السلام عليكم

قوه بنات شخباركم ولله اشتقت لكم وايد توني

ماشاء الله الموضوع شوفو وين وصل قبل لا اسافر كان عند 39 او اكثر ولله ناسيه
شخبار العصاقل ومبروك على الزياده وترا انا بعد زدت اربع كيلو بس ما فرحت وايد عليهم
اقولكم ليش ... بس بعدين

يالغاليات تكلمنا عن اشياء وايد تسمن واكثر جربتها ومانفعت وبعضها ماقدرت اكلهم
لمه سافرت لسعوديه شريت حبوب ميسجور لان ماكو بالكويت وشريت وياهم حبوب يحافظن
على مزايا الطعام وكلها فيتامينات بصراحه صرت طول اليوم اعلف ...
وزاد وزني عليهم بس اكثر البنات قالو لاقطعتهم يرد الوزن مثل ماكان عشان جذي مافرحت وايد بس احلى مافيهم يخلونج تاكلين وايد

عموما يالغاليات لفت نظري كلام الاخت رسن مادري اي صفحه ولله من كثر الصفحات ضيعت
طبعا تقول انها لقت باحد المواضيع وحطته واهو للاخت ولله نسيت اسمها واعذريني يالغاليه
الصفحات وايد
تكلمت عن بودره فيها 2500 سعره حراريه تقول وزنها زاد 10 كيلوووووووو لاحظوووو
عشره كيلوووووو وااااااااااو :32: ماشاء الله

واحنا يابنات محتاجين سعرات حراريه يوميا واهي اللي راح تزيد الوزن

والغاليه عصله للابد ياليت تقرين كلامي واعتبري هالبورده مثل انشور بلص :27:
لانج بصراحه كاسره خاطري واتمنى لج من كل قلبي جسم ماكو مثله بالعالم :27:

الغاليه اطيب قلب فرحت وايد لمه شفت ردج صراحه صارلي اسبوع وانا احاول اتذكر الباسورد
عشان ارد وزين تذكرته عموما يالغاليه كنت ناويه اشتريه بس قلت اتاكد اول
اسألتي وايد بس تحمليني وراح ادعيلج يالغاليه

بجم شريتي SUPER GAINER2500

ومن وين شريتيه ؟؟

جم وزنج قبل وجم صار الحين ؟؟


يالغاليه الاخت ام ري ذكرت حليب فيه 5000 سعره حراريه والاخت Veronica_X
عندها حليب فيه 4000 سعره حراريه صراحه احترت ها شرايج شنو احسن


فمان الله

Veronica_X



لا يا عزيزتي أنا اللي استخدمته لا ثقيل ولا شئ..بالعكس طعمه حلو..ولا أحس به..ويعطيني في اليوم 2500 سعرة حرارية..


------------------------
ام ري

معقولة 5000 سعرة حرارية..!!!!

أنا آخذ 2500 وأحس عمري شبعانه..كيف أنتي تستخدمين حليب بو 5000 سعرة؟؟

على العموم لو فيه خير ..وما حسيتي بمتاعب استمري فيه..


أما بالنسبة لي

أنا كان وزني يترواح بين 47 و48 ...وكنت أبغيه يوصل ال50 عشان يتناسب ويّا طولي >>>>>>طولي 156

يعني خلال شهر تقريبا وصل ال50 ..وانا فرحانه بهالوزن..وبزيده كيلوين بعدني..عسب إذا انسدت شهيتي في يوم ما أرجع اضعف وايد

---------------------

بنت الهاي هاي


الصراحة الأخت رسن أنا أشكرها من كل قلبي ..والله يوفقها..هذا الدوا اللي حطته..واااااااااايد زين

وأنا سالت الصيدلي قبل لا اشتريه قالي هو كله بروتينات ودهون..وهالسوالف..يعني تاخذينه كمكمل غذائي..


أما بالنسبة لسعره..أنا خذت علبة كبيرة وايد((بصراحة بتتفشلين وأنتي طالعة من الصيدلية وشالة العلبة وياج..لكن كله عسب كيلوين يهون)) ب 170 درهم..وفيه علب اصغر أظن أنها ارخص..

