يا اختي فين امه يوم ما كانت تشوف ولدها يمتن يوم و راء يوم ليش ما اتخذت خطوة ايجابية حرام عليها ،، دحين خلاص ما راح ينفع كلامي ، دحين اول شي خليها على طول تأخذه لدكتورة اخصائية تغذية و هي راح تعمل له التحاليل اللازمة و تعطيه برنامج معين لأكله و بالنسبة للرياضة افضل رياضة لحالته المشي ، خليه يمشي ربع ساعة و كل اسبوع يزود الوقت ،، و حرام لا تخلوه و لا تهملوه ،، انا اخوية كان مليان كان في الثمانينات و هو صغير عمره 12 سنة و امي ما تركته لين رجع لوزنه ، كانت متابعة مع دكتورة و كمان مهتمة في اكله ، ما دام دحين اجازات ان شاء الله حاولو تعالجوه لانه وقت المدارس صعبة يعمل دايت ، و كمان يا قلبي خطر على قلبه ، يمكن ينام لا سمح الله ما يرجع يصحى ، خليه امه تهتم فيه و خليه يشرب موية كثيرة ،، و الله يخليه لامه ،

المشي
ثم المشي
ثم المشي
وترك الوجبات السريعه والغازيات والاكل الضار
وهو توه صغير يقدر يحرق بسرعه ان شاء الله

لازم تلحق عليه وتوديه للدكتور يفحصه من الا ويشوفون وشسبب سمنته

مو مشكلة كبيرة لانه صغير والصغير ينحف بسرعة
سجلوه بنادي سباحة وحاولوا تلاقوله اشياء يسويها كل يوم مثلا يلعب كرة مع اخواله
اهم شي تشيلوا الالعاب الالكترونية من البيت لانها هي السبب انو ما جالس يحرق اللي بياكله
وشيلوا الاشياء اللي فيها كالوري عالية مثلا التشيزكيك
شوية اشياء ابدوا فيها عشان لا يمل وينتكس وبعدين تصير كل حياته رجيمات وانتكاسات
لما تحطوا الغدا كل واحد يسكب صحنه وهو عطوه صحن عشان يعرف انه اكل قد الصحن

ان شاء الله ينحف على خير بس لا تفكروا بالعلميات ابدا ابدا
تراها مو سحر معاناتها فظيعة شفنا الناس اللي سووها وايش البلاوي اللي صارتلهم والله السمنة ارحم

امنعو عنه الوجبات السريعة وتطبخ طعام البيت بملعقة زيت بلاش الدسم يعني يكون اكل البيت صحي