررررره مهمة<<<<بالحيل
وش يا ترى أكثر شي يقهر البنت!!!؟؟؟
أنا اقولكم<<<نظرا لمروري بهذه المرحلة
إذا أرسلت رساله لصديقته وما ردت شوفي الهواش وشوفي الطقاق من بكرة على طول تسفهينن أنتي ووجهك الشرهه مهيب عليك على اللي يرسل أصلا<<<<ما تنلام صراحة تقهر
والا إذا جا أخوها وقالت لها أمها جيبي فنجال لخوك تقول يا سلام هو يروح يجيب لنفسه (((بحكم إنه أصغر منها)))
وتهاوشها أمها وتروح مكرهه<<< إلى الآن الوضع يعني ما بعد انفجرت
يوم جابت الفنجال طلع أخوها لسنه عليها
وقال((غصبن عنك)))<<<<الآن انفجرت القنبلةتحس قلبها بيطلع من القهر ووتصك على سنونها من زود ماهي منغثه وتطق بوزها
موب شبرين كيلوين لدرجة السيارات اللي يمرن من عند بيتهم يحسبونه مطبه<<<هذا إذا صارت براطمها صغيرهبس إذا كبيرة والا منفختها مثل بنات الحين الله يخلف عليهن يحسبونها كبري
والا المشكلة العظمى إذا كانن صديقاتها متواعدات بالملاهي وصار لها يومين تخطط تروح معهم وعيا ابوها تروح شوفي الصياح والدموع اللي تقل قاطعين منها لحمه
وتحس إنها مظلومه و منبوذه من البيت وإنه محد يحبها لدرجة أحيانا تحس إنها ميب بنتهم تحس إن أهلها متبنينها وتسوي أضراب وتقفل على نفسها بالغرفة وما تاكل طول ذاك اليوم<<<<مير من أكل على ضرسه نفع نفسهوومن كثر الصياح تتغير ملامحها بالمره الخشم انفرش وصار وش كبره والعيون غاصت والوجه احمر غطت على حمار الطماطه والشعر انتفش<<<<<موب من الصياح من كثر مافتركت بفراشه وهي تصيح أنا ماأرحم إلا الوسادة اللي انتلت دموع و.........(مشفر) وكل هذا عشان إيش عشان اهلها عيوا عليها تروح للملاهي
ياترى هل بتلك الحالات كنتي تشعرين بضغوط نفسيه !!!؟؟؟
هذا ما سوف نعرفه في الحلقة القادمة قصدي بعد قليل
نجي هالحين للحرمة البنت<<اختاري وحده
لا هي عمرها عمر حريم بس ما عرست يعني عااااانس
وسوف أعرفكم على ما يغيض تلك العانس <<<<<بحكم مروري بهذي المرحلة أيضا
طبعا بغض النظر عن كونها عانس وهذا بحد ذاته ضغط نفسي كبير<<<<بس ترى أنا ماذكر إني كنت مضغوطه<<<<هين انتي مفطح منفرش على مثلوثه
بس راح اشرح نفسية العانس اللي راضيه بقدرها ولاهيب مطفوقة على العرس
لأن المطفوقه حالتها صعبه وماظن أقدر أعبر عنها
المهم العانس طبعا كائن حي أليف لكن إذا ثوروها أهلها تكون أشرس منها ما فيه
خاصة إذا جابولها عريس بزرأصغر منها بعشر سنين وقالوا لها تراك كبرتي لازم تعرسين وشوفي البنات اللي كبرك معهم عيال واللي أصغر منك اعرسن وبعضهن حمل وحنا محناب دايمنن لك<<<<<<ليش وأنا بدوم والا ذالبزر اللي انتم جايبينه ضامنين دوامه!!!