أنا شريته من الصيدلية الموجودة في جمعية الإتحاد التعاونية في جميرا..وأظن إنه موجود في كل الصيدليات..يعني ما بتلقين معاناة إن شاء الله وإنتي تدورينه

بالنسبة للوزن..قبل كان يترواح بين ال 47 وال48 وألحين 50..وإن شاء الله أزيد كيلوين عليهم وبس..الأخت رسن زاد وزنها 10 كيلو..لكن انا بس 3 كيلو ..يعني حسب طبيعة الجسم..والحمدلله أنا راضيه بال3 كيلو لانه ألحين تناسب طولي ويا وزني


بالنسبة لأنشور استخدمته مرة ولاعت جبدي منه..ثجيل واااااااااااااايد


أنصحكن يا بنات ولنتائج سريعة..ويتمون كل الناس يقولون الله شو حلاتج ..شو هالجسم الرشيق..وعسب تودعن الضعف للنهاية ب SUPER GAINER2500



أختكم :
أطيب قلب

تسلمين يالغاليه اطيب قلب وفعلا اسم على مسمى

3 كيلو بشهر اممممممم مثل ماقلتي طبيعه الاجسام تختلف
يالغاليه انا من زمان نفسي بشي فيه سعرات حراريه عشان على طول اجربه طبعا ماراح يضر احسن من هالحبوب
واحنا في امس الحاجه لبروتينات والدهون .... بنات انا ناويه اشتريه ان شاءالله .... وادعولي :26:

الغاليه اطيب قلب صراحه مادري شلون اشكرج فرحتيني .. انتي من وين شكلج من الامارات
انا من الكويت مادري موجود عندنا ,... بس بدوره اليوم لارحت

والعلبه ذكرتيني بالبروتينات اللي شراهم اخوي علبتهم كبيره وايد
يالغاليه سويت بحث عشان اتاكد من شكله
هذا اهووو اللي تقصدينه


ولا هذا اللي فشلج وانتي طالعه من الصيدليه شكبره هههههه



وبغيت اسالج جم مره باليوم تشربين لان قريت الاخت انها تشرب ثلاث مرات مادري مرتين
يعني تشرب مال باجر وبعده وعشان جذي زاد وزنها بسرعه

الغاليه انتي قلتي تبين توصلين 50 وبعد ماصرتي 50 تبين اكثر صج احنا طماعين انا زدت 4 كيلو يعني وصلت 50
وموعاجبني ابي بعد 5 كيلوات ويمكن اكثر منو يدري ........ طماعين هههههههههه

يالغاليه لقيت هذا بعد مادري اهوووو وفيه اشكثر انواع



والاخت ام ري هذا اهو اللي تقصدينه مع ان الصوره صغيره



تعبت وانا ابحث :(

هلا والله ببنت الهاي هاي


هو شكله مثل الصورة الثالثة..أما حجمه فهو كبير..ما ادري..شو أقولج..أنتي اشتريه وشوفي حجمه..بس تحملي التعليقات اللي بتمون في البيت عليج


أقولج يالغالية يبت لج الإسم اللي على العلبة بالضبط: SUPER GAINERS FUEL

إذا خلطتيه ويّا الماي بيعطيج 2560 سعرة حرارية
وإذا ويّا الحليب 2810 سعرة حرارية

أنا أشربه 3 مرات في اليوم ..بعد الأكل..لأني لو خذته قبل الأكل أشبع وما أقدر آكل

ويمكن هو يعطي خلال اليوم كامل ومن خلال 3 أكواب 2810 سعرة حرارية ..مب من خلال كوب واحد..ما أدري والله بس أنا أقول يمكن

أنتي جربي وقولي لنا النتايج..

اما بالنسبة لوزني..أنا أبغي أزيده كيلوين زياده..عشان لو نزل وزني في يوم..ما يبيّن عليّ بسرعة..يعني ألحق على عمري وأرجّع وزني..بس ما أبغي أوصل ال55 وفوق..تخيلي عاد قصيرة ومتينة..


توكلي على الله وجربيه