اختي انا راح اقولك رأئي و ان شاء الله يعجبك ..

انا صراحه استغرب من الردود السابقه كونها كلها مركزه على شي واحد هو ان اهل الزوج ما يقدرون زوجة ابنهم و ان احسن حل هو الرسميه الزايده معهم .. و الي قد تصل لزياره واحده كل اسبوعين !

انا الي احب اقوله ... ان الوحده فينا لازم تعامل اهل زوجها مثل ما تعامل اهلها ! و اذا كان فيه فرق في المعامله فهو شي بسيط .. و هو عادي لانك الوحده فينا متربيه في بيت اهلها فراح تكون اكثر ...

خواتي انا راح اقتبس من كلام الاخوات لكن ما اقصد شي و اني ابي اعيب على احد .. لا .. ابدا كلامكم صحيح ميه بالميه .. بس انا حبيت اقولكم وش سبب المشكله الي صارت بينكم و بين اهل الزوج ..

يعني المفروض اهل الزوج يحترمون و يقدون .. صح .. و احس ان الزياره الاسبوعيه .. ضروريه .. و يجب انها ما تكون زياره بالمنه .. يعني .. مو انت تقولين راح ازورهم كل اسبوع بس اذا صار فيه مناسبه في ذاك الاسبوع يعني زواج لهم او لاحد اقاربهم .. خلاص زياره الاسبوع راحة و كأنك ما صدقتي .. و يمكن تكونين ما كلمتيهم ابد في الزواج ليش لان الناس واجد ... باختصار الزياره الاسبوعيه .. لازم مو علشانك لا علشان عيالك ..

و احترام اهل الزوج و خددمتهم ما يعني التذلل لهم ... لا .... احترامهم و وصلهم من دون التقليل من شأنك ....
يعني الاخت الينبوع الصافي ليش كل هذا التفاني الزايد .. عفوا اختي بس انا لو القى احد يطبخ لي راح انبسط و شوي شوي راح اشيل الكلافه و ابدا امره .... ! صح
و غسيل الحمامات ليش ؟؟؟ مثل ما قلت اعاملهم مثل ما اعامل اهلي .. احبهم و احترمهم بس ما اعتقد ان فيه وحده منكم تدخل تغسل حمامات اهلها اذا زارت ؟ صح ...
و بعدين انت مسافره معهم في نفس السفره ليش تروحين و تنظفين بيتهم ؟ عفوا بس هذا تذلل مو خدمه ...

بمعنى اخر اذا هم مسافرين من عيوني اطبخ لهم عشاهم قبل لا يوصلون .. اطبخه في بيتي و ارسله لهم ... اذا عندي شغاله ارسلها تنظف البيت لهم ... بس و اذا ما عندي الحمد لله ماني ملزومه يكفي اني طبخت لهم .. و الحمد لله ..

صدقوني الرسميه الزايده و قل الزيارات ما تخفف المشاكل لا تزيده .. لانهم راح يتضايقون و يحسون انك ما تبينهم و يمكن يبدون يتكلمون من وراك ... و في نفس الوقت القعده عندهم اربع و عشرين ساعه .. و الاخذ و الرد معهم و التدخل في خصوصياتهم يزعجهم .. و ايضا الخدمه الزايده لهم لدرجه تنظيف البيت و الطبخ لهم في بيتهم ماله داعي ..


ايضا لاحظت موضوع الهدايا مأثر على كثير من الاخوات ,.,,, انههم يهدون و اهل الزوج ما يهدونهم ! اختي الهديه مو دين يعني هم مو مجبرين انهم يردون هديتك .. هو صح ذوق لكن الهديه مو واجب عليك ... يعني اذا انت تبين تهدين المفروض تهدين من دون ما تنتظرين احد يردها لك و اذا انت مره متضايقه انهم ما يهدونك و ما تقدرين تنسين انك مهديتهم .. خلاص لا تهدينهم .... الا في الاعياد مثلا.. و بس تقولين راح يزعلون ,,,,, خليهم يزعلون .. شوي و راح يتعودون ,.,,و مثل ما عودتيهم على الهدايا عوديهم على قله .. عادي

يعني انت كل الي اهديتهم من ناحية اهلك يردون الهدايا ؟ و هل انت اذا تضايقت من اهلك تصيرين رسميه معهم و ما تزورينهم الا مره كل اسبوعين ؟ اكيد لا ... اجل ايش الفرق ...

