لا تقولي اسوي رجيم قولي اصحح برنامجي الغذااااااااااااااااااائي

تعالو وجربو معي هلبرنامج وربي ماراح تتعبو وينزل وزنكم بسهوله وبدون تعب اعصاب
اول شي بدل مانقول نسوي رجيم= حرمان من الاكل
لازم نقول نصلح نظامنا الغذائي= كل شي ناكل بس بكميات وشكل صحيح
انا صار لي سنتين مغيره نظامي الغذائي والحمدلله اكل كل الي نفسي في
ووصلت لمرحله بعد ماكنت مااقدر استغني من الشكولاته والحلويات
هلحين امر عليها مرور الكرام ولا تهمني
>>> كانت تسعبل اذا شافت الحلويات:32::23:
الي تحب تجرب نظامي لازم مو كل شوي تقول مانزل وزني لانه هذه مو رجيم
اذا اكلنا صح يعني وصلنا للوزني المثالي الصحيح
نظامي هو :
اول ما اصحي اخذ كاستين او 3 ماي والكاسه الثالثه او الرابعه اخلي معاها
ملعقتين عصير لمون حامض الافضل يكون فرش
بعدها اسوي ابريق شاهي اخضر وطبعا خلال اليوم اشربه يعني 5 او 6 اكواب
شاهي اخضر في اليوم واخلي معاه مرميه او دارسين او هيل
اذا تحسون انه الشاهي الاخضر مر ممكن تاخذي معاه زبيب او تمر
قبل افطر اكل تفاحه وامضغها كثير
طبعا يوم يجي الفطار اكلي كل الي نفسك في ان شالله قوزي
<<<< افلقيني اذاتقدري تاكلي اكثر من كاسه حليب وقطعه جبن وشويه خبز:22:
طبعا يكون الكرش مليان ماي وراح تحسي بالشبع
بعد الفطور اذا جيتي تجلسي ع النت هاتي العده معاك
العده=(جزر, خيار, طماط,7 تمرات, شويه زبيب مخلوط مع جوز, فواكه,غرشه ماي)
المهم في الفتره الي تشتغلي بالبيت او بالعمل تاخذي كل ساعه كاسه ماي
واذا جعتي تاكلي من هلشغلات الي جنبك
الغدا:
قبل الغدا ناكل تفاحه وبعدها بنص ساعه نشرب كاسه او كاستين ماي
اول شي نبدي ناخذ صحن سلطه بدون مايونيز
طبعا بكذا تكوني شبه شبعتي بس بعد كل هذه تغدي عادي
ماراح تقدري تاكلي كثير لانك حاسه بالشبع
اهم شي ماتشربي وقت الاكل ماي لانه مضر جدا جدا واذا مضغنا الاكل كويس
راح ينهضم بشكل افضل
المهم فتره من بعد الغدا للعشا تقدر تاكلي اي خضار تحبي بالكميه الي تحبينها
وممكن تاكلي شويه مكسرات او تمر او تين او زبيب او سيقان سلري ولازم كاسه
عصير تفاح مع سلري مفيد جدا لحرق الدهون
العشا لازم يكون 3 ساعات قبل النوم عشان يكون في وقت ينهضم وماتتعب المعده
ممكن تاكلي اي شي خفيف او مسلوق او خضار واخر شي
قبل النوم بحوالي ساعه تاخذي كاسه عصير جريب فروت فرش
البرنامج هذه في كل البروتينات والسكريات والفيتامينات الي يحتاجها الجسم
وطول اليوم ماراح تحسي بالجوع
اهم شي لا تحطي ببالك اني تسوين رجيم وبتخففي وزنك اكلي الي تبغين
واتبعي الخطوات الي قلتها لك وانتي تشوفي كيف وزنك ينزل بدون اي احباط وتعب
انا هذه برنامجي الغذائي واكل كل الي نفسي في رز وخبز ومقلي ومشوي
بس طبعا بكميات صغيره واحاول اقلل من الدهون
شي اكيد اذا خلينا معظم اكلنا مسلوق بالبخار وفي خضار اكثر ونقلل من الحلويات
والشكولاته اكيد الوزن بينزل طبعا اذا في امكانيه نسوي رياضه حتي لو نمشي
باليوم نص ساعه اكيد راح تنحرق دهون اكثر بس اهم شي العزيمه ومانوقف
ولا نخلي العزايم والناس الي حولنه يغروننه ويخربون شغلنا بالعكس نحاول احنا
ناثر عليهم ونخليهم هم برضو يصححون نظامهم الغذائي عشان الوزن والصحه
واذا قالو وجهك ذبلان ولا مترهل جسمك او من هلكلام الي يحبط عطيهم
ابتسامه وقولي بكره تتعودو علي شكلي ;)
اتمني للجميع تخفيض الاوزان وهم بكامل صحتهم وعافيتهم يارب
:26::26::26::26::26: