لجأت لكم حبيباتي رواد مجالس الإيمان ..

مساؤكم رضا وطاعة ..
أحبتي ..أنا كتبت موضوعي هذا قبل كذا في قسم الحياة الإجتماعية ولقيت تجاوب من الموجودات الله يثيبهم الجنه بسسس قلت بأكتبه مررره ثانيه هنا عشان الأعضاء إللي يرتادون هالقسم ودي أشوف رأيهم ..
أولا : الموضوع بسيط جدا ولايحتاج نقاش لكن إيش أسوي أحس الله إبتلاني أسأل الله العافيه ..
ثانيا : قصتي بإختصار أنا وكيلة مدرسة متوسطة وثانوية من 16 سنه ومتزوجه من 14 سنه وزوجي طيب وحياتي مستقره وعندي عيال واللهم لك الحمد ، مشكلتي إني مستقره بالمدرسة أستقبل وأودع ، كنت زمان عاااادي إللي يجي يجي وإللي يروح يروح ماعندي مشكله وإذا حزنت حدي دمعتين وخلاص ،، بس من العام الماضي والسنه هذي تعلقت في معلمتين وحده راحت العام الماضي وبكيت عليها إلين حسيت بالمرض والحمدلله تجاوزت المحنه وجا هالسنه وتعرفت على وحده ثانيه طيبه وخلوقه وملتزمة ماشاءالله عليها بسسس ياجماعة الخير تعلقت فيها تعلق غير طبيعي أفكر فيها ليل نهار بسس أبي أشوفها وأسمع صوتها حسيت نفسي وحده إنهبلت على كبر وكل مابغيت أهذب نفسي مافيه فايده وألحين هي خذت إجازة شهر وسافرت مع زوجها برا ،،والله إني بكيت بكاء غير طبيعي وحسيت الدنيا إنتهت ووقفت وخلااااص ،، ألحين أحاول أمشي أموري وأعيش طبيعي لكن مافيه فايده تفكيري وعقلي معاها وأحس الحزن مصيطر علي بشكل فظيع مع إني والله أقرأ قرآن وأحافظ على صلاتي بوقتها وعلى الأذكار وأتجنب المعاصي بسسس ماأدري ليشش هالوضع وأخاف تستمر حياتي كذا !! إيش إللي خلاني أصير كذا كبرت وإنهبلت ؟ ليش قلبي صار يتعلق بالشكل هذا مع إني اللهم لك الحمد حتى ترضى ماعندي فراغ عاطفي زوجي جدا حنون وحياتي هاديه بدون مشاكل ؟

حبيباتي ..لجأت لكم بعد الله وأنا داريه إني بألقى الصدر الحنون عندكم وبتحاولون تساعدوني أتخطى هالمحنه وتقولون لي إيش السبب إللي غير منعطف حياتي أنا أشوفه للأسوأ صحيح إني صرت مستمتعه بالدوام وأحبه مو مثل قبل بسس أحس الضريبة صعبه جدا ..

الله لايحرمني منكم حبايبي ويخليكم لعيون ترجيكم ..