لا يا اختي ملابس الماركات والله انها مي اصلي وا شي وغلا على الفاضي شوفي الصناعه وين تصنع في بنقلادش والهند ويبيعونها بغلا والله وحده تقول انها تروح الهند تشتري ملابس من الماركات من الهند الي بميه وثلاث ميه تقول تاخذها 15 وعشرين ريال بس نصب على الناس وانا اشتري لبناتي من الماركات والله انها تشمر وتنمش مي اصلي ولا شي

كلميه بعقل ان خيركم خيرة لاهله وافضل الصدقة ع اهل بيته

الله يفرجها عليك

والله صادقة الماركات خرطي والله المحلات العادية فيها أحلى وأشيك وأكثر أنوثه أنا ما أدري وش عجب الناس في الماركات ملابسها مافيه ذوق كلها قطن وكتان وجنز لكن روحي المحلات العادية تايورات تهبل كلها شيفون ودانتيل تطرز تحسين فيها أنوثه وفخامه والله أنا شفت عند مانجو فستان ب 1200 ريال والله عادي جدا لو سويت مثله عند الخياط ما كلف 200 ريال بالقماش وشفت عنده تنورة والله لو بعشرة ما خذتها مره تفشل ب540ريال بالله مو حرام تنكب هذا الفلوس في خلاقين ما تسوى حتى لو الواحد مقتدر لا تخسرين زوجك علشان ماركا ت وطالما أنتي في المدينة روحي سوق المدينة الدولي عندهم اشياء حلوه والله ييسر امرك

حاسه فيك والله.

اقعدي معاه جلسة مصااااارحه بس البنات يكونو مو جالسين. يانايمين او ارسليهم لاهلك من باب انهم يبغون يغيرون جو اذا كان زوجك عصبي عشان لايسمعون رفع صوت او شي لانهم مالهم ذنب ويبغون يلبسون زيهم زي غيرهم.. فبعض الرجال يزعلون من كلمة الحق وان شاءالله زوجك مو من ذالنوع,, وبعضهم لا والله متفاهمين بس تكون غالبه على نفسيته الفزعه وينسى حرمته وعياله..

وصدقيني الرجال يحبون الحرمه الهااااااااديه مو اللي تثير مشاكل وتنكد عليهم, مثل ماقلتلك اقعدي معاه وفهميه ان البنات ما عندهم ملابس تواجه الناس وقوليله احنا داخلين على عيد.. ولاتركزين حبيبتي على المحلات الفخمه حاولي تاخذين من المحلات اللي اسعارها منااااااسبه لجميع الطبقات عشان ما تحملينه فوق طاقته,,

وانتي برضه باقي الشهور حاولي تتعاونين معاه سوي جمعيات مع كم حرمه حتى لو تكون قيمة القطه بينكم قليله راح يكون المبلغ الكلي مناسب ان شاءالله وصدقيني راح يفرح هو وقوليله هاذي الجمعيه نص لي ونص لك بحكم انك انتي اللي نسقتي مع الحريم وزي كذه وماراح يقول شي.. وحاولي توفرين قدر الامكان بشكل عام.

الله يرزقكم ويرزقنا ياااااااارب ويرضي قلوبكم ويخليلنا عيالنا ياااارب