أهلاً أم سلامة شكراً لأن لقبي عجبج ترى هذا بعد يدل على ذوقج الحلو بالنسبة لصالون فيكتوريا و مركز الخليجي للعناية بالشعر اثنيتهم عدال بعض يوم بتسيرين مثلاً لجلامور أو مركز الأفراح للتجميل من وراء بناية الإمارات للكومبيوتر و الاتصالات .. سيري جدام .. و طالعي المحلات اللي على يسارج و أنتي جدام.. بتشوفين لافتة على شكل ( قلب ) بيضاء و مكتوب بالأحمر صالون فيكتوريا.. و إذا سرتي بعد جدام أكثر بتلقين ( مركز الخليجي للعناية بالشعر ) فيكتوريا و الخليجي بينهن عمارة وحدة بس..و ألف مبروك على زواجكن يا أم سلامة و عروسكم.. باقي الأغراض حق زهبتكن صبرن عليّ شوي بكتب أحلى الأشياء اللي في العين بخبركن عنها بصراحة و إذا شيء من خارج العين أحلى بعد بقوللكن بس بخلص من قائمة المحلات الزينة و بقوللكن إن شاء الله.. تحياتي حقكن.

يالله الصراحة بتريحينا

شكلج عندج خبرة بالسوالف هاذي



بس ما قلتي لي اتعدل وين

عند صالون فكتوريا ولا هاي اللي اسمها هيلين

بس ما تحسين انه صعبه عليه اسير بوظبي عشان تنظيف البشرة والبديكير...الخ

انا قلت بسوي كل هالشغلات في العين

والماكياج والتسريحة في بوظبي

وبعد بقولج شي هيلين تقدر اتييني العين

شوفي يا عروسكم إنتي سيري حق فيكتوريا و سوي بروفة إذا حسيتي إنها عرفت كيف ترسم ملامحج زين سوي عندها لأنها هي بعد خبيرة..بالنسبة حق هيلين عادي توصل العين.. و يوم عرس أختي كان في الفندق ..و عدلتها في غرفة الفندق .. و تقول عادي إنها تسير البيوت بعد.. و حتى ما تأخذ وايد فلوس إذا خليتيها تيج في العين.. بس ماكياجها يهبل و تخلي الناس ينبهرون صدق بالعروس.. و نحن ما كنا نعرف فيكتوريا و أختي حجزت عند هيلين تعرفين لازم العرايس يحجزن قبل المناسبة بشهر على الأقل لأنهن ما بيضمنن بعدين إذا ما أحد بيحجز عقبهن.. و قبل العرس بأسبوعين .. عرفنا فيكتوريا و كل قريباتي و صديقاتي انبهرن بالماكياج و التسريحة وايد يوم العرس.. و دليتهن على فيكتوريا.. الرأي لج إذا تبين هيلين تراها رهيبة.. بس في رأيي هيلين عندها خبرة في تعديل العروس أكثر تصدقين حتى نقشة الحناء اللي في يدين أختي حطت لها عليه كريستال و طلع وايد حلو مع إن اللي نقشت حناء أختي من صوالين العين.. فيكتوريا وايد حلو ماكياجها و تسريحاتها بس للأسف ما شفت كيف يعدلون العروس و لا كنت بقولج منو الأحسن بينهن.. بس هيلين بتخليج صدق قمر في العرس.. إذا تبينها بعطيج موبيلها و سيري لها في أبوظبي و بتسويلج البروفة ماكياج و تسريحة من الخاطر و دقيقة وايد في الماكياج و بتخبرج بكل شيء لازم تسوينه قبل العرس.. و يكفي إن بنات الهوامير زباين عندها.. بس أسعارها معقولة و حلوة و ما تغش أو ترفع السعر و تستغلنا مثل الباقيات و ما بتكلفج وايد حتى إذا يت العين.. فأنصحج بهيلين لأني شفت بعيوني تعديلها وايد روعة.

اوكي عطيني رقم موبايلها

بسألج يوم يات العين كم خذت عليكم

وين بالضبط سرتولها في بوظبي

ام سلامة.....
وين تعدلت يوم الملجة؟؟؟
وكيف كان تعديلج؟؟؟
تراني طرشت لج رقم خياطة القمصان على الخاص

يالغاليات
والله من صدق نحتاج وحدة تحط موضوع عن كل الاشياء اللي تحتاجها العروس
علشان تكون قائمة ترجعلها كل شوي وتتأكد انها ما نست شي
بس تكون قائمة مفصلة.......
يعني تذكر الاشياء والوقت المناسب يوم تشتريها.....
منو تسوي هالخدمة وتنزل هالموضوع؟؟؟؟