كييييييفكم وايش اخر اخباركم :01:
اقول خشي في الموضوع بسرعة
شوفوا حبايبي في جمعة من جمعات اهلي ذقت كيكة مرة تجنن كانت واحدة جايبتها معاها
وسألتها كيف سويتيها قالت شفي حبيبتي روحي السوبرماركت وادخلي محل الكيك الجاهز زي بيتي كويكر وغيره وطالعي راح تشوفي كيك مادري ايش اسمه والله نسيت مكتوب عليه كيك بالقرفة والعسل خذيه واتبعي التعليمات اللي فيه وبس
ولما رجعت البيت قلت ليش ماسويه انا في البيت اشوف راح يطلع زي طعمه والا لأ
وفعلا اختكم عزوف شمرت عن ايدها وسوتها
وطلعت الذ واطعم والله ماابالغ بس يارب تعجبكم
وعارفة اني طولت عليكم بس لازم اقولكم القصة هي بنت الجبيل احسن مني :o:o دايما تقول قصص مع اطباقها فقلت لازم انافسها:42::42:
يالله خلاص مابغى امسخها
هذي المقادير:
1-4بيضات
2-2كاسة دقيق
3-1كاسة سكر مطحون
4-كاسة الاربع حليب سائل اي نوع
5-ملعقة كبيرة بكم بودرة
6-نص ملعقة صغيرة فانيليا
7-كاسة الاربع صغيرة زيت
8-3ملاعق كبيرة عسل
9-ملعقة كبيرة قرفة مطحونة
الطريقة:
يخلط البيض جيدا بخلاط الكيك إلى أن يصبح مثل الكريمة ثم نضع فوقه الفانيليا والسكر ويخلط جيدا ونضيف القرفة والزيت والعسل وتخلط شوية وبعدها نحط الحليب والدقيق والبكم بودر ونخلطها لمدة 3دقايق تقريبا وبعدها جيبي صينية ومسحيها بالزيت وانثري فوقها دقيق ووزعيه وصبي خليط الكيك في الصينية ودخليها الفرن على درجة حرارة متوسطة وخليها تقريبا ساعة الاربع أو إلا ثلث على حسب فرنك وبعدين طلعيها وقطعيها وأنا قسمتها نصين شي رشيته بالسكر البودرة وشي بالشكولاته وكل واحد يرشها بالشي اللي يبغاه او تحطوا فوقها صوص براحتكم وبالعافية على قلوبكم حبايبي وانشالله يارب تعجبكم جربوها ولا تكسفوني
وهذي صورتها
