السلام عليكم رجعت لكم بيومياتي المتواضعه اليوم بعد ما أخلصوا العيال من الامتحانات استعديت لبرنامج التنظيف فغسلت قطع السجاد كلها بمساعده عيالي وجربت اغسلهم بجل العملاق الاخضر وكانت النتيجه مرضيه ولم نتعب بالغسيل جعلناها مثل لعبه تجمعنا واستانسوا العيال حتى انا وبعدها نظفت البيت على السريع وطبخت الغدا صينيه دجاج بالفرن للسهوله وسلطه احاول ما اجهد نفسي بالشغل عشان ما امل والشكر والامتنان لكم خواتي خاصه الياسمين وامي عايشه تشرفت بكم

السلام عليكم اليوم نظفت الثلاجة تنظيف عميق والغساله بالاضافة للشغل اليومي وشكرا

مساء الخيرات ياليت يابنات اللي عندها فكره عن كيفية ازلة غراء الخشب عن المرايا مع شكري للجميع

السلام عليكم خواتي
يوم شفت الملف قلت ممكن اني غلطانه بملف سابق ههههههه
وش هالنشااااط ماشاء الله عليكم ربي يعطيكم الصحة والعافية

بناااات سؤال مين المنتدى مايفتح معاها ويطلع لها المنتدى حااايس مو مرتب
زيي لي فترة على هالحال مدري وش الخلل اكيد من عندي وثقيل مررررة واحيانا مايفتح معي
شكلها الشبكات ضعيفة عندي

المهم يومي كان كاتالي
طبعا من امس الموية مقطوعه على نص البيت المطبخ وقسم الرجال وارتفع ضغطي

وكنت مضربه عن الشغل وكل شي

بعدين رجعت تعوذت من ابليس وقلت ماهي نهاية الدنيا والحمدلله ان في مويه بقسم من البيت احسن من غيري ممكن غيري ماعنده بالبيت كامل

رجعت عبيت لي جراكل موية وعلى المطبخ غسيل وترتيب وتنظيف وطبخ وطلع المطبخ احلى من لو في موية ههههههه

فقلت لازم ان الانسان ماينظر لسلبيات ويحبط نفسه وهذا كلام ام سوسو ربي يرجعها لنا بخير فقدناها وفقدنا يومياتها

المهم كان الشغل اليومي مع غسيل ملابس وكوي وبس

في امان الله

بس حبيت اقر قر شوي

وشكرا لكم جميعا
مادري اذا واحده مارديت عليها في شي تعذرني بسبب بطء الشبكة عندي وتاخر فتح الصفحات

]

وهذي عجينه البف يا الياسمين ان شاء الله تكون الصورة واضحة

طبعا العجينة تكون مرررة قاسية وتتفتت معاك بس هذا السر فيها

وفي طرق كثيرة لها بالنت اذا تعبك الشغل بعذي العجينة ممكن تبحثين عن غيرها وفي اليوتيوب شفت سمبوسة البف لمنال العالم ومرررة طلعت حلوة بس باقي ماجربتها

بالتوفق خواتي وتصبحون على الف خير