السلام عليكم ورحمة الله وبركاته
افردت للرد على موضوعك موضوع لحاله لاهميته وكتير مايعرفو سبب الكوابيس
اي ام طفلها او طفلتها او هيا نفسها تعاني من الكوابيس بشكل متكرر
بشكل متكرر
او الطفل يصحى من النوع مفجوع وخايف
او يصحى بيبكي وكانه شاف شي
وغالبا الاحلام تكون حيوانات جمال بساس كلاب(الله يعزكم)ثعابين
فيران صراصير نمل
او يحلم بناس تلاحقه وتجري وراه
او الحلم بناس سود ولابسين اسود
او الحلم المتكرر بناس معينة
انتبهو انا ما بتكلم عن طفل اتفرج شي مخيف ونام وحلم بيه لا بتكلم عن شي تاني
المهم الكلام الي فوق مؤشر قوي جدا
انه يا انه الشخص دا يعاني من مرض روحي
او انه سليم بس المكان الي ينام فيه يبغاله تحصين
او الاتنين سوا
لازم المكان يتحصن مو بس احنا نحصن نفسنا
طريق التحصين نجيب موية ونذوب فيها ملح خشن ونقرا فيه رقية تحصين البيوت او الرقية العامة ونرشها في العتبات والاركان
ونجيب موية ونحط فيها مسك اسود سايل اصلي من عبد الصمد القرشي او العربية للعود ونفس الشي ينرش في الزوايا
ونبخر الغرفة قبل النوم
ونطلع الزبايل والملابس الوصخة والدببة والعرايس ونغطي الصور
طبيقيها يا اخت زازو وشوفي ولدك حينام مرتاح او كيف
ونشغل صورة البقرة في غرفة الطفل
وطبعا نحصنه قبل ما ينام وننفض فراشه
على فكرة في ناس ممسوسة او معيونة او مسحورة بس يسمعو قرآن عادي ويصلو وكله
بس تجيهم احلام وكوابيس
زي ما قلت مؤشر قوي
لو بالشروط الي قلتها
بشكل متكرر وملحوظ
ولو طفل صغير ما يتكلم ومايقدر يقول انه بيحلم وكوابيس
راح يبان بقومته مفجوع وخايف وبيبكي او يطالع السقف او مكان معين
لاتجي وحدة مدرعمة وتبربر
قلت ياانه المشكلة في الشخص نفسه او في المكان
والكبار نامو متوضيين ولت تنامو على جنابة عشان الاذى
وشكرا
فعلا كلامك صحيح انا تجيني كوابيس مفزعه وساحره تلاحقني وتوريني اشياء مرعبه وكنت اقرا البقره واتعب واستمع للرقيه يجيني حكه وخموول في جسمي بس تعبت صحيا ونفسيا يجيني بكاء بدون سبب سالت شيخ قال فيك عين وانا وقفت لاني حامل وبروحي تعبانه وان شاء الله بعد الولاده اواصل
الله يحفظنا وعيالنا من شياطين الجن