لحقلو علي شكلي حامل بالثالث وبنتي توها صغيرة

السلام عليكم

لحقلو علي شكلي حامل بالثالث وبنتي توها صغيرة ضايق صدري وااااااايد
تخيلو يابنات الدورة صار لها خمس شهور ماجتني وانا على بالي خربطة هرمونات يعني وقتها كان
عمر بنتي اربع شهور بس والحين من اسبوع تقريبا احس بحركة واضحة ببطني وشكلي حامل
مو عارفة ابي اجذب روحي لكن مو معقول حركة واضحة شسوي والله تعب حملت مرتين وررى بعض وهذا
شكله الثالث بالطريق والله خرب جسمي من الحمال وصرت دبه وكل مااقول بسوي رياضة ورجيم احمل
الحين خايفة احلل واطلع حامل للحين عندي امل ان ممكن يكون مو حمل وان غازات ببطني
مفتشله من الناس شبقولون عني كل سنة تولد افففف ياربي امي بتعصب علي هي تقول خلاص وقفي
بس 2 حلوين المشكلة مو قادرة اميز بطني لاني بعد الولادة صار لي بطن كبير عشان جذي مو قادرة اتاكد
بس والله الحركة واااااضحة مو غبيه حملت مرتين واعرف
متكدرة وبس اصيح حرام عيالي صغار واذا طلعت حامل شسوي واسوني ماابي اغلط واقول كلام اندم
عليه ويعاقبني عليه ربي رحمتك ياربي يارب تساعدني تعبت من الحمل والتربية صعبة
يارب اطلع مو حامل واني اتخيل اااااااااااه ياقلبي
ساعدوني واسوني عشان ارتاح شوي من صار لها مثلي ومشت امورها عادي
والناس شلون بطالعونها والله فشله


اعذروني كلامي مخربط بس والله من الضيق الا فييني ....... :(