اليوم جان عيد ميلاد ابن صديقتي ووعدته اني اسويله الكيكه ووفيت بوعدي
وسويت كيكتين وحده شوكلاته ووحده بيضه بالاناناس
هاي صورتها بعد ماكصيت الحافات ونظفتها من تحت حتى احشيها
الكيكه الاولى مقاديرها
بيضه نخفقها سريع لحد متصير رغوه ونضيفلها فانيلا
و1/2 كوب سكر نخفقه ويه البيض و1/3 كوب زيت
2م ك حليب باودر وم ص بيكنك باودر و 2 م ك كاكاو بودره
و1/3 كوب ماء ونخلطها زين ونضيف 1/2 كوب طحين
ونصبها بصينيه مدهونه بزيت ورشه طحين ونشويها بفرن حامي على درجه 160
والكيكه الثانيه
2 بيض او اكثر بكيفج نخفقهم ونسويهم رغوه
ونضيفلهم فانيلا و1 و1/2 كوب سكر و1/3 كوب زيت
و1/3 كوب عصير او حليب بكيفج اني خليت عصير اناناس
وم ك بيكنك باودر و1 و 1/2 كوب طحين منخول
ونصبها بصينيه مدهونه بزيت ومرشوشه بالطحين وعلى درجه 160 وبنص الفرن
اني سويتهم بالليل وخليتهم يبردون وثاني يوم بديت اسوي الكريمه
الكريمه كريمه خفق وضفتله سكر بودره حتى تصير اطيب
خليت الطبقه الجوه الجوزيه وحشيتها بكريمه وموز
والطبقه الفوك البيضه
وبديت اخلي الكريمه على كل الكيكه واساويها
والجوانب خليت عليها مبروش الشكولاته حتى تخفي العيوب هههههه
لان شكد ما احاول اسويها عدله متصير
واخر شي زينتها بالفواكهه
اناناس وفراوله وكيوي
وهاي من الجنب
ان شاء الله تعجبكم