انا رأئي ان الوحده تزور اهل زوجها ,, و ماله داعي تقعد تدور في بيتهم و لا تدخل مطبخهم بس تكون بشوشه و تأخذ و تعطي معهم .. و اذا احد طلب منك خدمه تحسين انك ما تبين تسوينها .. اعتذري بأسلوب حلو ..


يعني انا عايشه في مدينه غير مدينة اهل زوجي .. و اذا جيت زرتهم ابات عندهم .... و كانت خالتي (ام زوجي ) تملح لي كم مره انها ودها تذوق طبخي ... يععني ادخلي المطبخ و اطبخي لنا ..... كل مره اقول ايه الله يسهل و ابتسم .. اخر شي .. قلتها اعذريني يا خاله انا ما اعرف اطبخ الا في بيتي .. بعدين صارت تطلب مني ادخل المطبخ احط الاكل على السفره .. و انا اتضايق ليش لان احيانا يكون احد عيالهم ما جا و لازم اغرفه له على جنب و يصير الغداء شوي و احس اني تصير على راسي .. ليش ما حطيتي له دجاجه زينه و لا ورا الاكل كذا مو مرتب و هم ما قالوي لي الا بعد ما غرفت !! فا قلت لخالتي اعذريني انا اتغطى و ما اقدر اغرف في المطبخ و هو قدام الباب اذا جا احد من اخوان زوجي اكون في وجهه ... و بعدها هي ما عادت السؤال ...

بس هذا ما يعني اني ما اقدم شي .. كل ما نطلع برا اذكر زوجي اقولهم لازم نجيب عشاء لاهلك من برا ... و احيانا نأخذهم كلهم معنا و انا مبسوطه ما عندي مانع .. و الحمد لله الامور سالكه ...

يعني احترمهم و اقدرهم بس ما اشوي شي يضايقني علشان ما اشيل منهم ,,,

اسفه طولت عليكم بس حبيت اشارك و اتمنى تكون مشاركتي خفيفه على قلوبكم ..
و اسفه اذا انا ضايقت احد .. ما كان قصدي بس انا حبيت اوضح وجه نظري الخاصه :17:

معليش اخواتى 000

نصيحة الرسمية مهمة جدا لانها تقلل المشاكل أسألوا مجرب 00

وأحسن شئ السكوت والتغاضي وعدم الردفي حالة وجود مشاكل 0

انا اشوف احسن شي الرسميه والتقليل من الزيارات مرتين الى ثلاث بالشهر كااااااااافي جدا وتكون الوحده متشيكه ولابسه على الاخر هي واولادها ماهو اهل زوجي يعني اروح بخلاقين لالالالالالالالالالالالالالالالالا انتبهي ترا مهما كان تنقص الوحده من قدرها بها الشي
احترامهم بكل اشكال الاحترام واهم شي عدم الدخول بمواضيع تحتمل النقاش الحاد والمتشعب لانه يؤدي لاختلاف وجهات النظر والزعل احيانا لان كل وحده ترا نفسها على حق
والحذر كل الحذر من افشاء الاسرار وعدم السؤال عن خصوصياتهم واسرارهم

والله ياجماعة الخير مافيه احسن من الطيب ليش اقاطع اهل زوجي ماأروح لهم
الا مرتين او ثلاث بالشهر ليش ابعد زوجي وعيالي عن اهلهم الا الوحده منا تتقي الله
بأهل زوجها وتعاملهم احسن معامله تحترم والديه وتقدرهم تحترم اخواته وقبل كل شي تحترم نفسها علشان الاخرين يحترمونها وكل مالمرأه برة في أهل زوجها كبر قدرها عند زوجها
واحترمها واكرمها واكرم اهلها بعد ردا منه للجميل
والله ياأختي ماأنصحك ابدا بالقطيعه انتي اليوم زوجة الولد وبكره بإذن الله بتكونين أم الولد
وبتزوجين ابنك بترضين انها تبعده عنك وماتشوفينه الا 3 مرات بالشهر ولا راح تزعلين
انك ماأخترتي له أمرأة صالحه تساعدة على البر بوالديه وصلة اخوانه واخواته واقاربه
انا مثلكم أخواتي يلعب الشيطان بعقلي أحيانا وأقول خلاص انا بقاطعهم ولا عاد اطب عليهم
لاكن أرجع في نفس اللحظه اتعوذ بالله من الشيطان الرجيم ومن وساوسه الخبيثه
وأبدأ اقيس الموضوع على نفسي الان لي 16 سنه مع أهل زوجي أقسم بالله العظيم
ماعمري تعديت على أحد منهم بكلمة مع اني ياما جاني منهم لاكن كنت أصبر وأحتسب
واليوم لي مكانتي الخاصه عندهم الكل يحترمني ويقدرني ويذكروني بالخير والحمد لله
راح تقولين كيف أقولك من يزرع ورود لايجني الا ورود ومن يزرع الاشواك لايجني
سواها هذا والله أسال لي ولك التوفيق والرشاد

