لسا م تزوجتي والمتزوجات يحتقرونك تعالي شوفي هذي القصه

يسعد اوقاتكم اخوااااتي

طبعاً قريت كثير من البنات تعاني من نظرات اوعدم احترام المتزوجات لها وهذي الشي امر فيه
بجتمعي من ناحيهً انو البنات اول م يتزوجون يتغيررون مباشره ولا كأنهم يعرفونك وبس م تعطي وجهه الا للمتزوجات اما الي لسا عازبه ولا كانها تشوفها او تسوي حركات معاك مالها داعي


ي طويلات العمر انا وخواتي كنا شي واحد مع بنات عمي نموون على بعض وفله مع بعض والى اخرره وقدر الله وبنت عمي الي اكبر مني واصغر من اختي الكبيره الي لسا م تزوجت
تنخطب وتتزوج لواحد من جماعتنا من بعدها صارت بالعافيه تسلم علينا ولاتعطينا وجهه وبس تسولف
مع المتزوجات او خوات زوجها العازبات وانا وخواتي على جنب وم تتكلم الاعن زوجها واذا جتنا
بس شويه وتطلع تقول ابونا يستنى عند الباب والى اخره طبعاً تركناها انا وخواتي هي حره في تصرفاتها ادينا الي علينا من صله رحم والباقي مو اجباري ولا هي ملزومه تسولف معانا والعكس
بعدها بمدها الا وبنت خالي تتصل علينا وتقول بجيكم عندي موضوع ضروري ولازم اخذ رايكم فيه
المهم زوج بنت عمي طلع متعرف على بنت اخت زوجه عمه وتأخذ منه شهرياً 1500ريال
من الاخر مخرفنته وهذي البنت تصيره بنت خاله بنت خالي <حوستكم ههههه:a_smil08:
ي رب فهمتو علي

المهم هذي البنت عقب م خرفنته وخذت فلوس عرفت انو هذا الي لها علاقه فيه من جماعتنا
وتبي تصرفه وهو نشب لها يقول احبك وراضي بعلافتي معاك واصلاً زوجتي مو حلوه
وللامانه زوجته الي هي بنت عمي احلى من البنت الي متعرف عليها واجمل منها بكثيرر واساساً
م في مجال المقارنه بينهم هذيك البنت ابداً مش جميله واقل من عاديه
المهم البنت لما الولد م وخر عن طريقها كلمت بنت خالي وقالت لها تعرفين فلان بنت خالي قالت
ايه من جماعه بنات عمتي ومتزوج بنت عمهم البنت قالت لها على السالفه وقالت خلاص شوفي لي حل معه وتقول اهلي بدو يلاحظون انو عندي فلوس والى اخره
بنت خالي م قصرت نصحتها وقالت انتي لازم تتوبيين موبس خوف لان اهلك بدو يشكون بوضعك
وخافي ربك والى اخره وقالت انا مالي دخل انتي تعرفتي عليه انتي انهي السالفه لاتدخليني بمشاكل ولما قفلت تقول تذكرت بنت عمي وانها مسكينه م تدري ايش زوجها يقول عنها وقاعد يخونها

وجات اخذت راينا في البدايه انا وخواتي قلنا مالنا دخل بعدين فكرنا وقررنا نشتري شريحه
ونتصل ع زوج بنت عمي ونقوله عرفنا علاقتك بفلانه واذا اتصلت عليها ثاني راح نوصل خبر لزوجتك
ومحادثاتك مع البنت والى اخره عندنا نسخه منها وسوينا الخطه وبعدها اتصل على البنت الي يحبها وقالها خلاص بنهي كل شي معاك وانتهو


نرجع لبنت عمي بعد زواجها ب 9اشهر تزوجت اختي الكبيره وصارت م تحط عينها بعين اختي
مفتشله من حركاتها اول م تزوجت وعرفت انو الزواج نصيب لايرفع احد ولاينزل احد ومثل م تزوجتي
غيرك بيتزوج وين الجديد !؟؟لاهي اول ولا اخر بنت تتزوج

