لتبرع وقافه وكرسي

السلام عليكم
اختي كيف طريقة التواصل معك ضروري جدا
ﻻني محتاجه لكرسي الوقوف والجالسه ضروي كنك حاسه فيني
ﻻن اتبع بمستشفي التخصصي وطلبوا مني كرسي وجالسه
واعطوني اوراق للتاهيل الشامل علشان يصرفون لي اﻻغراض بس عارفه انه راح تاخذ وقت طويل ع بال ماتجي ﻻن قبل كدا طلبنا عربيه وكرسي استحمام وماجاءت غير بعد سنه تقريبا
وانا من تبوك بس موجوده لين الخميس علشان عندنا مواعيد بالتخصصي
كثرت عليك الكﻻم الله يكتب في موازين حسناتك

الله يسعدك حطي صورتها يمكن اشتريها لطفلي مسدوح بس يزحف على بطنه مسافه بسيطه انتي كيف علمتيه وكيف شكل الوقافه اشتريت اشيا كثيره منفعت له

اختي شهوده حاولت ارسل لك رقمي على الخاص بس عدد المشاركات قليله عند اختي اذا فيه مشرفه تقدر توصل رقمي لها ياليت تساعدنا قبل تمشي شهوده من الرياض

ام عثمان ولدي طلع من المستشفى بعد ماكمل السنه وكان كانه مولود حتى رقبته مايشيلها ولا يتحكم فيها
اول شي شريته له مسنده احطها حول رقبته شريتها من سنتر بوينت وفيه بعد في المحلات الرخيصه يبيعون زيها سعرها تقريبا20 عشان اقوي عضلات رقبته وكنت اجلسه في حضني كثير واجهتني مشكله معه انه يرفع راسه فوق مره كنت اعدله بيدي بحيث امنعه يرفعه فوق مستوى الطبيعي لما صار يتحكم شوي كان المفروض المستشفى يعطينا كرسي بس تاخرو تقريبا ست شهور وعشان تاخرو اول شهر رحت شريت كرسي الجلوس الاسفنجي العربي هو للاطفال العاديين بس كان يثبت ولدي بحيث ماينسدح او يرفع راسه اكثر من الازم سعره تقريبا70 ريال جلسنا عشان يتعلم يجلس بس 6 شهور لما تاكدت انه اذا جلسته مايطيح ولا يميل على جنبه صرت اجلسه على الارض واحط العابه عنده وعشان الوقوف شريت له مشايه الاطفال وكنت ارفعها شوي عنه واسوي تمارين الوقوف بالوقافه اوقفه نص ساعه في النهار ونص ساعه في الليل واهم شي اذا بتوقفينه على الوقافه يكون لابس حذا ولابس جبيره الركب عشان مايثني رجوله والحذا تكون مقاسه او اكبر بدرجه عنه
المشايه بعد فتره صغرت عليه لانه يعاني من مشكله بالوزن فضطريت اشري له مشايه خاصه تناسبه من شارع الضباب قيمتها 350 ريال وشارع الضباب فيه كل الادوات والاجهزه والكراسي والوقافات يعني شارع كامل للاجهزه الخاصه بذوي الاحتياجات الخاصه

واسفه اني طولت بس حبيت اشاركم تجربتي مع ولدي والحمدالله الحين ياقف على الجدار من حاله ويمشي بس لازم مسنود

السﻻم عليكم ورحمة الله
اختي ماقصرتي الله يسعدك ويشفي لك ولدك وتفرحين فيه يارب
ابي اعرف كيف طريقة تمارين لي تسوينه ولدك انا بنتي عمرها 2سنتين وتوها قامت تقلب وتتحرك
ونفس حالة ولدك رقبتها ماتسندها بس احسن من اول
ابي اعرف التمارين علشان اسويه لبنتي
الله ﻻيحرمكي اﻻجرررررر