مو لازم ماركات
كن الناس بيموتون اذا مالبسوا من زارا والله ان ملابسهم تجيب الهم
روحي لسنتر بوينت وطقته وخوذي على لبس
ثلاث ارباع ملابس الماركات تلاقينها بالمحلات العاديه برخص التراب
خالاتي ماعليهم قاصر وقضو لعيالهم من سنتر بوينت وسيتي ماكس
بدال مايقطون مبلغ وش كبره على بدله وحده اشترو بدال البدله 3 وبدل البجامه 4
خبرك الشتا جاي والصغار يحتاجون اكثر من غيار واكثر من قطعه ..
بكذآ وفرو واستفادو من فلوسهم بأكثر من لبس لعيالهم ..
خالاتي ماعليهم قاصر وقضو لعيالهم من سنتر بوينت وسيتي ماكس
بدال مايقطون مبلغ وش كبره على بدله وحده اشترو بدال البدله 3 وبدل البجامه 4
خبرك الشتا جاي والصغار يحتاجون اكثر من غيار واكثر من قطعه ..
بكذآ وفرو واستفادو من فلوسهم بأكثر من لبس لعيالهم ..
الصفحة الأخيرة
ولتقليل المشاكل الماديه بينكم .. اتفقي انت واياه حسب راتبه الشهري والامور الماديه اللي تستهلك الراتب .. يعني احسبي كم تقريبا راتبه وكم ياخذ للايجار واذا ايجاركم غالي والا لااا .. وهل هو راعي مشاوير وكم البنزين واذا عليه اقسااط وكم يعطي امه غير اذا عندك شغاله والا ماعندك .. وكم تقريبا تصرفون كهرباء ومويه وجوال ونت ومواد غذائيه من لحوم وغيره
وشوفي كم يقدر يعطيك مصرووف شهري ما يضغط عليه مااديا ويعطيك اياه بطيب نفس ودااائما
وخذي لك مصروف ولبناتك شي يكفي من غير ضغط
وهنا يبدا حسن تصرفك وادارتك للمصروف .. بعض الشهور الاطفال مايحتاجون شي الا قلم والا دفتر والا تي شيرت
وبعض الشهور يحتاجون ميزانيه مثل بداية الصيف وبداية الشتاء والاعياااد
هنا اجمعي مصروفهم اذا كاانو مايحتاجونه وخليه على جنب ولا تصرفينه بخرابيط وطلعات عاديه
واذا جاااء وقت الصرف او التخفيضات اطلعي وقشي لهم بناطيل وتي شيرتات وغيارات للايااام العاديه وجزم .. خذي لهم من الماركات شي يكد من بناطيل جنز وبناتك بعمر ما يكبرون على طول فتلاقين البناطيل بتكفيهم السنه كلها تقريبا قبل تتغير المقااس او اكثر من السنه لان العمر هذا ما يطول الطفل كثير ,,(مره من المرات اشتريت بنطلون من زارا عليه تخفيض وكاان حلوو وكدته بنتي مااشاااء الله ولاتغير .. وكنت مستعجله مره وعطيته شغاله اهلي واحرقته من تحت وضااق صدري رحت خذيته للخياط وقلت له قصه شوي وصار برموده والا تقدر تلبس عليه بوت بالشتااء )
يعني دوري حلول ولا تحطين يدك على خدك وتكيفي مع الضغوط
وممكن تشترين لهم كل شهر من مصروفهم تي شيرت واحد غيار او اثنين وباقي المصروف خليه
وممكن تغلطين او فتره في مسك المصروف لكن كل غلطه بتعليمه .. تصيرين تفكرين قبل تطلعين الرياال
وصدقيني مع الايام بتشترين اللي نفسك فيه لك ولبناتك وبتعرفين كيف تتركين اللي ما تحتاجينه وتشترين اللي تحتاجينه
شوفي تخفيضات سنتر بوينت تقريبا كل 3 شهور يسوونها
اشتري جزم لبنات فلاات وخذي اكبر بمقااس وخذي لكل بنت 3 الوان
ابيض - وردي - جنز
وهذي الالوان اللي عادة تمشي مع كل الملااابس ,,
حبيبتي مرينا اغلبيتنا باللي تمرين فيه بس عشان بيت الملك نصبر ونحاول بذكاااء وحسن تدبير نشتري الزين ونبعد عن الصرفيه اللي مالها داعي
وطبعا كل عائله عندها اساسيات وكماليات
وممكن كمالياتك عندي اساسيات لكن اساسياتك عندي ممكن تكون كماليه ولا تهمني
فانت دبري امورك واذا زوجك من اللي ممكن تزيد مرتبته كل فتره
حاولي معاه كلما زادت مرتبته يزيد لكم الراتب لو 50 ريال لكل فرد << طبعا حسب الزيااده والمرتبه