ماشاء الله عليك يا أم سلامة ، مع أني مو من بنات الإمارات لكن أعجبني حبج لخواتج وحرصج على مساعدتهن .


بس عندي ملاحظة صغيرونة :
تعديل الحواجب : هل تقصدين فيه الـ ( نـمـص ) أو شيء ثاني ؟ لأن النمص ورد فيه حديث ( لعن الله النامصة والمتنمصة )فالأمر خطير يا أختي ، هذي (( لعنة)) يعني طرد وابعاد من رحمة الله تعالى ، يعني خسارة أصلي وأصوم وأزكي وأحج ,وأتعب وبعديين يروح كل هذا بسبب نمص الحواجب . صح ياعزيزتي والا لا ؟





والشي الثاني اللي لفت نظري أنج قلتي الحرمة اللي تشيل الشعر من الجسم كله ، نفس الشيء ياعزيزتي لا يحل لإمرأة أن تنظر لجسم امراة أخرى فيما دون السرة والركبة ...والأدلة كثيرة إذا تحبين اييبها لج .



أرجو أنج ما تزعلين لأن الدين النصيحة ومن دل على شيء فله مثل أجره إن كان خير ومثل وزره إن كان شر .


وسلامتكم .

السلام عليكم ..

مشكورة وايد أم يحيي على هاذي النصايح ...
بس المشكلة انه عندي مشكلة صغيرة أو بالاصح كبيرة وايد ومأرقتني .. شوفي انا حواجبي وايد كبار وكثاف بشكل مو طبيعي واقرب للرجل وان كانت كالرجل وانا اعدلهن بحيث تعطيني منظر كفتاة واتمنى فعلا ان اجد حلا لهذه المشكلة لانني اعرف ان النمص حرام ولا تقولي لي شقريهن لانه لا فائدة من ذلك....

أهلاً بنات العين.. شو الأخبار.. شو هالزين اللي تعرفونه في العين.. أنا بعد بدليكن على أماكن يمكن ما تعرفونها أو يمكن سمعتوا عنها أو نسيتوها.. بصراحة الصالون اللي لا يعلى عليه في الماكياج و التسريحات مع احترامي لصالون الحسناء و عروس الخليج و صدقوني ما بتندمون عليه أبداً و هو.........




صالون يديد و من كم شهر فاتح







بس اللي فيه خبيرات و في عرس أختي لفيت على كل صوالين العين ما خليت صالون إلا و دخلت آخر الأسبوع بس علشان أشوف شغلهن.. في العين بكبرها ما أحد يسوى ...............








( صالون فيكتوريا ) اللي تسوي الماكياج ( منال) و أيضاً تسريحاتها روعة مثل ماكياجها، بس إذا عندها زباين وايدات ( فايزة) تسوي بعد تسريحات روعة د..كل اللي فيه شغلهن حلو و تعاملهن أحلى و صالونهن يهبل من حلاته من الداخل.. إذا تبغون تعرفون مكانه ..خبروني و بدليكن
و في تصميم الفساتين يعجبني ( تاج العروس) تصاميمهم حلوة يسويها واحد فلبيني.. و تحياتي حقكن بنات العين.

مشكورة اختي ام سلامة ومبروووووووووووووك

اختي الاميرة اوديت انا سمعت عن تاج العروس

بس عن صالون فكتوريا والله اول مرة اسمع عنه

متأكدة انه حلووووووووووووو

لانه انا يمكن اسير بوظبي عشان اتعدل

لكن اذا طلع كلامج صح والله بتسوين فيني خير

نسيت اقولج وين مكانه بالضبط

وبعد ابى اسئلكم

ابى اسوي تنظيف بشرة وبديكير ومنيكير وحمامات زيت وماسكات وهالسوالف اللي يسووهن قبل العرس

وين شي صالون في العين اوكي في السوالف هاذي