لذييييييذ لاهو كنافه ولا ايس كريم

صباح الخير خواتي

مثل ما عودتكم اطباقي دايما سهله و لذيذه

اليوم بكتب لكم طريقه عمل طبق حلو لذيييييييييذ

المقادير :
مغلف كريم كراميل
علبة حليب مركز نستله كبيره
1 قيمر كي دي دي
بسكوت مالح ( انا استخدم بسكوت تك المالح )
شويه حليب سائل
الكنافه او الشعريه الباكستانيه للتزيين .
ملعقة شاي فستق مطحون للتزين ( حسب الرغبه )

الطريقه :

1-بماعون بايركس متوسط الحجم صفي 5 طبقات من البسكوت المالح بالقاعده
2-رشي البسكوت بشووويه حليب سائل و بارد علشان يطريه شوي ( مو وايد علشان ما يذوب )
3-تحضرين صوص بالخلاط من خلط (القيمر + الحليب المركز + مغلف الكريم كراميل بودر ) و تصبين الصوص على البسكوت
4- تكسرين الشعريه الباكستانيه (نعميها كثر ما تقدرين) و تخلطين معاها الفستق المطحون و تغطين فيها طبقه الصوص تماما.
5- حطيه بالثلاجه لحين التقديم.

و ادعولي :32: