بشرينا كم نزلتي

للاسف ما نزلت سمنت الين 94 بس بديت انزل ونزلت 3 كيلو

اذكري الله وقولي الحمد الله السمنه شيء مقدور عليه ولا تفكرين بسمنتك وخليك واثقه من نفسك وما عليك من احد اختي كانت دبه والبيت كله يعايرها بسمنتها بس ما شاء الله واثقه من نفسها ويا جبل ما يهزك ريح وعمرها الحين 17 وما شاء الله نزلت كثير وصار جسمها حلو بس بعد يبغالها شوي حتي صديقاتها قالوا وش مسويه من رجيم ما سوت الا الخير ما صارت تاكل رز وبعد كل وجبه تشرب شاهي اخضر والحمد الله وجربي انتي وشوفي وادعي لي ولكل المسلمين وكل شيء من الله خير

حبيبتي انتي زي اختي حرام لاتدفنين نفسك بالسمنه لانك تتكلمين احسبك هي من جد حرام هي جميله مره بس سمينه والى الان ماتزوجت اذا كلم احد يخطبها يقولون سمينه اذا قلنا ايه قالوا الله يوفقها
مع انها رائعه بكل معن شخصيه وذوق بس الناس ماتشوف الا السمنه
بس الله يهديها ماتسمع الكلام وتسوي ريجيمات خرابيط
نجي لمشكلتك الحين انتي لازم تروحين دكتور واذا انتي في الرياض انصحك بمركز الصحه والرشاقه كويسين روحي وخذي برنامج شهر
اشتري اشرطه رياضه احسن شئ تايبو وخليه عندك
سجلي في نادي احس الملتقى رائع وممكن يسوون لك جلسات في البيت او المركز وكل شي بسعره بس اهم شئ تنظبطين طبعا المدربه تشوف وش يناسبك وتسوي لك خطه
مريهم شوفي
خلي هدفك كيلو في الاسبوع يعني خلال عشر اسابيع بيتغير شكلك تماما عشره كيلو مو هينه
ومع الرياضه بيصير شكلك كانك نحفتي 15 والا عشرين بعد كذا سدي فمك وحافظي على صحتك
كلي كثير بس خضار فاكهه لاتاكلين شوي شيبس وحلويات
كلي اسماك دهنيه وزيت زيتون وبعدي عن الكثره ابحثي كل يوم عن الغذا واستفيدي مما تقرين
وصدقيني فعلا بتتغيرين مو شكلك حتى نفسيتك
اكيد بتتعبين بس خلي الرشاقه هدفك دايم تحركي واهم شئ المتابعه الطبيه وابعدي عن الاجهزه مثل اال بي جي وزي هالاشياء خلك في المضمون
وادعي ربك كل يوم قبل اذان الفجر وبين الاذان والاقامه يارب نحفني من غير شر صايبني
والله يوفقك ويكبر حظك واخواتي وبنات المسلمين

شئ مهم الكابه تجي من قل الدهون والسكريات لازم يصير اكلك فيه دهون مفيده وسكريات بس كميات محدوده
الدكتور الفاهم يقدر يضبط لك مثلا وجبه خفيفه 2 دايجستف مع شاي اخضر بدون سكر
2 تمره مع قهوه
السلطه مع نصف ملعقه زيت زيتون معصور على البارد
زي كذا مو تعذيب وبس لا تغذيه وصحه ورشاقه باذن الله ولاتنسين تبشرينا
واذا احتجتي اي دعم اكتبي وسولفي
وممكن تراسلين على الخاص اذا تبغين اي معلومه لو عندي اساعدك واعطيك ريجيم
واسوي لك جدول الي تبغين بس الله يسعدك التزمي
اهم شئ ممكن انتي تفرغين احتياجاتك في الاكل يعني الاكل صديقك هذي المشكله لانه فعلا تجي كابه في هذي الحاله لازم تدورين صديق ثاني صيري اذا بغيتي تاكلين اشرب كاسين ماء واقري قصه املي البيت قصص خليها هي تفريغك ارسمي طلعي هوايه ثانيه اي شئ غير الاكل وبالتوفيق

الاحظ ردودك في الليل مره متاخر ترا السهر يسبب السمنه نامي بدري 10 - 11 بالكثير واصحي صلاه الفجر او بعدها بشوي وريحي شوي الظهر بيساعدك كثير