اختي الهدبا
لافض فوك وكلام رائع
انا مو المؤييدن لصلة الارحام وخاصه اهل زوجك لانهم اهل اعيالك
اقسم بالله العظيم ان اصلهم مع اني مريت بظروف صحيه وكنت مريضه ومع ذلك لم اقاطع اجتماعتهم واحرص ان مايفوتني شي بعكس مناسبات اهلي مااروح لها الانادر
وكنت مثل البنت لخالتي وكنت اعطيها فلوس واهديها بدون زوجي مايدري مو ان زوجي مايبي لاكن اخاف ان يظن اني ابغى مدح منه وكنت لما احس انها تبي شي او تكلمت عن شي معجبها لاكن غالي والله مااصدق خبر اروح اشتريه لها وكنت ابيع من ذهبي والله العظيم واجيبلها واركض على راحتها ولاابيها تشتغل وانا فيه كنت احسن من بناتها
لاكن تغير الحال والسبب بناتها
لانهم مايبوني من اول ماجيت وكنت مستمحله عشان زوجي وامه وسبب ان بناتها مايبوني وكانويرمون علي من الكلام وكله مقصود لي عشان مااجي وكنت اسفهم واقول لوخالتي تدري اكيد تزعل
وظنيت ان خالتي ماتدري لما مره اواكثر صرحوا تصريح وخالتي موجوده قالو خلاص ليش ماتجون كل اسبوعين ملينا مع اني لما اجي انا وحمواتي نجيب كل شي الحلا والعشاء وكانت جيتنا بعد صلاة العشاء ونروح تقريبا12و1ان تأخرنا
ومامعنا اطفال اكثرهم معاها 2 بعدين جرينا كل اسبوعين وكنت لما اجلس معهم لوحدي يتكلون انهم ملو من الاجتماعات والاطفال اياك اعني واسمعي ياجاره ولما سئلت بعض حمواتي قالولي نفس الشي كل وحده يكلمونا عن حريم اعيالهم الثانيات ولما جرو كلهم بدومايجون الابلاسبوعين وتطور الوضع الى كل شهر لان لهم اجتماع كبير هم واعمامهم بالاستراحه يكفي
ومن غير انهم يخشون عنا عزايم اقاربهم ولما نشوف اقاربهم بالاستراحه يقولون ليش ماجيتو نقولهم مته مادرينا قالوكنكم ماتدرون انتي كنت معزومه وانتي عند اهلك عزيمه يعذرون لنا بعد وش رايك وشوفي الاحراج من لم زوجي لما يهاوشونه اعمامه ولا خواله ليش ماجيتوا تبون حنا نجي لم بيتكم ولانتصل ونعزمكم قال زوجي والله ماادري قالو حنا موصين اهلك وملزمين انكم تجون وطبعا زوجي وبعض اخوانه لما يتكلمون مع اهلهم قالوا نسينا ولا كل واحد اتكل على الثاني وليت انهم تأدبو مازالوا مع زعلنا لاكن مااهتموبنا
تخيلي ان مره حنا جايين من الرياض وكنا اخذين شقه مفروشه وقالهم زوجي بكره نبي نتغدى عندكم تدرين وش سوو
كلم زوجي على اهله ورد اخوه قاله زوجي يمكن اتأخر شوي صيفوبالغدا رد اخوه وقال هاه مادري يمكن يطلعون قال زوجي وين قال مادري شكلها مجحوده واخاف اطب بمطب رمى السماعه على اخوه الثاني المتزوج اللي اهله يبونه هو وعياله قال ايه نبي نطلع للبر واهلي بالسياره تعالو قال زوجي ليش ماقلتولي يعني لو ماتصلت وجيت ومالقيت احد انتم ليش تخبون علي لاكن الشرهه على امي رد وقال انا ماادري عن شي
المهم زوجي رفض نروح وقلت له معليش هذي مواول مره قال ليش مايبوني وان احسن واحدللهي وانتي ماقصرتي معهم ابي سبب ليش مايبوني المهم اقنعته اننا نروح لمهم من بكره رحنا وطبعا زوجي ماقصر هاوش اخوانه كلهم اجدعوروسهم بالارض ورد اصغرهم وقال شف تراها مجحوده وقايلن لي لايدري فلان وطبعاًالتخطيط من البنات والام وافقت وزعل زوجي مررره
