باين عليها روعة وانا احب الاكلات الصينية ، وبصراحة انا بادية ريجيم خاص بس اعتقد اني راح اخربه .

تسلم ايدينج

ربي يسعدكم كلكم ،،، مشكورين على طلتكم الحلوة وتشجيعكم الأحلى
.. راح أرجع لكم وحدة وحدة يا الغاليات ..
بس خلوني أول شي أحط لكم طريقة الرز الصيني مثل ما وعدتكم ... ( على طريقتي الخاصة )

الرز الصيني المقلي بالخضار
المقادير : ( الكمية حسب رغبتكم )
- رز أبيض مطبوخ ، مستوي تماما
- بصل أبيض عادي مقطع جوانح ( شرائح )
- بصل أخضر مقطع حلقات
- فلفل أخضر بارد مقطع مكعبات
- جزر مبشور
- ثوم مهروس
- بيض ( حسب الرغبة ،،، لكن للأمانة بالبيض الطبق أطعم وألذ أكثر )
- البهارات ( ملح أجينو موتو + صويا صوص + فلفل أسود )
- زيت السمسم

الطريقة .. مافي أسهل منها
- يشوح البصل مع الثوم بقليل من زيت السمسم حتى يتحول للون الذهبي


- نضع الفلفل الأخضر والجزر مع التقليب

.. حتى يذبل الفلفل قليلا

- نضرب البيض مع قليل من الفلفل الأسود ،

ويوضع على الخليط السابق ، مع التقليب المستمر حتى يبدأ البيض بالتماسك


- نضع الرز مع البهارات ( الصويا صوص وملح الأجينو موتو وقليل من الفلفل
الأسود ) مع التقليب الخفيف حتى لا تتكسر حبة الرز .. حتى يكتسب الرز اللون
البرونزي المائل للبني ...


- نضع تحت القدر حديدة ، ويترك لمدة 10 دقائق تقريبا
ملحوظة ... : ( الطبق هذا يستهلك كمية صويا صوص لا بأس بها وهو سر
الوصفة ، وهو اللي يعطيها اللون البرونز المميز ..... )

يقدم بعدها ساخنا بعد تزيينه بالبصل الأخضر والجزر المبشور

وتمتعي أنت وأسرتك بالأجواء والطعم الصيني الرائع .... من يدينك الحلوة :icon18:

وعوافي على قلوبكم

تسسسسسسسسسسسلمي ... هذا الرز اللي يعجبببببببببببببني مع الاكلات الصينية...
بس ما جاوبتي على سؤءالي .... عشان ودي اسوي الاكلة ....:)

::العجيز::
يا حلو دعواتك ،،، لك مثلها يا الغالية ،، الف شكر

## ام فيصل ##
فكرة النودلز حلوة ... إن شاء الله أنا بعد أطبقها على نفس المقادير
ولا تنسينا بالطبق

ورودالدار
الله يسلمك ويعافيك ،،، جربيها يا ورود وبإذن الله راع تعجبك وتعجب كل
حبايبك ... الله يوفقك

ام علاء
دائما تنورين بطلتك الحلوة ... الله لا يحرمنا وجودك يا رب

دموع الفراق
العفوا يا الغالية ... بالنسبة لصلصة الترياكي تباع جاهزة

عند الأكل والصلصات الصينية في الجمعيات والأسواق المركزية
بصراحة هي تعطي تميز وطعم لذيذ للطبق ... لكن يظل الطبق لذيذ
أيضا بدونها .. جربيها لا تفوتينها

magic123
اللي يوصل هالمنطقة ينسى الرجيم وأهله ...:icon20:

سوبر موديل
يعافيك ويسلمك ..

بصراحه الوجبه الصينيه لذيييييييييييذه جدا