السلام عليكم و رحمه الله و بركاته
الحقيقه كل الوصفات اللي قريتها لذيذه وحبيت اديلكم طريقه كيكتي المفضله اللي اولادى
وجوزى بيحبوها وبيطلبوها مني كل شويه
المقادير:
2 كوب دقيق - كوب الا ربع زبده او سمنه - كوب سكر- ملعقه ونص بيكينج باودر- 3او4
بيضات حسب حجم البيضه يعني لو البيضه صغيره يبقى 4 - فانيليا - كوب لبن
الطريقه (الطريقه الدسمه )
تضرب السمنه او الزبده جيدا لوحدها ثم نضيف عليها السكر ونضربهم مع بعض كويس
قوي لحد ما يصبح لونها ابيض تقريبا - ثم نبدأ في اضافه الدقيق والبيض المخفوق وعليه
الفانيليا بالتبادل ونبدأ بالدقيق نضيف مره دقيق و مره بيض ومره دقيق وتكون آخر
اضافه هي الدقيق وطبعا لا ننسى وضع البيكينج باودر اثناء الخلط ثم نضيف اللبن شويه
شويه لحد ما يبقى الخليط طري ثم تصب فى صينيه مبطنه بالسمنه ثم الدقيق وتدخل فرن
متوسط الحراره لحد ما تستوي وبالهنا والشفا جربوها ولو عجبتكم ادعولي
:cook:
قمر النيل @kmr_alnyl
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الله يعطيكي العافية
:27: