لازال الامل يخبرني بان باب الفرج لايغلق ابدا في وجه من طرق باب الله
صباحكم امل

بسم الله
نور نهى شكرا حبيبتي على الاجابه وانتي ما شاء الله عليكي من المتميزات في الملفات السابقه
الياسمين بالنسبه للون الدهان انا بفضل اللون الابيض شو ما كانت الوان الاثاث وكل الجهات نفس اللون احلى من لما تعملي كل جهه لون الااذا بدك لغرفه البنات يمكن يطلع حلو هذا رايي وبيرجع لذوقك الحلو
دلع الحويه مبروك يا كبيره المحررات عقبالنا ما شاء الله
ام محمد اهلا وسهلا فيكي
ام ميساء والله ما عندي فكره بس يا ريت اعرف الحل لاني انا نفس مشكلنك

يومياتي لسه شغاله بغرفه نومي وخلصت ادراج الكمودينات وادراج التسريحه ورتبت التسريحه ولمعت الخشب والمرايه واليوم ان شاء الله بنتهي منها كامل

السلام على احبابي
اشتقت لكم قد البحر وسمكاتو وقد الشجر وورقاتو
عرفتوني مين انا ؟؟؟؟؟
احبابي اكيد بيعرفوني من سلامي
ربي مايحرمني من اغلا اصحاب
سامحوني عالتاخير ، صار لي شهرين بحاول ادخل للمنتدى
اول خمس اسابيع كان بيطلع لي موقع فارسي كل ماطلبت المنتدى
وبعدين صار يقول لي انه كلمة سري خطأ
ومالي قادرة استرد كلمة السر مع اني متاكدة مليون بالمية انها صح لانه ايميلي يلي سجلت فيه
من زمان ماعم اعرف ادخله ��
حاسستكم اسمتعتم بالعسعسة يلي انا فيها.��
معلش هي ضريبة التكنولوجيا علا كبر ، المهم اني قلت بدخل من معرف بنتي احسن ماابقى مقطوعة عنكم هيك
احبابي
عرفتوني ولا لسا ؟؟؟
انا هنادي ج
ربي مايحرمني من احلا لمة ، صحبة كان الها افضال علي عمري ماراح انساها
حبيت طمن اصحابي انه انا تركت الشام وصرت ببيروت
وبعد رمضان باذن الله اذا ربنا يسر ناقلين للاسكندرية
بس كله بعلم الغيب
لاتنسوني من دعواتكم
اذا عرفت ادخل من معرفي حابة كتير اشارك معكم ماتتخيلوا اديش مشتاقة للكرف معكم
سامحوني مشان الرسائل الخاصة لاني ماقدرت ادخل اقرا شي
استودعتكم عند ارحم الراحمين

عدنا معلش
داخلة عرض بس بدون مااقرا يلي فاتني
لفت نظري وصفة عجينة وحسيت المقادير تبعها متعبة بالشغل
اذذا مالي غلطانة هي عجينة البرك عنا اسمها البف عنا
لانه لو كانت عجينة الباف يلي عبارة عن طبقات هشة فهديك اكيد بدها مقدار زبدة كبير بالفرد
لذلك اذا فهمت الموضوع صح
حبيت قول عجينة بستعملها من سنوات طويلة وسهلة وبفرزها دايما قبل رمضان
٢ كوب طحين
ربع كوب زيت بلدي
ربع ملعقة صغيرة بكم باودر
رشة خميرة صغيرة
ثلاث ارباع الكوب حليب او ماء حسب ماتحبي
انا بحب الحليب بالعجينة بس مو ضروري
البكم باودر ضروري للقرشة تبع البرك والخميرة يادوب رشة مشان تنتفخ شوي بس
لاتكثري خميرة او بكم باودر مشان ماتصير تفتح اثناء القلي
واعجينها منيح ومابدها غير شوي ترتاح وبتصير جاهزة للشغل
هي اذا فرزتيها بتطلعيها من الفريزر فورا عالقلي
لازم تطلع العجينة معك ممتازة لاتضيفي المي الا شوي شوي
لانه انواع الطحين كتير بتختلف
وصحة وهنا
سامحوني دخلت من دون استئذان
بس شفت حبيبة قلبي الياسمين كانها بدها مقادير
بدي سلم عليكم اسم اسم من شدة شوقي
بس خايفة اسهى عن اسم لذلك ربي عالم بلي بالقلوب