السلام عليكن والرحمة.........

حبيبتي الاميرة أوديت اسمج واااااااااااااايد روعة يلست اتأمل فيه يمكن عشر دقايق

المهم وين هذا صالون فكتوريا؟؟ وهل هو اكيد اوكيه ؟؟

واذا ادلين شي بعد حلو أو مميز حق الزهبة للعروس سواء في العين أو دبي خبريني والله بتحصلين فيني أجر وباين عليج ترا أم الذووق ....

حبيبتي عروسكم لا شكر على وااجب وألف مبروك أظني قلتيلي انه عرسج شهر 10 يلا بالتوفيق ان شاالله وعساه ريال زين وصالح ..

أما بالنسبة لتنظيف البشرة روحي صالون كنز لبنان تنظيفهم واايد حلو
والبدكير والمنكير والله لين الحين ما حد دخل خاطري وشغله مضبوط الا عاد هاه شوي زين عبله وكنز لبنان //// أما تشقير الجسم أكييييييييييد في كنز لبنان وايد حلو
والمغربي أكيييييييدين في صالون حمام الهنا ...........

واي شي تبنه نحن حاضرين للطيبين شراتكن ،،، بس اللي عندها معلومات عن الاماكن الزينه في العين تخبرنا فيهن عشان تعم الفايدة وتاخذن الاجر ........

مرحبا مرة ثانية .................

بس حبيت أسأل اللي عرست أو عندها خبرة في هذا الموضوع اللي هو الزهبة ترا الوالدة متوفية وما عندي خوات كبار وابا المساعدة اذا سمحتن ؟؟؟

شو نبدا في البداية يعني شو ناخذ واللي نجدمه واللي نأخره آخر شي ؟؟ يعني متى ناخذ الذهب.. المكياج.. العطور.. الملابس .. المخورات...................الخ

واللي تعرف لو معلومه بسيطة تفيدني فيها.....................ويزاكن الله الف خير

انا عندي خوات ثنتين عرسن قبلي

شوفي اول شي بدي اللي يبالهن وقت

اشتري القطع عشان الفساتين والمخورات والتنانير والقمصان

وعقيهن عند المصممين والخياييط عشان تتفتكين وقبل العرس باسبوعين

تخطفين عليهم تشليهم من عندهم

عقب حطي بالج على الذهب يباله وقت

وعقب الشيل والعبي

وعقب ملابس النوم

وعقب باقي الشغلات البسيطة المكياج الشباصات والمناكير.......وابسط الشغلات

شوفي انا عندي دفتر كاتبه فيه كل اللي اباه

تمي فكري شو تبين من راسج لييييييييييييييييييييين ريولج

فديتج والله كسرتي خاطريه والله يعينج يالغالية

واي سؤال تبينه حتى على الخاص طرشي لي عشان نتناقش ويا بعض

نسيت اقولج ام سلامة صالون كنز لبنان احسن عن الافراح في تنظيف البشرة

وبعد بقولج شي سمعت انه صالون همس العيون عندهم تشقير يفتح لون البشرة

هلا بعروسكم .. و هلا ببنات العين اللي يبن الزين.. صالون فيكتوريا ما عليه أي كلام اللي فيه ( منال) شركة أجنبية كانت تباها علشان تمكيج مانيكان شركتهم لأن منال عندها خبرة كبيرة في الماكياج و رفضت عرضهم لأنها تبى تكون في صالون حقها روحها و تشوف الناس اللي يايين علشانها و كانت تسوي ماكياج ( في الشرقاوي ) و ( منى مطر) و وايدات كانت تسويلهن الماكياج .. صدقيني صالون فيكتوريا روعة .. و سيري سوي بروفة و بتشوفين بعيونج شغلهن قوليلهن إنج تبين ماكياج عرايس و شوفي كيف بتطلعين .. مريت على كل صوالين العين قبل عرس أختي و كل الصالونات يرسمن عيوني بشكل ما يعيبني و حتى ( القصة أو البكلة) ما يضبطنها زين و أرجع البيت أعدلها بروحي، بس في فيكتوريا ما ضبطت الماكياج و لا التسريحة و البكلة أبداً و قلت لها إنتي الوحيدة إللي قدرت تخليني بالشكل اللي يعجبني ..

بالنسبة لحمامات الزيت حق الشعرنفس الشيء ما خليت صالون إلا و سألتهم و سويت عندهم لعبت بفلوسي لعب.. لحد ما لقيت المكان الزين و لحد اليوم أسبوعياً أسوي عندهم أنا و أختي و هو ( مركز الخليجي للعناية بالشعر) بتلقين هنديات .. خليهن يشوفن شعرج و بيقولنلج إذا شعرج يحتاج علاج أو بس حمامات زيت إذا علاج لازم تسوين اشتراك بـ 250 حق الشهر الواحد.. و بتلاحظين الفرق من أول مرة خصوصاً لأن تدليكهن للشعر ممتاز باقي الصوالين تحسين كأن الوحدة منهن قطوة تشمخ شعرج.. بس اللي في الخليجي تدليكهن صحي و حلو و تحسين حتى بالراحة .. أختي اللي عرست من شهر سوت عندهن علاج للشعر لأن شعرها كان وايد تعبان .. و اللي عدلتها حق العرس قالت لها لازم تسوين حمامات زيت قبل العرس لأن شعرج تعبان.. و يوم العرس تفاجأت و قعدت تقولولها معقولة بها السرعة شعرج طلع وايد حلو شو سويتي فيه؟ و خبرتهن.
في تنظيف البشرة و علاجها شكل ما قالت أم سلامة ( كنز لبنان) عند الفلبينية شغلها حلو و كانت في الكويت قبل و تعلمت كل شيء هناك.. في المانيكير و البادكير ألحين ما أتذكر بتأكد من اسم الصوالين و بخبركن قريب.
أما يا عزيزتي عروسكم إذا تبين تتعدلين في أبوظبي نفس الشيء لفينا على كبر أبوظبي لأن أختي ما تبى تتعدل في العين و كنا بعدنا ما نعرف فيكتوريا.. سرنا مركز جويل و البرج و مشكبار في دبي و واويد من مراكز التجميل لحد ما استقرينا عند وحدة إيرانية عايشه في لبنان و تتكلم لبناني اسمها ( هيلين رشيد ) و بعده ما عندها صالون ما كياجها وايد حلو و أسعارها ممتازة أما التسريحة فهيلين تخلي وحدة صديقتها ( نجاح ) من مركز روز للتجميل في أبوظبي و يتفقن مع بعض على التسريحة.. قبل يوم العرس مثلاً بأسبوع أو يومين هيلين تخلي العرايس يسون كل شيء تنظيف بشرة و حمام مغربي و مانيكير و بديكير و كل شيء يتعلق بالجسم في مركز روز للتجميل مركز كبير و فخم .. إذا تبين رقم موبيلها بخبرج عنها و وايد من بنات التجار يسون عندها..و ما يطيعن يخبرن منو عدلهن علشان ما أحد يسير لها غيرهن.. و الكل انبهر يوم العرس بشكل أختي و كلهم سألونا عن اللي عدلتها.