السلام عليكم و رحمة الله وبركاته أخواتي الحبيبات السنعات ...الينبوع الصافي وابله جواهر وأم فهودي و احلي الجياكر وبنوتة صغيرونة الله يعطيكم ألف عافيه و يوفقكم ويجعلكم من سعداء الدنيا و الاخره ويسخر لكم أزواجكم و أهلهم ..امين
والله أنا شاكره ومقدره أنكم تعبتوا أنفسكم وكتبتوا هذا غير الأدب والسنع ماشاء الله عليكم ..الله يجزاكم خير الجزاء...حبيباتي توي أشوف ردودكم الغالية لأني أدخل مرة باليوم بس..
أختي الينبوع الصافي ماشاء الله عليك :26: والله أنك صادقه في كل كلمة قلتيها و أوافقك الرأي تماما في مسألة التعامل مع أهل الزوج والاحترام و خاصة لأم الزوج والحمدلله أنا علاقتي مع خالتي زينه ودائم ماتشوف مني الا الاحترام و التقديرو الهدايا...بس البنات الله يهديهم يفسدونها من تحت لتحت وأحس أنهم يشيشونهاعلي ..المشكى لله
وان شاء الله أحاول أخفف زيارتي لهم مع أن زوجي من النوع المتعلق بأهله كثير..ويحب يترزز قدامهم (تراي جبت زوجتي ولو انه ماوده تجيكم)....:17: يعنني رجال
أختي الينبوع الصافي (بالمناسبه أسمك حلو)أنا مثلك كل ماسافرت جبت هدايا لأكبر أخوان زوجي و خواته الى أصغرعيالهم..ومع كذا ولا مره شفت خواته لبسن قدامي شئ منها مع أني ما أجيب الا ماركات و ذوقي أحسن من ذوقهم ,ودائما يسألوني من وين شريتي هذا و أي سوق تروحين وووووو....وبالمناسبه ولا مره شفت منهم هديه وتصدقين اذا صار لي مناسبه مثل نجحت مايقولون حتى مبروك
أختي الله يعينك والله تقهر تصرفات أهل زوجك بس ماشاء الله عليك سنعه عرفتي تتصرفين صح معهم والحمد لله ياحبيبتي أنتي بدأتي بالطيب و لا جا منك قصور و هم الخسرانين ......سبحان الله فيه مواقف كثيره كأنك تكلمين عني مره سافرت معهم للشرقيه ورجعنا الظهر وهم مشوا بالليل وأنا الخبلة تحسبين أني رحت لبيتي و جلست أرتاح و أنظفه ...لآ......رحت لبيتهم و رتبته وهويته وشرينا النواقص الضروريه و عشاء و أنتظرناهم لين وصلوا....ومع كذا ماسلمت تدرين وش صار ....طبعا البيت له أكثر من اسبوعين مهجور والحمامات الله يكرمك جفت المويه اللي في المرحاض وشكلهم متعودين يحطون مناديل اوغيره في البلاعه أعزك الله ولا يرمونها في الزباله ومع الوقت جفت في البلاعه و اللي فيها سدها وحين استخدموا الحمام طبعا طفحت المويه ...واللي حصل يوم جيت أزورهم بعد يومين قالت لي أخته (حسبي الله عليها ونعم الوكيل )ليه كذا يا فلانه فشلتينا مع أبوي ؟؟؟؟أنا أنهبلت وطارت عيوني ماأدري وش السالفه وقلت وش فيه عسى ماشر ؟؟؟قالت ان الحمام تسدد و أكيد منك و أنا كانت علي الدوره وهم عارفين ...يعني بالعربي أنا أحط الفوطه الله يكرمكم في الحمام ...أنا صراحه حالي الله يعلم فيه ...خاصة انا ماتعودنا على هالاساليب أبدا وما أستوعب أن فيه أحد في هذا الوقت يتصرف هذا التصرف في النظافه الشخصيه أو يوجه مثل هالكلام و الاتهام لأحد ..بصراحة صعقت و دائما أدعي عليها أنه تشوف ظلمها في نفسها وبناتها...حسبي الله عليهاو نعم الوكيل أحس دمي فآآآآآآآآر يوم ذكرت القصة الله لايحللها
وفي العزايم والله ما أقصر معهم و أساعدهم ..وهم اذا زاروني تبطحوا و جلسوا يضحكون واذا يدخلون المطبخ يشرفون و يزعجون ويطلعون و طبعا يجون لبيتي يد وراء ويد قدام وآخر الناس بعد الله يفشلهم
أحس اني طولتها و ازعجتك ...بس طفح الكيل وأن شاء الله عسى ربي يعيني و أصير رسميه وأرتاح من شرهم ...وجزاك الله خير الجزاءو هذي مني


:26: :26: :26: :26: :26: :

حياك الله ابله جواهر وجزاك الله خير الجزاء على النصيحة:26: :26:
وان شاء الله أصير رسميه مع خوات زوجي وأهم شئ اني أعود نفسي على ذلك والله يعين ...والله انك صادقه الطيب ما ينفع الا مع الطيب :27:

حياك الله أم فهودي :26:
جزاك الله خير الجزاء على النصيحة ..والله يوفقني أطبقها وأصير رسميه ...والله صادقة الينبوع الصافي كفت ووفت ...الله يجزيكم جميعا خير الجزاء
:24:

أختي الحبيبه أحلى الجياكر:27:..هذي مني :26:
الله يعينك يارب و الله لو اني عايشة مع أهل زوجي كان أنهبلت من اول يومين :08:
وشكرا على المرور

أختي الحبيبه ...بنوتة صغيرونة:26:
ماشاء الله عليك عاقله ..وكلامك مئه بالمئه صحيح و درر...وزوجي مثل زوجك في التعلق باهله و فرضه الزيارات علي ..ويزعل و تشين نفسه اذا شاف ماودي أروح ..مع اني أروح وانا ما أشوف الدرب :17:
فعلا مثل ماقلتي و شاروا البنات أفضل شئ الرسميه معهم و البعد عنهم و تقليل الزيارات..بس عسى ان شاء الله أقدر ..لاني صراحه ما أدري وشلون أصير رسميه ....
صراحة ماشاء الله عليك في طريقة الحديث عنهم أمام زوجك ..تمام
كثير من المشاكل صارت بيني وبين زوجي بسبب اني أقول أهلك ليش كذا ..والبنات ليش تصرفاتهم كذا وصار كذا منهم ..وطبعا هو مايصدق شئ فيهم ..ويقول خواتي مايقصدون ...وتصرفاتهم قلة سنع منهم ..بس ماقصدهم أهانتك مع ان الامور واضحة تمام ,,ولو صارو في نفس الموقف مايرضون أبدا أحد يوجه لهم نفس الكلام ...
:09: صراحة يرفعون الضغظ ...والله يعين الجميع ,ومشكوووووره عيني اولا و اخيرا