لا تزوجوني بنت قبيحة قصة تموت من الضحك لكن هادفة

سلالالالالالالالام


قصة بتخليكم تموتون من الضحك لكن هادفة

شخص بحريني يروي قصتة




لا تزوجوني بنت قبيحة قصه حقيقيه بحرينية












كنت في يوم من الايام .. قاعد في الغرفة بروحي لا لي ولا علي .. قاعداسمع مسجل




.



من الملل ايش اسوي( الشكوى لله ) كانو اهلي مسافرين .. وما في البيت إلا انا وحيداني يعني




صحيح الوالد موجود معاي في بيت واحد بس تصدقون وجوده مثل عدمه


عاد تدرون ليش لأن والد بالاسم فقط ما ينشاف الا في المنسابات قصدي الازمات

الوالد دايم الدوم مشغول في تجارته الكبيرة ...


اللي يسمع عنده شركات الوليد بن طلال


بتموتون ضحك لين قلت لكم انه مشغول في محل الخضرة اللي يسترزق منه





فاتحنه في اخر اشارع ... والمشكلة ان ما فيه احد يشتري ...يجي اخرالاسبوع




ويوزع البضاعة على الجيران .. والجيران يا كلون والمستشفيات تستقبل حالات تسمم




في العادة مال البخيل مايأكله الا العيار لكن شفتوا الكرم ويش يسوي





المهم حالات التسمم امتلت منها المستشفى من منطقتناا بالهبل ... تصدقون ان منطقتنا محد بقى فيه إلا إحنا


بس .. لأن جدتي تدعي لنا وتتصدق مو الصدقة تدفع البلاء ؟؟



الله يدفع البلاء عنا وعنكم وعن المؤمنين والمؤمنات قولوا آمين


آمين




ضحية التسمم .. وإللي انتقل من المنطقة على باله في مرض وبائي يعدم الناس .. ؟


مثل حمى الوادي المتصدع ،،، وانفلونزا الطيور




المهم




كنت قاعد اسمع المسجل ما شفت إلا هذيك الرجفه إللي جت في باب الغرفة وانفتح ..


تقول زلزال اللهم يا كافي


من قوة الرجفة ... الباب تكلم قال ( آي الضربة تعور ) .. دخل علي الوالد وهو




متضايق .. كأنه شايل هموم الدنيا كلها على راسه.. قعد صوبي وقالي . ياولدي انا




وانا انتظره يتكلك تقول بنيه جايين لها خطاطيب وقاعدين نسألها عن رأيها وهي مستحية


ولدي ،،، ولدي ،،،

من قال هالكلمة بعد أنا ما يحتاج صار تصبصب الدموع


ولدي انا في مشكلة .. وابيك تطلعني منها .. انت آخر أمل لي ..


اووف مابغى يتكلم قلت بتجيني سكتة قلبية بس الله ستر قطو ابو سبعة ارواح



صراحه انا يوم شفت الوالد يقول كذا على طول طفيت المسجل .. وقلت للوالد خير ..


قالي ابيك ياولدي تضحي ليه انا خروف عشان تذبحني لالالا انا ولدك بس اذا مافي مفر موافق




.. خلص الوالد كلامه على طول انا وقفت وضربت صدري وقلت .. ان شاء الله تقول عنتر




وفز بالسيف عشان خاطر ليلى




ابوي من عيوووني .. طالعني وقالي اقعد واسمعني زين لا احط حرتي فيك بل بل لهالدرجة

واكثر واكثر يا ولدي

انا كلمت ابوي ماقدر عليها لأن كل شيء ولا عصيان الوالدين



طالعني ابوي بنظرة .. حسيت انه يطالع قرد في حديقة حيوان ..




طالعني وقالي .. انت فاهم غلط يا ولدي .. انا ... انا ... انا ابيك تتزوج ...




يوم قال كذاقلت في نفسي شكله الوالد ... اكل من محل الخضرة ماله .. وهذي اول




علامات التسمم .. المهم قلت للوالد ابويي انا ما فهمت شي ... تأفف وقالي كلمه




ما راح انساها بالمرة . قالي من وين جايب الغباء ... ؟؟؟ الظاهر ما خذنه من واحد من




ربعك ما اذكر انا غبي ولا امك .. انا يوم قام يزف قلت ابويي ادخل في الموضوع




.



ويش تبي تقولي .. طالعني وقالي ..




اسمع يا ولدي .. انا تسلفت من ريال .. كريه .. كريه حده .. لو تشوف شكله كأنه




قير عادي .. الريال هذا الحين يطالبني بالدين اللي عليي وهو مو قليل وانت تعرف ياولدي ان




ما عندي فلوس.. فلما قلت له ما اقدر الحين.. قالي اجل خل ولدك يتزوج بنتي




وإلا بشتكي عليك ..اول ما خلص كلامه .. قلت وانا متشقق من الفرح ..الله يخليك




لي يا ابويي .. اخيرا بتزوجني .. والله ابي ابوس راس هالرجال اللي حدّك عليي ..




وبيحقق امنيتي ... امنيتي اللي قعدت اتحايل عليك سنوات عشان تنفذها .. من كثر




ما اتحايل عليك حسيت ان قطار الزواج فاتني .. ههههههههه انقلبت انا العروس خخخخخخخخخخ


( اي قطار إلا انقلو محطة الزواج بكبرها ،،، كلها عني مو بس فاتني القطار ) ...




المهم قام يطالعني ابويي وانا متشقق .. نظرة واحد كأنه بيشوف شخص لأخر مرة في




حياته .. ( نظرة وداع ) .. ودعوه ودعوه وقالي .. لا تفرح يا ولدي .. البنت اللي بتتزوجها ..




بنت تعتبر في غاية القبح .. يعني تقول للقبح تباعد بقعدمكانك .. ياولدي القبح




نفسه احلى منها .. لأن وجهها ما يخطر على بالك .. منتفخ .. كأن فيه خلية نحل مقرصة


هاجمة على ويهها .. هو قال جذي حسيت ان الارض ماتقدر تشيلني .. بغيت اطيح




داور . اي دوار مادري ايش اوصف المهم انا




اقتنعت بكلام الوالد .. ومرت الايام .. وتزوجت .. ودخلت سجن الزوجيه ( قصدي قفص




الزوجية ) .. زفونا المعازيم الى غرفة النوم .. وانا في الطريق للغرفة كنت افكر




شلون اشيل عليه .. يت في بالي افكار وايد .. منها اقتل ابو البنت وادخل السجن




.



وهناك راح اخذ نفس المصير إللي اباخذه هني .. ماتفرق عندي .. بس يمكن السجن




يكون ارحم ... وإلا اسوي روحي ميّت بسكته قلبية .. صراحه كل الحلول مانفعت




حسيت اني جندي عراقي .. كل مخططاته تفشل .. ما صحيت الا وانا داخل في الغرفة




وهناك انا شفت شي .. غريب .. شي ما ينوصف ... اللي قاله ابويي شوي .. لأني




حسيت انه كان بيخفف الموضوع عني .. ومايبي يصدمني ....




دخلت الغرفة ..طالعت يمين ويسار .. ما لقيت العروس .. صراحه استانست .. وحمدت




ربي اني ما شفتها .. وفي نفس الوقت .. دعيت انها تموت .. قبل ما تدخل عليي في




الغرفة .. وانا ادعي كانت عيني تلف في الغرفة .. صراحه فيه شي شدني .. شفت في




الغرفة ثلاث طاولات .. ثنتين على يمين السرير ووحده عن يساره ... قعدت افكر شوي




.



وقلت شكلهم نسوا الطاولة الثانية . المهم خلني اسوي روحي نايم على السرير ..




على شان إذاجت تشوفني نايم .. رحت على السرير .. توني قاعد .. إلاطلع صوت




وحده مادري واحد .. المهم يقول كيف حالك؟ .. انا قمت انتفض كأني خلاطة اسميت ..




التفت .. وقلت بسم الله الرحمن الرحيم من يتكلم .. رد علي نفس الصوت .. وقالي




انا زوجتك يا ابو الشباب .. لفيت عند مصدر الصوت .. اول ما شفت الطاولة تحركت




.



بلعت ريقي من الخوف .. تحركت الطاولة وجت صوبي .. صارت الطاولة هي زوجتي




اللي قاعدة طول الوقت في الغرفة وانا ما ادري .. وأنا افكر جت وقعدت صوبي ...




