يا أختي الحمدلله اللي عندك خير وبركة نعمة من رب العالمين .. كثير أخوات هنا في المنتدى يتمنون طفل واحد الله يرزقهم ويرزقك الذرية الصالحة اللي تسعد قلوبهم وقلبك عاجلا غير آجل ..

وإذا على كلام الناس إذا بتحطين كلامهم في بالك وتفكرين فيه بتتعبين نفسك وبتخربين حياتك وهما مادروا عنك ..
.. إرضاء الناس غاية لا تدرك 🌹


تم الإرسال بواسطة iPhone بإستخدام منتدى عالم حواء

ايشلك بكلامه ربي رزقك بثلاثه وفيهم الخيير والبركه احناا 5 بنات ولد واحد وعلي قولتهم الله واحد ومكفي خلقه
والله يرزقك

ياعيوني ولا يهمك ولاتحطي بخاطرك

خلك قنوعه وواثقه بأمر الله ومحد حيهمك

غيرك يدور الضنى مالقاه الله يرزق كل محرومه

واذا عالحكي والله الناس ماتبطل
اللي ماعندها قالوا مقطوع خلفها
واللي عندها اثنين ثلاثه قالوا جيبي اخ واخت
واللي عندها بنات قالوا جيبي ولد سند لهم
واللي خلفتها اولاد قالوا دامك ماجبتي بنت ماحد حيحن عليك مثل البنت

واللي عندها عيال وبنات جاها زوج عله

فانتي طنشي ولاتحطي ببالك كل كلمه تنقال
لو حنسمع ونحط ببالنا حنموت غبينه ولاحنهنا يوم


الله يرزقك من واسع فضله ويشرح صدرك ويفرحك ان شاء الله

و الله انك فاضية عندك تلاتة ما شاء الله و تدوري تاني ، احمدي ربك ،، و ربي اللي عندك و كبريهم و طلعيهم شي يفيد المجتمع و افرحي فيهم و افتخري وقتها ،،، ايش راح تستفيدي لو جبت ولد تاني و لا شي ،، الزمن هدا زمن بزرين او تلاتة ما ينفع تخلفي كتير ،،، الله يهديك ،،، الله يرزق المتاخرات يا رب ، اما انتي بطرانه عندك الحمدلله و ربنا يحفظهم لك ،، و لا تتدققي في كلام الناس ،،،

يااختي لاتقولي بطرانه عندك قولي ماشاء الله

ومافيها شي ابغى اجيب انا احب الاطفال

ولاتنسو ان الرسول امرنا بالانجاب وانا عندي رغبه ايش فيها؟