ومره صار لي موقف معاها كانو خواتي وبنات عمي يتكلمون عن ديون الزواج والى اخره وتأثيره على الزواج والمفروض نقلل مصاريف الزواج ومن هذا الكلام الا وبنت عمي تقول زوجي كان عليه بس قرض واحد قيمته 1500ريال وخلص قبل فتره وان شاء الله الحين بنطلع بيت لحالنا
ي بنات رحمتها وكسرت خاطري لوتدري هذا المبلغ وين كان يروح وزوجها ايش كان يقول عنها

ولو تدري انها تغيرت علينا علشان سبب تافهه وم يسوى ولوتدري انو سوينا لها شي انقفذ زواجها
طبعاً لوجهه الله وم رضينا عليها وهتمينا لمصلحتها
طبعاً سوت فيني انا وخواتي حركات كثيررره م ذكرتها من تطنيش وتجاهل ودق بالكلام والى اخره
وبعد فتره توفي زوجها وحالياً صارت احسن من اول بكثيرررررر وتدور رضانا
واحياناً تتشكي من حياتها مع اهل زوجها وقساوتهم وحركاتهم معاهم لما كانت عندهم
عن نفسي من عقب موضوع بنت عمي حرصت انو م اتعغير على ناس تحبني بسبب شي جديد
اوناس دخلت حياتي
والي مو متزوجه وستقلتها وحده متزوجه لايجي بخاطرها لانو الزواج مو كله سعاده ولاهي احسن منك الي تزوجت بشي الفرق انو نصيبها جاء قبل نصيبك فقط لاغير ويمكن نصيبك انتي مع الايام احسن

طبعاً حالياً اعيش نفس الوضع مع بنت عمي الثانيه من نخطبت لاخو زوج اختها وهي مسويه
نفس الحكايه ونقلبت 180درجه كانت معنا شي واحد ونسهر مع بعض ونطلع وندخل مع بعض
من اول م نخطبت ستبدلتنا بخوات زوجها صارت تعزمهم وتطلع وتدخل معاهم واذا جيناهم
زياره تاخذهم فوق لغرفتها وانا وخواتي نقعد لحالنا او يروحون المطبخ ويتركونا او يتكلمون بصوت
واطي وم تسمعين الاضحكهم وتزوجت قبل كذا شهر طبعاً فهمنا امي الوضع وقالت م عليكم الاصله
الرحم غيره م انتم مجبورين وخفت زياراتنا مره كل اسبوع نسلم ونطلع او ووقت العزايم او اذا صار عندهم
مريض نأدي الواجب ونطلع
وقبل شهر بنت عمي الاولى الي ترملت جلست مع خواتي تقول وضع البنات مو عاجبني ماصارو
نفس اول ليش تغيرنا وماصرنا نسوف بعض ولانزور بعض ليش نعطي لناس فرصه تفرقنا
بس عقب ايش عقب م حسو بالوحده عقب م اهل زوجها هي واختها سحبو عليهم وطلعو لهم الوجهه الثاني

عن نفسي قلت لها الي يتغيرر بدون سبب خل يرضى بدون سبب جيبي لي شي واحد ضايقتكم
فيه او غلطت عليكم فيه وابشري بالي يسعدك سكتت وجلست تبكي تقول م عاد احد يجينا
انتو معاد تعزمونا اذا جوكم خواتكم
عن نفسي خاطري طاب منهم صح رجعنا زي اول شوي نجتمع وكذا بس م قدر اعاملهم نفس اول
عن نفسي الحمدالله عندي خواتي وبنات خواتي مالين علي الدنيا ومو بحاجه احد والحمدالله
م عمري تغيرت على احد بدون سبب ولاحتى خواتي قبلي تغيرو على احد لانهم تزوجو
الي حابه اوصله للنتزوجات وغير المتزوجات الزواج مو كل شي لاتخسرين احد بسبب انك تزوجتي

الناس تقدر انك تزوجتي ونشغلتي بس تتضايق اذا تغير اسلوبك وتعاملين الناس بدونيه لمجرد
انك تزوجتي وبناتهم م تزوجو
فرحتك بزواج بتدوم فتره وبعدها بتملين تبين الطلعات والجمعات
اسفه على الاطاله حبيت اكتب الموضوع لانو طحت على موضوع وحده تدعي ووتتحسب ع المتزوجات
الي يحتقرون العازبات وحبيت اشاركمم قصتي