يابنات انا اليوم بديت بهالبرنامج ..(خبره مشالله علي ) قريت كل شي ورتبت على كيفي وعاللي اقدر عليه::
شوفو البرنامج وياريت اللي تبي تمتن تطبقه معاي وانشوف النتايج مع بعض:

البرنامج:

اول ما تقعدين من النوم :
اشربي 1 غرشه أنشور ..
عقب افطري : واختاري واحد من هالفطور..ولازم تاكلين معاه ملعقتين زبدة الفول ..
جام وزبده مع بريد \ او نواشف \ او زبده وبريد مع لبنه وزيت زيتون وخبز ..او اي فطور على كيفج ركبي بس المهم تفطرين عدل مب نتفة خبزه وخلاص ياربي شبعت هههههههه >>هاي انا

عقب الفطور بربع ساعه ( اكلي حبتين خميره )..

الوقت قبل الغدا بفتره اكلي لج تفاح او برتقال او فاكهه او خضرى اي شي والا عصير طاااااازج..

وقت الغدا : اكلي الغدا ولما تحسين انج شبعتي زيدي شوي (قولي في قلبج بس هاي شويه الا ) ههههههههه عشان تعطين روحج امل ..واكلي مع الغدا سلطه وروب وعصير لا تنسين..اذا كان غداكم سمك لا تاكلين روب اكلي سلطه ولا تنسين العصير.. او ماي

عقب الغدا بربع ساعه (اكلي حبتين خميره )

بعدين اكلي شوكلاته واشربي (عصير موز+حليب+عسل في الخلاط واشربيه)

بعدين اكلي ايس كريم ..على فراغه

وقت العصر:
اكلي كيك والا عسل وعصير طازج .. منجا والا عصير عنب ..اذا مب متوفر في البيت الله يسلم المعصره

اكلي جوكليت واشربي ماي وااااااااااااااااااااااااااايد ..بس لا تذبحين روحج


وقت العشاء :
تعشي عدل حمص خبز وسلطه والا بيتزا والا دجاج فروج والا شاورما
ساندويتشات او همبرجر ..
واكلي بعده بربع ساعه ( حبتين خميره)


واخر شي : قبل النوم اشربي الغرشه الثانيه من انشور ..ونامي وان شالله تمتنووون

انا اليوم بديت اطبقه تحياتي لكم وان شالله افيدكم

:17:

تسلميــــــــــن إختي على هالبروقرام...
ياااي منوع وحيوي<<<<<متأثره بالاختبارات
الله يعطيك العافيه...ويارب توصلييين للي تبغينه..
وياليت توافينا بآخر أخبارك(حشى مراسله )
أوكيه...وابغاك تقولين لي كيف طعم أنشوور
اللي عندي رفع ضغطي وجابلي عقد من طعمه..انتي اللي عندك كيف؟؟
وسلامتك..
:26:

انشور اللي عندي والله نفس قوطي البيسبي بس اقصر شوي

ولون العلبه فضي والكتابه باللون الازرق..وهو انشور بس بدون بلص

واليوم اشتريته بعد ههههههه

وطعمه فانيليا ومب كريه مثل ما قريت في وحده كاتبه طعمه ما يستساغ ..وانا شربته جغمه وحده

يعني ما تنفست خلصته مره وحده ..

وبس يعني طعمه ينبلع .. ههههههههه

وان شالله بقول لكم التغيرات اللي بتصير فيني ان شالله اتغير يا رب امتن ووانتو وياي

وانا واختي المعصقله بنطبق ههههههه وبنقول لكم يلا نشجع بعضنا عشان نسمن بعضنا

الله خوش شعار ..بلا جداول بلا خرابيط

جدولي هو اسهل جدول( خوش دعايات ههههههههههه

انا وزني حاليا 43 عمره ما تغير وطولي 160 ... وان شالله عقب اسبوع اقول لكم الاخباااااااااااار :26:

]betty Boop[
ههههههههههههه

شذالمعده اللي عندك بتزط ذا كله

انابستخدم ارقنون واللي فيهافيهااااااا

ههههههههههه بنت سبع قولي مشالله انا توني ما بديت ياربي

ارقنون والله مادري شنو هاي..

لكن انا خلاص ببدى بهالجدول واحس اني بمتن ..ان شالله يارب:24: