السسسلام علاكن ياسيداتي السيدات شلونكم يا لبيييييه بس مبطيه عنكم ..
بمناسبة ان موضوعي السابق حق البزارين وسع صديراتكن وانبسطتن يالله ذكرك قلت وراء ما اوسع صديراتكن اليوم بعد كود انكن تدعن لي
...
و سلام خاص ل السياحة والسفر بما اني متربعه عندكم اليوم من سوء حظكم-->
معليش انا ادري اني كلي بكبري احوم الكبد بس يالله وش تسوون هذا اللي ربي عطاكم ..
نخش بالموضوع على طول في يوم من الايااام اللي راحت وهو يوم مباراه الهلال والغرافه عليهم اسم بعد ! طلعنا مطعم لاول مره بدون زن وحن حن علينا اخوي جعله يسلم ( راضيه عليه ليتنا بس ضيعنا قعدنا ندوره اختي ماسكه اليمين وانا اليسار موب كفو تدوير ..
هذا المنيو الخايس الله يكرم النعمه ازين ماعندهم مكرونه مدري وش اسمها المهم انها باستا كذابه موب مثل الباستا اللي كلتها في الرياض قاليري تسذبو علي.. الكلاب
مدري وش انقي وش اخلي بصراحه شي يسعبل !! وهذا الايفون حق اخيي صقعان اقصد صقوعي ... مب وجه دلع اركدي بس يا الرمانصية
اشتغلت تصوير حومت كبودهم تخبرون هذا لون القرويات اللي ماقد طبو مطاعم المهم هذي خشتي يوم جابو الهلال هدف الله يديم عليهم الاهداف ..
هذي الصوره تلاقطنا قبل ماصور همن صورتها يعني اخوي يقاله خايف على ايفونه من يدي وهبد كم هبده ومره انتبه وبغى يفلقني بنعلتي على قولته ميد جوالي النعله الله يكرمني بس وش رايكم بالله ميب
من زاويه ثانيه .] ---> مصدقه انها بالاستديو ههههه
جا الطلب اللي متشفقتن عليه وكل شوي اتخيل اشكال بنات خالتي وهم يوصفون لنا اكلهم .. ]
باستا ازين شي احس اني دقيت فيه على انها ماصخه لو الملح موب فيها مدري من قايلن لهم ان فينا ضغط ..
خبز بر بالثوم وجبن معلبات باشرينه كثر الله خيرهم بعد ماجابو لنا نبشره .. اختي عاد تلعب على نفسها الظاهر تقول ذوقي شي مره يوم ذقتها تحمدت على النعمه بغيت اقوم بس وين اروح له مكاني زين ..
هههههههههههههههههههههههههههههههههههههههههههههههههه ههههههههههههههههههههههههههههههههههههههههههه ياربيه كل ماشفت هالصوره قمت اضحك احد يطلب طحالب وقسم بالله ريحته ريحان على طحالب الله يكرم النعمه تسمع اختي حصيصة الله يصلحها بالتجديد ..
بيتزا مالحه .
ميب شينه بس فيها ملوحه على سكر مدري شلون قايله المهم اني نبشت الدجاج اللي فيها وكلته معها كنه زينها شوي ..يالله يالله بس
عصير برتقال محمض انا مخططه على عصير بالجرير والا بالكراث يمدحونه مره .. مادريت ان ماعندهم الا برتقال وليمون قلت برتقال ارحم لي من الحموووضه ومير جاني برتقال كنه ليموون حامض ماينبلع بس تغصبته عشان القروش اللي دفعتها حسوفتن فيهم ..
مازلت ادبغ من هالمكرونه هي الوحيده اللي ماعليها والله اني بنيه حلال .. اروح وارجع لها هي الوحيده المعروفه اللي مولفة عليها بعد الرز والا الباقين اجانب ماعرفهم .. اساميهم خلف خلاف ماااش ماااش
خليتهم يصفون الصحون الا الطحالب ماقدرو ياكلونها ماتنذاق ولا تنبلع ابد واخوي يقول ماش ماش مايهنى لي الا كبيسه ولحيمات اميمتي ماحس اني اكلت احسن اني استهبل ههههههههه ..
لزوم المناديل والوصاخه .. اعصار كاترينه على قولتهم والله اني استحيت البنغالي يشوف وساخة صحونا وبغيت اغسلهن مير اخوي قال اركدي بس وانثبري جعلك الماغص والله وبس لقطت وجهي وانثبرت
اقول مالكن با الطويلة ودعته ولساني حالي يقول توووبه اطبك مرتن ثانيه -->منتيب طابه لاهو ولا غيره شدي ارضتس بس ..
الجلسات الخارجيه مافيها الا حق الامن عيونه تلاقط رايحن جاي ..
ازين مافي الموضوع اني بردت على تسبدي من اللي كلته ..
هنا عاد الصدمه هالحواق اللي تو الله يكرم النعمه بميتين وسته وشششششذا مره غالي ماتوقعته تسذا ليتني بس ماقلت بباشر عليكم .. موب على شي يستاهل ابد هالميتين تجيب كم صنف موب صحن مكرونه متجمعين حولها كننا ذبابين ههههههههههه حتى الصحون الفاضيه ميب عندهم اييييييييييييه بس مابي احتسي --> كل ذا ومابردت قليبها ..
ياويلي ويلااااه يا
عشا امي ياحبي لها ازدت ابرك منا مالك الا الشوايه ..
طبعا كلنا اوجعتنا بطونا ومسكنا الحمام الله يكرمني اللي في بطنه غش بيظهره يروح هالمطعم ..
يالله فمان الله واسترو ماواجهتو ..
الله يسعدس على هاالوصف
اوما الطحالب وشي << فيس مستحي
الله يخليلكم اميمتكم