لاتلعبين دور الأم الخارقه🦸‍♀️⚡️

مو لازم دايم تكونين القوية، الصابرة، المتحملة كل شي لحالك.
عادي تتعبين، وعادي تطلبين مساعدة.
مو مسؤوليتك كل شي في البيت، من تنظيف وتربية وواجبات وأكل وسهر…
البيت شراكة، والتربية شراكة.
زوجك لازم يعرف ويتحسس تعبك، ويشارك فيه، مو بس يساعد من باب “الفضل”، لا… لأنه مسؤول.
وحتى عيالنا، إذا كانوا في عمر يقدرون يفهمون، لازم يتعلمون يقدّرون، يحترمون، ويساعدون.
الأم مو خادمة ولا سوبرمان… الأم إنسانة.
والنقطه الاهم واللي مستفزتني بكثيير من امهات الصراحه
أستغرب من الأمهات اللي تقول: “ما أبي أتعب أحد” أو “ما أبي أتعب عيالي”…
ليش يعني؟
وش المشكله لو عيالك تعبوا شوي؟ مو عشان يشيلون شغلك، لا…
عشان يتربّون على المسؤولية، يعرفون قيمة التعب، ويحسون بالنعمة اللي هم فيها.

إذا دايم شايلتهم على راسك، وما تبين تزعجينهم،
راح يكبرون وهم معتقدين إن “الأم لازم تسوي كل شي، وبس إحنا نطلب ونرتاح”