وقالت لي .. هلا والله حياتي .. صراحه ما تقبلت الصوت .. انا اعرف ان الكلمة




اذا قالتها بنت تكون الكلمة رقيقة .. بس هي طالعة منها الكلمه كأنه صوت واحد




مسوي عملية بلاعيم .. قالت لي .. يا عمري .. ما بتشيل الطرحة عن وجهي .. هي




قالت جذي .. حسيت ولأول مرة بمعنى كلمة شلل نصفي .. انشلت رجلي ... وقلت بصوت




يقطع كأنه سيارة مخلص بترولها .. اقول ... اقول ... اقول .. انتين ايش اسمك؟؟ ..




باعدت وجهها عني ( يازعم مستحية ) وقالت لي .. انا ... انا .. ( هاله ) .. قلت




لها والله صادق ابوك يوم سماك ( زبالة ) أول مرة احس انه سوى شي صح في حياته .




ما مداني اقول كلمتي .. إلا قامت وجلست قدام ويهي .. صراحه البنت كانت مربعيه




..



وقصيرة .. كأنها ثلاجة غرف نوم من النوع القديم .. قالت .. اول شي انااسمي




( هالة ) مو ( زبالة ) .. وثاني شي اخلص شيل الطرحه .. بسرعه .. تراني مت من




الحر من مكيفكم هالتعبان .. وجهي صار كله عرق .. ساح المكياج من الحر ... اول




ما خلصت قلت لها .. اقول يا ( هالة ) شي طبيعي يصير حر .. لابسه فستان صوف بني




واحنا في عز الحر .. قاطعتني وقالت يالله شيلها .. قالت كلمتها وهي تقرب وجهها




..



واسمع صوت نفسها كأنه نفس اسد وهو حاط وجهه في وجه فريسته .. مديت ايدي




ورفعت الطرحه .. رفعتها وانا مغمض .. قلت في قلبي بفتح عيوني شوي شوي على شان




اتقبّل الصدمه ... فتحت عيوني .. اول ما فتحتها .. شفت وجه .. ما اقدر اوصفه ..




وجه احس انه داعمته شاحنة .. المهم ما قدرت اكمل النظر لأنه اغمي علي ..




بس اعتبر الاغماء هذا اقصر اغماء مر على العالم الطبي كله .. كان مدته ثواني ..




رجعتني ( هبله ) قصدي ( هالة ) لوعيي كان في جيبها غرشة دهن عود .. كبتها كلها




على راسي .. صحيت وانا خايف .. اول ما قعدت رحت صوب رجلها .. قلت ارحميني




ارجوك .. ( هالة ) انا مستعد اكون اسير .. عامليني معاملة اسير حرب قبل معاهدة




جنيف ... اضربيني .. خليني اغسل صحون .. واغسل الثياب .. بس لا تقولين لأحد انك




زوجتي .. استري علي .. عاااااااد .. جلست اصيح .. وانا اترجاها .. قامت وقالت




لي .. اقول انا زوجتك غصباً عنك ... انا ما صدقت اني اتزوج .. تبي تطعن انوثتي




..



هي قالت انوثة نشف الدم اللي في ويهي كله .. وقفت وقلت لها اي انوثه ..




انتي وشعرك اللي كأنه شمس ... كل شعرة رايحه في جهه تقولين يلعبون خشيشه ..




وبعدين ايش هالمكياج .. اللي حاطتنه .. هذي ولا سمكرة ( الحدّاد ) مالت المرسيدس .




اقول ابو الشباب .. مهما قلت اني حليه .. واني قاعدة على قلبك .. يالله قوم




تعال وياي .. اني جايبه لك فلم مرعب من عند خواني ابي اشوفه انا وياك ..




ومشترية بزر.. يالله قوم خلنا نشوف الفلم المرعب .. طالعتها بنظرة وقلت ..




تحبين الافلام المرعبة ؟؟ .. قالت ايه اموت عليها .. هي قالت كذا على طول رحت




جبت منظرة وفرجيتهاا وجهها .. قلت شوفي .. شي على الطبعية احسن ماتشوفين خدع




سنمائية .. وبعدين يا ( هالة ) انتين صراحه لو تطيحين في يد مخرج افلام رعب ..




بيطلع من وراك ذهب .. طالعتني وهي مستغربة وقالت .. انت ليش تضيع الوقت يا




حبيبي .. يالله قوووم .. قام عليك الحزن ...




