امي زوجة ثانية ذاقت المر ما ارتاحت الا لما كبرنا و اخواني الشباب كبروا
بالنسبه لي ابداً ما انصحك تتزوجي متزوج لأن الرجال مهما سويتي يميل
قلبه بوحده اكثر من الثانيه و مستحيل يعدل 100%

اللي تقول خذي اعزب او مطلق؟؟؟ يعني تقولكم البنت ما جاها غير المتزوج والاعزب والمطلق بيدور صغيره وش تفكيركم الغريب ذا
الحمد الله الشرع حلل اربع
تزوجي يا حياتي قبل لا يروح العمر

أنا الصراحه اتظايق من موضوع الزوجه الثانيه


ليش لأن مافي حريم يخافون ربهم وربي كلهم حقودااات حسودااات


الحين الحرمه المتزوجه تحسد صديقتها او قريبتها لأنها بس سعيده مع زوجها او مرتاحين وهذا وهي بعيده عنها


شلون لو حرمه ثانيه تشاركها


أنا اثق بشرع ربي ولكن لا اثق بما في انفس الحريم ولا اثق بالرجل هل يعدل او لا


لذالك أنا أتصور الحريم كلهم عدوات لبعض لأني الى الأن ماشفت حرمه تبيلي الخير كثر نفسي


أهلي وهم أهلي كانوا يغاروا مني ويحرضوا عمي انه ما يجيب لي طلبي من البقاله او يستكثرون طلبي


يعني لو ما كانت الأولى رافضه وقويه .. الثانيه ممكن تضيع حقوقها وممكن الثانيه تخرب بيت الأولى وتأخذ رجلها منها ومن عيالها




هو على من يلعبها صح ومن يقدر يخرب بيت الثاني ويأخذ الرجل




هذا رأيي الشخصي والي أشوفه من الواقع وحتى لو كانت المرأه دينه وتعرف شرع ولكن بعض النساء فيهم مكر ودهاء يخليك غصب ما تثقين في احد

انا ماسمعت بوقت الخطبه تصير معارك طاحنه الا نادرا بقولك موقف واحد خطب على زوجته زميلته بالعمل يشتغلون بمستشفى والبنت
ماشالله ايه من الجمال وتوها متوظفه والاولى حلوة ومعلمه لكن جابت اطفال وكبرت لكن الحق بعد حلوة
بس سمعت بالخطبه من الناس جت لمكان عمل البنت وسحبتها مع شعرها وسدحتها بالارض جت هي وخواتها والله مافكها منهن غير زوجها البنت اتمصخرت انمسح فيها البلاط مسكينه
المهم هذيك زعلت وتركت البيت بس الرجال كمل مشواره وملك وتزوج والبنت عاندت عشان تنتقم لنفسها لو اني منها اهرب بصراحه
ينعاف والحين شوفي كيف رجع زوجته الاولى بمهر جديد وهذيك فصلها من عملها وجالسه بالبيت تفرخ من العيال
وهو المستفيد وكل يوم وحده تمعط الثانيه يارب لاتبلانا
انتي ظروفك مختلفه عمرك كبير ومطلقه يعني شاب اعزب يعتبر صعب يتقدم ولو ان الموضوع كله بيد الله بس صعب بيوم خطبتي وانا مبسوطه
تكون فيه وحده فارشه سجادتها وتدعي علي وندري انه شرع الله لكن له شروط وضوابط لان التعدد يورد النار اذا مافيه عدل والرجال متساهلين بالموضوع انتي اشرطي موافقه الزوجه الاولى بكذا ترتاحين نفسيا

أم كوثر حبيت اقولك عن فشل الزواج الثاني ونجاحه يعتمد على الرجل مو زوجته الأولى طبيعي اي زوجه بترفض زواج زوجها والغيرة فطرة في المرأة وحدثت بين امهات المؤمنيين 
وكمان بقولك التعدد لايناسب جميع الرجال لذلك شرط الله شرط عظيم وصعب جدا اللي هو العدل 
التعدد يحتاج رجل حازم يعرف يمشي الببتين كون ان الرجال تراجع بسبب مشاكل زوجته معناته غير قادر على العدل ولا السير بالمركب بسلام ولما عرف نفسه تراجع لأن بعض الرجال عاطفيين وسريعين التأثر بمن حولهم هذا مايصلح للتعدد وتأكدي ماصرفه الله الا وهو شر عليك بس مايحق لك صراحه تلومي زوجته وتتهميها بفشل خطوبتك والله لو كنتي مازلتي متزوجه على طليقك وقرر يتزوج عليك بتعيشي نفس الدور 
احنا مانحرم ماأحله الله بس في حريم غيرتها شديدة زواج زوجها يعني طلاقها وفي حريم تزعل وترضى بس كله يرجع لسياسة الزوج وتصرفه لأن هو الضره اما الزوجه الثانيه مارتكبت حرام وافقت على شرع الله اهم شي ماتكون هي اللي سعت وراه مكالمات وسوالف وهالخرابيط 
ثالثا الله يرزقك باللي يسعدك ياكم وحده عايشه زوجه وحيده وتعيسه وكم وحده مع معدد وسعيده وكم وحده مطلقه ومن المشاكل تشوف الطلاق اريح وكم وحده عازبه وماأراد الله لها الزواج هذا قسمه ونصيب وابتلاء من الله 
رابعا صدقيني يمكن تعبشي مرتاحه مع معدد بس ماتكوني تعرفي زوجته يكون جاكم عن طريق صديق او قريب اما في حالتك ذكرتي انه ولد خالتك وتعرفي زوجته تخيلي انو صديقتك او انسانه بينك وبينها عشرة عمر تتزوج زوجك مؤلمة جدا جدا بعكس لما تكون غريبه عنك وماتعرفينها مؤلم بس في النهايه ترضى المرأة 
وأعيد وأكرر فشل زواجك لأن مالك نصيب لو أراد الله لتزوجتي 
وأعيد وأكرر انا اوافقك هذا شرع الله ويحق لك الزواج بس ماأوافقك انك تلومي المرأه وتتهميها لأن قرآت مواضيعك متحامله على الزوجه الأولى وانهاسبب تعاسة للمطلقه والبنت اللي تأخرت بالزواج 
اتقي الله فب هذا التفكير وكلنا معرضين لأقدار الله ماندري وين نكون بكرة كم اوليه صارت ثانية وثالثة ورابعه