يااااااااااااااااااعصلات

رحبوا فيني أنا عصلا جديدة معكم من السعووودية

حبيباتي

وزني 44 ويمكن 43:11:

طولي 164

يعني عصلااااا

ماخليت شي ،،،

حلبة طفحت وطلعتلي كرش

حبوب الخمييرة خلصت علبتين ولااااا زدت الا بالعكس طحت ذاك اليوم بالدوام
واروح المستشفى يلقون عندي فقر دم هذا وانا اكلها

المهم

شفت اللي كتبته الزهرة الفرحانة عن انشووور بلاس

وطيران اروح واشترية

هو علبة زي علبة البيبسي ب 7 ريااااااااال هب عليهم

المهم يوم شميت ريحته بغت تقلب معدتي

قلت ياااااابنت هو بالفانيليا اكيد طعم

افتح العلبة وشربت نصها ونصها بالقمامة وانتو بكرامة

صراحة مرة ماقدرت وانا اشربه احس انه قاعد يرجع بحلقي

انا ودي اسالك يالزهرة الحزية شلون استسغتيه؟؟؟

هو عادي طعمه بس انه مليان سعرات حرارية وطالع ثقيل واااااجد:11:

والحين افكر اشتري من البودرة يمكن اقدر استخدمه.

على فكرة اسمه بالانجليزي

Ensure Plus

وترى هذي شركة منتجاتها كثيرة تهتم بتمتين العصاااااقل

وبحطلكم موقعهم على النت.

يالله طولت

مع السلااامة

ويااااااااااااارب نلقى حل ودي اصير خمسين بسسسس.:06:

يا هلا وغلا والله بعصقولتنا اليديده >>>>>>>>>>>> ماخذة اذن من الزعيمةبنت سبع ارحب المعصقلات اليدد<<<<<<<<<< بلا كذب يا كذابة :42:

المهم خيوو ما حطيتي لنا الموقع وبعدين انه بصراحه شاكه انه صج يسمن انه احس ان ما في شي يسمن غير هالحبوب المدمرة :(

انه شكلي برضى بمصيري

تصدقون عاد ان الله يحبنا رغن ان استخدمنا شي ضار وهو الحبوب الصينيه ما صادنا شي والحمدلله ولازم نحمد الله على الصحة وما نلعب باجسامنا

تصدقون رفيج اخو رفيجتي عصقول ويبي حده يمتن قام واخذ له فيتامينات بس بصراحه مااعرف شسمها والله انه ويهه تنفخ وطلع له حبوب في كامل جسمه ورقدوه في المستشفى

انه اقول لكم هالقصه عشان لحد يفكر انه يستخدم شي ضار

ما في احسن من الاشياء الطبيعيه على الاقل تستخدمونها وانتوا ما تحاتون شنو بيصيدكم وان سمنتوا عليها الحمدلله وان ما سمنتوا خلاص هذا قضاء الله وان شاءالله نسمن في يوم من الايام

وتوتة توتة خلصت الحدوتة :27:

حلوة والا فتفوتة :o

قوه بنات شخباركم

بنت سبع شلونج ؟؟؟
ياربي احنا ما نبي رياضه فينا حيل بالله
عشان نسوي رياضه وبعدين شنبي بالعظلات
نبي شحم ولحم

حبيبتي عصله للابد بعد عمري ولله انج كاسره خاطري
رحت امس لصيدليه وانا ماسكه قلبي بيدي
قلتله ابي حليب اانشور بلاص جان يقول ايه
عاوزه ايه ... قلت حليب انشوووووووووووور جان يقول
لا ولله مش موقود النهرده قلت طيب وين القاء
جان يقول مش عارف ... مشيت وقلت بصوت
خفيف مالت عليك ... ماسمعني شسوي من القهر

عصله حبيبتي بقولج نصيحه من اخت تخاف عليج
خلي عندج امل كبير ... مثلي شكثر جربت وبلعت
من البلاوي ... ماخليت حبوب ماخليت مشهيات ماخليت اعشاب
كل شي اسمع عنه اجربه .. طبعا مو على طول بعد مااتاكد
منه اذا مضر ولا لا ..... مانفعني دورت غيره
واقول حق نفسي ... الاشياء اللي تسمن وايد
خلوني اجرب واجرب لين اوصل للي ابيه

وحبوب الصينيه ياحبيبتي ابعدي عنهم
مضرات حيل حيل اعرف ناس وايد جربوهم
وحده صار فيها هبوط برحم ...
ووحده كلي .. وواحد ترقد بالمستشفي
يالغاليه شالفايده اكلتيهم وسمنتي عليهم وصار جسمج
حلو وبعد فتره تكتشفين فيه مرض (( الله لا يقوله ))
راح تعافين السمنه كلها ... ماكو احسن من العافيه
حمدي ربج على نعمه الصحه والعافيه

ولاتنسين انج احسن من غيرج شوفي اللي وزنهم فوووق الميه
مو قادرين يضعفون .... الحمدلله على كل حال


الغاليه (( حياتي ))

ماابي اخوفج .... الحبوب المضره اثارها الجانبيه
تجي بالمستقبل ... وبعد فتره من الاستخدام يعني سنتين
ثلاث ..... يالغاليه بعدي عنهم ورضي بمصيرج
اذكر قلتي وزنج50 مادري 52 احسن من غيرج
شوفي البنات حرام يكسرون الخاطر 40 واللي 44
حرام واللي 36 .....

وان شاء الله يارب نسمن .... قولو امين

وعلى طاري الاشياء الطبيعيه

ذاك اليوم قلت بجرب الطاطا النيه يماااااي ماقدرت ابلعها
وبجرب بعد الزبيب شكثر امدحوه البنات والحليب مع الموز طازج
بجربه .... شنسوي الحبوب والمشهيات مانفعتنا خل نجرب الاشياء الطبيعيه يمكن تفيدنا

ياربي حاطه عيني على حلين انشور بلص بس ماكو بالكويت
بنات قلتو طعمه مو حلو ... وثقيل اخاف ما نتحمله .... >>>>> الحين دوري عليه واشتري وبعدين فكري بطعمه

خخخخخخخخخخخخخ

خوووووش بدليه الطاطا

الطاطا = البطاطا


بنات ديرتي وينكم ها بشرو لقيتي انشوووووووووووور