البنت كانت ملكة جــمآل ... طوول واخلاق وشعــر ورزه وعــدآل وسنع
والأخو فارس وشجــآع وشهم وكــآن اهو أامــــير جمــآعته ...
وكــآن يحـب أاختــه ويحترمهــاآ وأاخته كــآنت دايمــاً تحـــن عليه عشان يتزوج ... وكــآن يقولهـآ مااتزوج الا لمن انتي تــزوجين ويوفقك ربي ...!
لأني ماابي اجيب حرمه بالبيت تغثك وتخطي عليك...
وأخته للأسف ما كان يخطبهاالا عــوير وزويــر ... يا واحد مسكين وفقير والا شاايب عـايب ..
وكـآان مـا يمر يوم ألا تمـدح له وحـده ..<< هذي حلوه وهذي بيضـاء .. << تبي يشتهي العرس بس هــو لمن كاان يشوف الحريم يصد وينحــاآش .. ومره جتهم وحده فقيره ‘ مسكينه للبيت تشحدــ منهم عطتهــآ البنت اللي فيـه المقسوم وقالتلها ان احتجتي شيي تعآلي واعطيك وقــالت البنت آنا أهلي مسـآكين وضعوف أبوي صبي << يصب قهوه ...واللحين تعبان ما عنده شغل .. ابي اشتغل عندك بلقمتي قالت لها خلاص شغلك تجيبين الحطب والماي من البير ..ولما رجع اخوهـا من الصيــد لقى البنت وسأل أخته عنهـآ قالت هذي فقيره وشغلتها عندنا بلقمتها ... عقبها لاحظت أن أخــوهـاآ مقآبلهم مآ يطلع ..<< ترك حتى الصيد والقنص ..
وتفآجأت بيوم من الأيام انه جآء وقال بيخطب البنت اللي عندهم وقالت شلون انت أمييير وابوونا كاان شيخ ..!
وهذي مو من موااخذينا ولا ربعناا وهذي لا لها اصل ولا فصل وبتشمت الناس فينا ....
مــآرد عليها وقال بااخذها رضيتي ولا ما رضيتي ...!
واخذها وصارت راعية البيت مثل ما كانت الخدامه واخته العكس ..
وأخذهــا وكاان بس مقاابلهاا... انقهرت البنت واهي تشوف اخوها مستخف ومقابل المرة.. وقالت بينها وبين نفسها آنــا لازم اخليه يشوفها على حقيقتها .. رااحت لمرة اخوها قالت انا عندي حنه لا حطيتيها صاار شعررك حـــرير .. اخذت مرة اخوهــا الحنه وحنت شعرها بالليل ويوم طلع الصبح قالت لـحرمة اخوها نروح لـ ماء الغدير نتسبح فيه ..<< اول مافي لا حمامات و لاغييره ... يتسبحوون بـ مااء الغدير وقبل يطلع اخوها لحقته وقالتله نبي نروح الضحـى نغسل الهدووم لا جيت من طلعتك مرناعلى الغدير ... وراحت هي ومرت أخـــوها وقعدوا هنااك ولما قربت جية اخوها قالت تعالي نتسبح قبل لا يرجع اخوي البيت وما يلقانا ..
دخلت الفقييره معاهـا.. الأخت المزيونه فكت شعرهاا اللي كأنه شرايط ذهب .. و طااح عليهاا كأنه عبااه وغطاها وما بين منها الا ايدينهاا ورجولهاا وصاارت كأنه ذهبه وسط الماء والشمس فوقهاا.. بيااض وشعر وطول وجمــال ماا يوصفه كلام
.. ومرة الأخو جنبها كنها خنفسه ســـووده .
. الجسم اكلح املح والشــعر كنه عرفجه واقف على علباتها...ورجع الأخو ومر الغدير يدورهم وطل وشااف حرمته واخته يتسبحوون ... << تفشل ورجع للبيت .. وحست حرمة اخوها انه شاافهم .. حرمته مااتت من الخوف واخته استانست وقالت الحين الله بيكشفها ويكشف شينها .. الحيين تفتح عيونه عليها... أول برقعها طول النهار عليها وشعرها رابطته ما ينشااف وهدومها سااتره عليها وليا جاءالليل صاارت الدنيآ خرمس محد يشوف أحــد.... لكن الحين يوم شاافني معها بالغدير وشااف الفرق بين الزين والشين أكيييد بيشوتها ويطلقها...رجعو البيت والحرمه طول الطريق تراجف ولما رجعو البيت على طووول راحت لفرااشها وانخشت فيه ... وهو جآء يدورها وقعد عند راسها وقالها وشفيك قالت ماادري يمكن دخلني بررد تسبحنا بالغدير ومن طلعنا جسمي يرجف وعرقانه والأخت جالسه تسمع ومتشمته
.. فــز من طوله ورااح وجااب طاآسة مااء قرأ فيها وتفل وقال اشربي اللي صاابتك عيني يوم شفتك بالغدير فزيت فيك ولا ذكرت الله .. وهنا الأخت طقتها البوهه
قاام تصفق ايدينها ببعض قالت لا صارت الجيكره اللي شعرهاا كنه عرفجه ..<< حظهاا كذ أجل بروح ادور حظي حطت بقشتها على راسها وراحت ويوم طلعت الآ ذآك الشايب اللي منحني ظهرره ومتسند على عصااه ويهتز
.. سلمت عليه ومشت ناداها وقال وين رايحه يابنت قالت انا رايحه ادور حظي وقالها ..." أنــآ حظــك" ... قالت يآويلي ويلاه قال انا الحين وااقف واذا مو عاجبك انسدح .. وهي تكلمه مربهم صـبي رآكب له على فررس ابيض ويركض فيه وقال هذآ حظ مرة أخوك ..<< هنا درت ان الحظوظ الله يوزعها على الناس بغض النظر عن هذا شين وهذا زين ...أعتقد هنا عرفتوا الموضوع اللي اقصــده ....!؟ وابي اسألكم ..؟! تؤمنون انه في نااس محظوظه لها حظ ونااس مقـــروده مالها حظ ..
وان قاام الحظ قاام لك بعياالك وبزوجك او زوجتك وبأهلــك وسخـــر حتى النــاآس لك ...؟!؟!؟!؟!
وتصــدقون انه فيه نااس لها بخــت وين مااراحت الله يفتح قدامها البيباان ويسهـل أمورهـاآ ؤدروبها ...
ونااس مقـرودين لعوزتهم الدنيا لا حظ ولا خييير ولا بخت ..<< ..!مع انهم طيبين وحبوبيبن واهل خير ودين وطايح حظهم بكل شى
ووين ما را حــو تسكرت البيباان بوجيهم ولو يشبون بيدينهم شمع ما يبـــين بعيون النــآس .. ؤالمشــآكل تجي عليهم من كل صــوب ..
صدق ان الدنيآ حظوظ ...؟؟؟
جياكر وحضهم قايم