المهم سكتت ومشيت وقعدنا انا وياها قدام الفديو .. نطالع الفلم .. صراحة كان




الفلم مرعب حده .. بس اضطريت اني اشوفه كله .. كان الفلم عن الجن .. وحنا نطالع




..



قالت لي .. انت تخاف من الجن .. قلت اقول يا ( هالة ) ما فيه احد مايخاف من




الجن .. بس اتوقع انتي عادي تمشين بينهم وتشوفينهم ويشوفونك .. واتوقع انك




تقدرين تدخلين الانتخابات مالت الجن في اي دائرة حكومية عندهم ... لأنك فيك شبه




واايد منهم .. ويتفوق عليهم في الجكر ... طالعتنني بنظرة استحقار .. وقالت ما




بتنطم .. يالله نقوم ننام .. ترىتعبت ..




قلت عادي روحي نامي .. انا بنام في الصالة .. التفتت وقالت .. بعصبية والسرير




هالنفرين اللي كبر وجهك .. كله لي اني .. بروحي .. انام عليه .. اقول اترك عنك




هالسوالف وقوم ننام .. المهم قمنا نمنا .. هي نامت في جهه وانا في جهه .. .. انا قعدت افكر في خطة .. اخنقها بالواير مال المسجلة .. وإلا احط




مخدة على ويهها الين تموت .. خخخخ طخ خخخخخ طخ خخخخ طخ .. اول ما طلع الصوت




التفت على طول ناحية الصوت شفتها تسحب الطاولة بنفسها وترجعها ( شهيق زفير )




المهم قمت اركض لباب الغرفة من الخوف فتحت الباب لقيته مقفول .. هنا حسيت اني




راح اموت ومحد بيدري عني... من الخوف نمت عند الباب .. كأني كلب حراسة ..




المهم مرت الايام وعشت وياها ... كنت اقعد في الدوام .. اكثر من مااقعد وياها




في البيت .. وفي يوم من الايام احتجت فلوس ضروري .. مبلغ كبير .. على شان اسوي




عملية .. ما حصلت احد يسلفني ..رحت .. لكل اخواني ما حصلت احد يسلفني .. رحت




البيت وانا طفشان .. وجت لي .. من الطفش قلت لها السالفة .. اني محتاج فلوس




على شان العملية.. اول ماخلصت كلامي .. راحت شوي ورجعت وعندها علبة مشحونه ذهب




.



وقالت لي .. حبيبي ...




صدق اني بنت مو حلوة .. وربي ما عطاني جمال .. لكن عطاني حب الزوج عطاني




الاخلاص عطاني الوفاء وانت زوجي .. إذا ما وقفت وياك بوقف ويا من .. انت زوجي




.



ابو اولادي .. ومالي غيرك في هالدنيا ... البنت لين طلعت من بيت اهلها ..




خلاص .. مايعرفونها من اهلها .. ما يعرفونها إلا من اهل زوجها لأن يصير اسمها




مربوط بأسم زوجها .. وانا تحملت اهاناتك لي .. لأني حبيتك من اول نظرة .. حسيت




فيك الطيبه ..




صراحه كلماتها اثرت فيي .. خلّت كل خليه في جسمي .. تتحرك .. حسيت اني كنت




حماار .. نزلت الدمعه من عيوني .. نزلت لأني كنت محتاج فلوس . وكنت متوقع اني




اخذ المبلغ من اخواني .. او ربعي .. او احد من اهلي .. بس كان اخر شي اتوقعه




انها توقف معي .. بس طلعت اصيلة ووقفت وياي..




من خلال البنت هذي عرفت ان الجمال مو جمال الويه .. الجمال جمال الروح .. يا ما




فيه بنات جميلات بس مطلقات .. ليش لأنهم ما يملكون جمال الروح وفي نفس الوقت




فيه بنات جمالهم تحت المتوسط .. وعايشين وفاتحين بيوت .. لأنهم يملكون جمال




الروح .. اللي مخلي ازواجهم يعشقونهم .. ويحبونهم حب جنوني ...




تحياتي لكم


وان شاء الله عقبال كل العزابية يدخلون القفص الوردي قصدي الذهبي ،،،

عش الزوجية ونقول لهم مليوووووووون مبروك
:icon28: :icon28: :icon28: