السلام عليكم
الشهر عليكم مبارك
اليوم بعطيكم صلصه روعه للبيتزا ماتفرقينها من دومينوز مابي غير دعواتكم
على حسب كميتك
طماطه حمرا
ملعقتين كبار صلصه
ملعقتين كبار كتشب
اربع او خمس فصوص ثوم
كمشة كزبره وشبت
نص العلبه مشروم
زيت زيتون
وبهري ببهارات ايطاليه اوريجانو وريحان
هذا كله اضربيه بالخلاط وحطيه بقدر وشوي يادوب بس يغلي شوي
واستخدميه رووووووعه
وبعطيكم طريقة عجينتي تجنن هشه وخفيفه
كوب ونص طحين
ملقة سكر
ملعقة خميره
رشة ملح
اقل من ربع كاس زيت
علبة زبادي بسسسسس اعجنيها عدل مدل وخمريها ساعه
ولاتنسين حشوة البيتزا
زيتون اخضر فلفل اخضر مشروم لو تحبين نقاقنق قطعيها شرايح او دجاجه نتفي صدرها وشوحيها على التاوه وبهريه وبطعآ اخر لمسة الجبن كثرررري حيل
وبالعافيه..
لاتنسوني من دعواتكم :44:
زينة الغيد @zyn_alghyd
محررة ذهبية
يلزم عليك تسجيل الدخول أولًا لكتابة تعليق.
a7la-fashion
•
تسلم ايدينك
الصفحة الأخيرة