لحقوا علي بمووووووووت

السلام عليكم ..

أنا آسفة والله إني بزعجكم وبحيركم بمشكلتي .. بس والله اتابع مواضيعكم دايما وادري بحكمتكم .. وودي لو تنصحوني ، وش الحل مع المشكلة اللي أنا فيها ..
اولا انا تزوجت من شهرين تقريبا ، بعد مدة خطوبة 8 شهور ..
والله ماارتحت معاه في يوم ، ولا شعرت بلحظة سعادة طول هالمدة .. أكرهه حييييييل .. ولا أرتاح بشوفته ولا بالقعدة وياه ..
بتقولون ليه وافقتي .. وش تتوقعون من مراهقة طايشة.. تفكر الزواج بس طلعات ، ووناسة ، وتغيير جو بدال الخنقة اللي عند الأهل ..:44:
بعد ماتملكت صدقوني من بداية ماعرفت اطباعه واختبرت احساسي ، هل انا احس بالراحة ولا لا ؟؟ أنا ماهمي الحب والله .. بس اللي أطلبه راحة .. على الأقل أحس بالأمان مع الإنسان اللي اعيش معاه ..:(
والله يابنات اني من البداية وانا كارهته .. ولا احس بذرة راحة وياه .. وعلمت اهلي ، وقالوا لي بتتعودي بعدين .. هو انسان طيب وخلوق وين بتلاقي زيه ؟؟
انا ادري بهالشي وادري ان شباب غيره ماعندهم كل هالأخلاق ..
بس تدرون ؟ انا ماني قادرة اتحمله .. انسان باااااااارد وبروده فظيع .. كل شي فيه بارد .. مشاعره ، كلامه ، اسلوبه ، الحياة وياه لاتطاق ..
بتقولون بيتغير بعد سنين .. وانا اقولكم : اللي فيه طبع عمره مايغيره .. ولو بيتغير ، بعد 15 سنة بيفكر يتغير ..:11:
اكيد تقولون انت احسن من غيرك ، اللي زوجها عصبي ، واللي ايده طويلة .. واللي واللي ....
انا ادري وعارفة وفاهمة .. بس والله يابنات لو أنا مرتاحة وياه والله اقدر اتحمله وزود بعد ..
وحاولت اطنش احساسي السلبي كثير حاولت .. بس والله اني فشلت .. وصدقوني انا الحين عايفته .. والله ماخليه يقعد جمبي ولا يلمس شعرة من راسي ..
وصدقوني انا للحين بنت .. يعني ماصرت " امرأة " ..
وادري ان اللي اسويه غلط .. واني اظلمه وان هذا حقه .. بس والله والله يابنات انا ادري انه عندي حالة نفسية .. وصدمة كبيرة انصدمتها من يوم زواجي .. لأني ماتوقعت يصير فيني اللي صار ..:44: :( :06:
انصدمت صدمة عودة .. ومن بعدها وانا يزيد كرهي له عن أيام الملكة .. عرفت انه يحبني بس عشان ياخذ اللي يبغاه مني ..
عمره ماقالي انا احبك الا لما ياخذ اللي يبيه .. كني لعبة عنده يلعب بها وبمشاعرها ..
حتى مشاعره تطلع تمثيل .. واااااضح انها تمثيل مافيها اي صدق ولاحرارة مشاعر ..
لاتتوقعون ان اللي فيني سحر ولاعيون .. لأني اتروش بالسدر واقرا على نفسي قران والأذكار دايما ماتفارق لساني ..
صدقوني يابنات اللي فيني شي نفسي .. وانا ابي اتعالج .. بس بعد الطلاق .. لأني لو تعالجت وانا عايشة وياه .. بتذكر اللي صار كل مااشوفه وبترجع لي حالتي النفسية ..
المشكلة الحين .. اهلي مو قادرين يتفهموا اني تعبانة حيل واحس اني بموووووت لو فكر يمسك يدي .. مو قادرين يستوعبوا هالفكرة ، ويظنون اني بقدر اتحمل مثل ماتحملوا ..
وانا والله اضعف من قلبي ماكو .. مااتحمل ابد اي شي يأثر على نفسيتي ..:44:
والله كلموه وقالوله لايقرب علي .. ووعدهم انه مايقرب .. بس والله يابنات وانا نايمة يقرب واحيانا فجأة يصحيني احساسي . افتح عيني فجأة بدون مقدمات .. والاقيه شوي وياكلني .. والله اني ماعاد أثق فيه ، واحساسي بالأمان فوق ماانه كان مو موجود .. الحين صار معدوووووووم .. مستحيل أثق فيه .. أو أكمل معاه ..:06:
انا ادري الموضوع صعب ويبي له صبر .. بس انا والله مو قادرة .. والله احس اني صغيرة على هالأشياء ولاأقدر اتحمل مسؤوليتها أبدا ..
الحين .. لااقدر ابتسم في وجهه .. ولا حتى اناظر فيه .. ومن زمان انا كذا ولاعمري طالعته ولاحس مني اي مشاعر .. وانا مااقدر اقدم له أي حقوق زوجية .. وابي الطلاق ..
لكن الحبيب قدامي يقول انه شلون بنرد على كلام الناس خايف على مشاعر اهله ومايبي يطلق .. وقدام اهلي يقول مااقدر استغني عنها ..
بالله يابنات .. ولاعمره شاف مني شي حلو ، ولاسمع مني كلمة زينة .. بالعكس دايم ساكتة مااتكلم .. ويقول انه يحبني ومايقدر يستغني عني ؟؟
يعني كذبة واضحة .. واضح حب مصلحة .. مو حب حقيقي مثل مايحاول يوهم الناس ..
طلبتكم علموني شلون افهم اهلي بحالي ..؟؟ شلون اقنعهم اني ابي الطلاق من غير مايأثر قراري على نفسيتهم وحالتهم الصحية ؟؟:(
وايد اخاف على اهلي لأنهم يتعبون بسرعة من أي خبر محزن ..:44:
بس والله لو تميت وياه بيتعذبون أكثر وأكثر ..
وانا ادري اني لو بقيت معه بظلمه وبجرحه أكثر مما تتصورون ..
مو لأني قاسية .. لا والله .. بس أنا لما اكره .. أكره بذمة وضمير وتطلع كل الأخلاق الشينة فيني ..
يعني باختصار .. اصير انسانة ثانية .. غير اللي يعرفوها الناس تماما ..
انا فكرت زين وصليت استخارة .. وشفت رؤيا خلتني أصر على الطلاق أكثر ..
بس ماحد يحس فيني يابنات والله لاأهلي ولاهو ..
تكفون ماابي اسمع نصايح تقولون فيها اتحملي واصبري وبكرة تتغير مشاعرك ولو تركتيه الحين بعدين تندمين ..
أنا بس اخاف يدعون علي .. يحسبون اني ظلمته ..
وانا والله العكس يابنات .. بظلمه لو تميت معه .. والله بظلمه ..
وحدة مريضة نفسيا شو تتوقعوووون منها ؟؟
ياربي شلون أفهم هالبشر شلووووووووووووووووون ؟؟
ماأشكي غير لربي ..
بس شوروا علي ..

شسوي ؟؟؟:06:

:44:

:(


:06: