لحقوا علي

حبيبتي تعوذي من ابليس


اهم شي الصحه

الانسان لمن يكون ما فيه مرض ويقدر يروح ويجي هذي اكبر نعمه

اما الجمال فهو من عند الله

احنا نحاول نحسن من انفسنا بالاهتمام

انتي حاولي واستمري على العلاج وربنا معاكي

شكرا عمري نسرينا
والله يوفقك وين ماكنت
ياااارب ياعسل انت يابت

ارجوكم ردوا علي
لا تخلوني اندم لاني اشتركت في منتداكم
واخذ عنكم فكرة وحشة

الهمه بنااااااااات

السلام عليكم...

اسم الله الرحمن عليج اشحقا الاكتئاب؟ الحين بقولج تجربتي عن الروكوتان عسى يخوز عنج الاكتئاب كلنا ترا مرينا بالمرحله ..كان يتهيلي شي وهو مش موجود...بس في اشياء تطلع صح

انا خصلت تسع شهور كامله مكمله..مع البلع والفحوصات وعوار القلب...وخاصه الابره ما اطيقها اخاف منها لان تخرع وكبيره:06:

المهم انا مشكلتي كانن الحبوب تحت الجلد وعند الذقن قناااااااااابل الله لا يراويج يعورن
يعورن مره:44:...

المهم استخدمت هالحبوب في البدايه على 10 وبعدين 20 وبعدين 30 واخيرا 40 ملي جرام..المهم كان يطلعلي حبوب في كل جسمي مو بس ويهي بس طبعا اكثر شي ويهي..

السلبيات جفاف الويه والبراطم والعيون والجسم. شعرج يطيح مو الكل يصير له نفس اللي صار لي...مو شرط..انزين الحبوب تكثر تزيد يطلعن اللي ما طلعن..تحسين البشره كانها تتقشر
اقري النشره علشان تعرفين زياده..
لزم تشربين ماي بكثره..المرطبات للعين للبراطم للجسم للويه لزم الاستخدام يوميا اذا كنتي تلبسن عدسات لزم تشلن المرطب وياج وين ما رحتي علشان ما تصيرلج العدسه صلبه مثل الحطب وتعور عيونج او الاستغناء عنها ولبس النظارات
فحص الدم لزم وتكونين صايمه 12 ساعه علشان يسحبون دم ويشوفون نسبه الدهون لان ممكن ياثر على الكبد وانا سويت ولله الحمد كلهن سليمات ولا فيني شي

في شي ما لزم تسوينه..تشلين شعر الجسم.ولزم .يوم تطلعين في الشمس لزم واقي..

الايجابيات
الحبوب تبدء تخف..والاثار تختفي تبدء تخف بعد..الزيوان يروح بلا رجعه..الظهر اذا عندج اثار من الحبوب تخف..

وذا خلصتي العلاج كل شي يرجع لسابق عهده...وحتى الجفاف يروح والويه يكون نظر وبلا حبوب

طبعا بعد كل هذا يمكن يعطونج مقشر للويه..علشان اذا بقى اثار او شي خفيفه...يخفيها المقشر..طبعا اذا كان فيه رتن اي مو بروحه لا يستخدمون كريم لتحسس وشي بعد...بس هم يحرق شوي بس اهون من الروكوتان

المهم لا تخافين ولا يحوشج الاكتئاب انا سويت وراضيه اني وسويته لان العلاج كان طويل 9 شهور بس الحمد لله راحت القنابل والحبوب اللي تحت الجلد...

يالله عاد فرحي لا تتخرعين ترا قبلج سويت وطلعت بالسلامه والحمد لله على كل حال..ولا تشيلين هم كل ما تبعلين حبه تذكريني ان ريمي سوت قبلج ولا صار له شي بعون الله وفضله

تحياتي:27:

شكرا اختي ريمي بس عندي لج سؤال ؟؟؟
ممكن


متى يبتدي الحب يخف والاثار تقل ؟؟؟؟؟؟؟؟

في اي شهر ؟؟؟
والزيوان ؟؟؟ متى يروح؟؟؟؟؟؟؟؟