كيف يستفيد شعرج من الزيت (للتطويل و التكثيف)

هاي بنات... شخباركن يا حلوات..:)

بدخل في الموضوع على طول وبإختصار...

تبين شعرج يطول ويغلظ؟؟لما تبين تزيتين شعرج بزيتج المتعوده عليه , إتبعي الخطوات التاليه..

1- بللي شعرج بماي دافي ونشفيه بالفوطه عدل
2- خذي الكميه اللي تناسب شعرج من الزيت ونزلي راسج , ووزعي الزيت مع التدليك الخفيف.
3- فرقي شعرج وعجفيه وغطيه بإشارب, بعد نصف ساعه شيلي الإشارب وخلي شعرج يتنفس.
4- خلي الزيت أقل شي 2,وأكثر شي 5 ساعات تقريباً( هذي المده إللي لاحظت فيهه إن الشعر يستفيد من الزيت, والمسام تتم مفتوحه).


والله يا بنات, من إستخدمت هذي الطريقة في التزييت, ما شاء الله تبارك الرحمن, شعري طال أسرع وصار كثيف بصوره ملحوظه , واللمعان ولا أحلى..

حاولو تستخدمون الزيت بهالطريقه, وإدعولي..

باي...:26: