مو بس الغرب حتى الشرق ما شاء الله
عندج مثلاً اليابان وكوريا ما شاء الله عليهم أكلهم صحي
أغلب أكلهم خضرا وأكلات بحرية وحليب صويا
وحياتهم كلها مشي في مشي
وحتى دول الشام أكلهم حلو وصحي ويتحركون أكثر منا

أنا صرت أسوي رياضة يومياً في البيت
ترا ما نحتاج ممشى أو نادي
اليوتوب ما شاء الله فيه تمارين كثييييرة أحمل اللي يناسبني

وبخصوص العادات الغذائية هذي ماراح تتغير بين يوم وليلة
لأن احنا من صغرنا متعودين على نمط معين وأكلات معينة
يحتاج نقرا ونتثقف ونبتدي نغير شوي شوي
هذا الشهر مثلاً ابتدي أشرب ماي أكثر
اللي بعده أضيف الخضرا والفواكه لوجباتي الثلاث
وبعدين أبتدي أخفف من الأكلات المضرة اللي أكلها
ونستبدل الأكلات الضارة بالمفيدة
وهكذا راح يتغير النظام الغذائي بدون ما نحس لأن بدينا بالتدريج

أنا بديت أطبق هالطريقة قبل ما كنت أشرب ماي يومياً ألحين من لتر ونص إلى لترين يومياً
للفطور بدل الكورن فلكس العادي آكل اللي بالحبوب الكاملة مع حليب اللوز أو الشوفان أو الأرز
صرت آكل الفواكه واللوز النئ كوجبة خفيفة بين الفطور والغدا
على الغدا خففت من الرز وبدل فخذ الدجاج آكل الصدر لأن دهونه أقل
العشا قبل النوم بساعتين أو ثلاث عشان المعدة يمديها تهضم

كأني طولت بالحجي هههه

الله يجملنا بس

والرياضه فعلا بالبيت احلى واسهل

والاكل اضبطوا انفسكم مو لازم صحي لكن باعتدال قللوا من القشطه والصياني حقتها ترى فيها نسبه زيووت وتجيب كوليسترووول

يسلموو