جزاكى الله كل خير
واضح ان وصفاتك ممتازة سأبدأ بكيكة البرتقال وأرد عليكى بعد النتيجة
عندى طفل صغير ونفسى أعمله مخبوزات شهية وبمقادير منزلية ومتاحة وانت كفتينى بالغرض
أثابك الله كل خير
بس ادعى لى انجح لانى مش شاطرة خالص

صباح الخير عليكم جميعا
عزيزتى منارة لكى منى كل الشكر والعرفان
جزاكى الله كل خير عنى وعن كل من يستفاد من وصفاتك الرائعة التى تعبت اناملك فى كتابتها
عاوزة اقولى انى عملت كيكة البرتقال امبارح بالليل وعلى النهاردة الصبح كانت اتنسفت والكل بيشكر فيها جدااااااااااا
اقولك على حاجة دى اول مرة فى حياتى كلها اعمل كيكة من الالف للياء!!!!!!!!
صدقينى وانا متزوجة من حوالى سنة ونصف ودى اول كيكة اعملها
اللى شجعنى سهولة وصفتك والمقادير بس محتارة اشكرك اذاى
ان شاء الله اجرب كل الكيكات واحدة واحدة واقولك الاخبار
علشان جوزى يرضى عنى بقة ومش يقول انه اتجوز واحدة خايبة
سلااااااااااااام

بس كنت عاوزة اسالك الكيكة طلعت مش عالية يعنى هبطت
تفتكرى ده من البكينج بودر (لأنه كان مخزن عندى)
ولا لانى فتحت الفرن مرتين قبل ماتستوى قوى؟

سؤال اخر
بالنسبة لمقادير الكعكة الرخامية
كلها بالكوب بس السكر (خمس فناجبن) يعنى خمس اكواب ولا كم كوب لانى اظن ان خمس اكواب كتير

طبعا انا عمالة اشارك ومش بيجلى اى رد لكن مش مشكلة انا برده هاستمر فى المشاركة:42:
عندى بعض الاستفسارات:
1- انا قرأت فى احد الردود عن مقدار السكر فى الكعكة الرخامية وخلاص فهمت

2- هل ممكن استعمل الزبدة السايحة فى كل الكيكات لانى لا اظن زوجى سيتقبل الكيكة بالزيت أو ممكن اخلط الزيت بالسمن؟ وما نوع الزيت المفضل فى الكيك (ذرة - عباد ....)؟ وما الفرق بين استعمال الزيت والسمن؟

3- بصراحة ده اهم سؤال عندى ومحيرنى من فترة: انا اسكن فى الريف وحماتى بتجيب لى القشطة اللى بتطلع على وجه اللبن بعد ما يروب مش عارفة عندك فكرة عنها ولا لأ. سؤالى: هل يمكن استخدام القشطة دى فى الكعكة الرخامية؟ وهل هذه القشطة هى الكريمة الفريش او الكريمة اللبانى اللى بيقولوا عليها؟ ياريت تفيدينى بالرد لو عندك فكرة لان عندى منها كميات كبيرة ومش باعرف استفاد منها وبتفسد عندى

طبعا اسالتى كتير لكن ذى ما قلت لك انا مبتدأة وعاوزة اتعلم على ايديكى
جزاكى الله كل خير