مكحله العيون :

السلام عليكم بنات هذي خلطه شالسالفه الثانيه الله الله بالدعاوي انا عقب ماشفت تفاعلكم مع خلطتي الاولى وشفت انها عجبتكم واستفدتوا منها قلت بحطلكم الخلطة الثانية اللي تقريبا تشبهها بس غيرنا الصابون المقادير هي صابونة كركم وحدة تبشرينها عدل عدل صابونة صندل وحدة تبشرينها بعد عدل عدل صابونة البابايا وهم تبشرينها عدل عدل الصابون تلقونه بالكويت بشارع بن خلدون سوق الخيرات وسعرها اقل من 200 فلس مو مهم الماركة المهم انها صابونة كركم وصندل وبابايا تاخذون الصابون عقب ماتبشرونه وتنقعونه يوم كامل بماي ورد علبة كامله او لحد مايذوب بعدين تخلطون معاه علبة جلسرين السائل الشفاف من العطار علبتين جليسوليد الاحمر كبار كأس صغير زيت زيتون كأس صغير زيت لوز كأس صغير زيت خروع ملعقتين كبار كركم من العطار لاتستخدمون مال الاكل لانه صبغته قوية وممكن تضيفون ملعقة متوسطة بودرة المسك لانها مادة حافظة تلقونه بالعطار تحفظون الخلطة بعلبة وتتدهنون فيها يوميا لمدة ساعتين عالاقل وممكن تنامون فيها طبعا انا ماحطيت فكس لانه في بنات يتحسسون منه بس اللي تبي تضيفه على راحتها والخلطة ممكن تحطونها عالوجه بس ماتخلونها يوم كامل لانه الوجه حساس شوي وطبعا لما تغسلون تتفركون عدل وانا افضل المفراكة اللي في بدي شوب اللي على شكل قفاز واستعمل سنفرة الملح والليمون اللي قلت عنها قبل وهي عبارة عن عصير ليمونه اخلط معاه ملح خشن واتفرك فيه اتمنى انكم تقولولي عن نتايج الخلطة هذي لانها وايد ممتازة انا اكتشفتها من عقب مااستخدمت صابون الكركم والصندل والبابايا لانه وايد تحسنت بشرتي منهم وقررت اسويهم مع الخلطة واشوف النتيجة وفعلا وايد حلوة بياض ونعومة وتوخر الحبوب هذا اهم شي والنتيجة تبين عقب اول اسبوع من الاستخدام بتحسون بالفرق بس طبعا النتيجة تتفاوت من بشرة لاخرى وحسب درجة السواد بالبشرة بالنسبة للصابون ترى مومهم الماركة يعني موشرط ماركة معينه المهم انهم صناعة هندية والبابايا استعمل ماركة block and white من الصيدلية بس حتى اذا نوع ثاني عادي وانا عقب مااغسل اخذ فوطة صغيرة واحط عليها اسكينول بالافوكادو او الخيار وامسح جسمي فيها تنظف تنظيف عمييييييييييق وبالليل ادهن جسمي اما بزيت لوز او اخلط جلسرين سائل مع عصير ليمون وانام والصبح احط عليه الخلطة واقعد ساعتين واتسبح وتعالوا شوفوا البياض والنعومة اللي بجسمي شي موطبيعي بس طبعا انا استخدمت خلطتي الاولى فترة شهر والحين استخدم هالخلطة عشان جذي جسمي صار زبدة يعني يبيله التزام مو شي سريع بس لما تشوفون النتيجة بيهون عليكم التعب صدقوني واحسن من المواد الكيماوية ولا شرايكم؟؟

السلام عليكم بنات هذي خلطه شالسالفه الثانيه الله الله بالدعاوي انا عقب ماشفت تفاعلكم مع خلطتي...