والله اني وقفت له وقلت خلاص لاتشيل على امك اهم شي والباقي كيفهم مشيناها
واقسم لك ان انا اللي الح على زوجي يسافر فيهم لان كل اخوانه لاهين ومن غير ان اغلب مايشتري لهم ولبيتهم هو من الاكل الى اثاث البيت والى الان وحنا لم نتغير بس اني انا جريت لرغبتهم ولم يسئلوعني ليش مااجي هذا دليل واضح انهم يبون هذالشي وانا لم اقاطعهم مره لا اجي لمهم بالشهر ولاني انا بالرياض الان فرض علي اني ازورهم بالشهر وانا كنت عندهم بنفس المنطقه اول لما قالو لاتجون الا كل اسبوعين وبعدين كل شهر
وتبين تقولين ليش مايبونك اكيد فيه سبب زوجي ماقصر كلمهم ليش ماتبونها جايكم شي يحلفون انهم ماشافومني الاكل خير
قالي زوجي اعتقد ان اللي بااهلي غييره ولا ليش مايبونك وانتي اللي تخليني اسافرفيهم واشتريلهم ولاعمري دخلت بيت اهلي الاوانتي بالمطبخ ولا لما تروحي لمهم تأخذي الحلا والاكل معك واللحين حالف علي مااشتغل معاهمولااخذشي لهم الالمه تخيلي الاكل اللي اجيبه يعايبون فيه مع اني والله العظيم اني ماهره بالطبخ والحلا وكل أخذمني الطرق الى اخوان زوجي يميزون اكلي لااختلفت اشكال بالسفره يقولوهذا جايبته فلانه معروف له نكهه خاصه تصدقين يسئلونهم اخوانهم بعد الاكل من زين هذا يردون يقولن حنا اللي سويناه وانا اسمع لدرجة انهم يقولون لي ليش تلبسين تعالي بقميص ولاتحطي مكياج ليش انا لوحدي يقولن لي وزوجات اخوانهم لا اللحين زوجي رفض اني اكثر جياتي لهم يقول انا ازعل انهم مايسئلون عنك ولا يسئلون عن ولدي ولاابيك تنهانين اكثر من الاهانه يعني يبونك تشتغلين لاجيتي ولايبونك تجي لمهم كثير ويخبون عن طلعاتهم
اعذروني من الخبطه والله ارتفع ضغطي لما اتذكر وااله يشهد علي ان محترمتهم والى الان ولن اتغير
لاكن ليش تحكمون على بعض زوجات الابناءانهم مايبون اهل ازواجهم
ابقولك شي اخير زوجة اخوه مكلمتني تبكي قبل اسبوع تقولي تخيلي جينا لمهم وطقينا الباب مارد احد قال زوجي غريبه انا قايل لهم ابجي اليوم تقول المهم رحنا تقول قلت لزوجي كلم عليهم بالجوال قال مولازم المهم وهم طالعين مرو من عند الدايراللي يطلعون لمه الناس قريب من بيت اهل زوجي تقول شفنا سياراته اخوانه قال زوجي ابروح لمهم قلت قال ابحرجهم ليش ماكلموني وانا قايل لهم اني ابجي تقول يوم شافونا اسكتوا ماردوشي كنهم غاصين بعظم ومعهم حريم اخوانهم اللي يحبونهم مع العلم انهن ماقدمن لهم شي
لاكن بهالوقت اعمل خير تلقى شر بس موكل الناس
وانا لم اكتب شي مهو فيهم لاني سوف اسئل عن ذلك
ولم اكتب اشياء والله ماتصدقون انه تجي من اهل لولدهم اللي يشهد ون الناس لحسن خلقه وحبابته وشغله معهم وبره لوالديه والله ان عمه مكلمه مره يتشكرله على وقفته مع ابوه واهله في يوم كل اخوانه ارفعوا ايديهم
واسف على الاطاله