وترى العيشه عند الإخوان ميب زينه اعرسي جيبي لك كم بزر ينفعونك<<<<<والأم قايمة قاعدة ليتي ما جبت اعيال الله ياخذكم ويريحن<<<<يهكون علينا الأمهات
..........الخ من هرج الأمهات اللي يرفع ضغط العانس
أجل تاخذ بزر تربيه ولا كبر اعرس عليها يخسي إلا هو
ولا اللي يرفع الضغط صدق لا صارت فيه جمعه باستراحه وبدن هالحريم يرفعن الضغط
الحرمه: الله لا يهينك جيبي لي ماء
العانس تجيبلها مويه
الحرمة: الله يرزقك الزوج الصالح اللي يسعدك
حرمة ثانيه: وين المناديل
العانس تفز تجيب المناديل تعطيها إياه<<<<<مهوب قرامه بس هي أصغر ما بالمجلس
الحرمة: الله يسخر لك الزوج اللي يهنيك
حرمة ثالثة: يابنيتي وخري المكيف يضرب بي
العانس: أبشري وتقوم وتوخره
الحرمة: جعل ما تدور السنه إلا وعيالتس حولتس
<<<<حشا أرنبوتقعد العانس ساكته وجنبها بزران وتلعب عليهم شوي توسع صدرها
تسمع لها حرمة ياويلي تحب البزران الله يرزقه<<<<أحد مشتكي لكم
من جد عاد الحريم يرفعن ضغط اللي ماينرفع ضغطه
قلت الدعاوي ادعوا بالجنة بالخاتمة الحسنة بنور القبر بنور الوجه برؤية الرحمن النجاة من النار
تقل مايصلح يدعى للعانس إلا بالعرس<<<<<هذا جزاهم يدعون لتس أنتي ووجهتس
مسكينه كنها مقدمة لهن معروض عن حالتها زي اللي بالأسواق يدورون ومعهم ورق تشرح حالتهم
عاد هالعانس نبي نشوف حالتها بالإختبار بس بعد شوي لين نقظي من المتزوجه
جا دور المتزجة وما بعد عيلت يعني صار لها سنه متزجه وما جاها شي
أول شي يرفع ضغطها لا شافت زوجها يلعب اخوانه الصغار والا يلعب أعيال خواته واخوانه
تحس إن العبرة موب بس خانقتها إلا صكت على انفاسها
<<<<<حلوة ذي ما جابت اعيال ولا تبيه يلعب اعيال خوانهوالا لا جتمعت هي وحريم العيال عند حمولتهم واللي معها 2واللي 5
واللي 6 وكله كوم لا صارت سلفتها((مرت أخو زوجها)) اللي صار لها 8 شهور معرسه حامل بالشهر الخامس ذيك اللحظة خلاص ودها إن الأرض تبلعها وودها إنها ما نخلقت اصلا لا وهذا زوجها ما بعد شب عليها يبي عيال لا شب الظاهر بتشتب هي وتحترق
اما الحرمة اللي معيله وعندها درزن عيال عاد هذي حالات ثانيه
أحيانا يقهرها زوجها لا جاء الظهر وقال تراي عازم رجال على العشاء يوووووووووك ليش مواعهده اهلي بنروح نزور بنت عمي والده
حرام عليك ما يمديني كان خليتها بكرة ......الخ<<<<<ياختي هذا بيته وانتي زوجته يعزم متى ما بغى
والا لا قالت أبي السوق ووداها وما مداها تطب السوق قال يسد يالله مواعدالشباب بروح لهم.. المحلات اللي ما تحتاجينها لا تدخلينها.. وشوله ندور السوق كله ادخلي هالمحلين ويسدن.. وبعدبن لازم تدخلين أقصى المحل خوذي أقرب خلق عند الباب..
وكله كوم ولا قال ترى بحتريك بالسيارة هنا خلاص تتوتر وتترك السوق حتى لو ما بعد شرت شي
(( أنا لو إني منها أحرم أروح السوق معه إن شاء الله عمري ما طبيته ولا اتبهذل هالبهذله)
ولا عاد اكثر شي يقهر الزوجه لا دخلت الحموله بالموضوع
مثلا:
اخت الزوج وينكم من زمان ما شفناكم
الزوجه ابد تعرفين العيال والمدارس ما يفضى الواحد
اخت الزوج الله يصلحهم وإن شاء الله الوحم خفيف هالمرة
الزوجة منصدمة لأنها توها أمس درت إنها حامل حتى عيالها وأهلها ما دروا
هاه إيه لا اشوا شوي
واول ما تركب السيارة مع زوجها تنفجر (عاد هي ما تغز بوزها لأن البراطم ما فيه امل تجتمه فيها حرة ولازم تطلعها) ومن زود قهرها لو تمر الذبانه من عدها نتفتها تنتيف
وعاد تفتح رادوها
اعوذ بالله كل شي تقوله لأهلك أنا ما بعد علمت أهلي وانت قبل ادري انا تقولهم ترى خواتك الوحدة تاصل الخامس ما ندري إلا وكرشتها قدامها ومرت اخوك آخر مرة ماعلمت إلا يوم جاها نزيف بالشهر السادس وصارت ما تطلع ولا تدخل وصرح زوجها بالموضوع وانت لو أعطس طرت تركض تقول لهلك ترى زوجتي اعطست <<<<<ياحليلها تصدقون جازت لي
المهم ندخل بالجد عاد
بما إنه كل واحد يمر بضغوط نفسيه
لازم كل وحدة تعرف حجم هالضغط جواته
وسوف أعرض عليكم صورة توضح ذلك
تفضلوا
هذه الصورة في الحقيقة ثابتة وغير متحركة واذا كنت تشوفها تتحرك فهذا يرجع الى الضغوط النفسية عندك,,
1- إذا كانت حركتها سريعة هذا يدل ان الضغوط النفسية عندك كبيرة ,,, <<<الله ياجرك
2- واذا كانت حركتها بطيئة فان الضغوط عندك قليلة ,,, <<<<< الله لا يزيدها
3-واذا كانت الصورة ثابتة لا تتحرك فانت بحالة جيدة <<<<<الله يتمم عليك
عاد أنتي جربي وشوفي وش طلع معك
وكل ماضاقت بك الدنيا ما عليك إلا فتح هذه الصفحة واختبار نفسك
واعذرون على قرقي اللي بالحسرة قضى <<<<<من زمان قايلين ماتنعطين كي بورد((لوحة مفاتيح))
عاد الله الله بالردود لا تخلون تعبي يضيع على الفاضي
وللذمة ترى الصورة فقط منقوووووووووله((بس الصورة)) والا القرق حقوق الطبع محفوظة
ايه والله الله لا يزيدها
مشكووورة اختي معلمة اجيال