كيفكن يالغوالي ان شاء الله بخير
في ليله من الليالي الملاح جاني زوجي
وطلب مني اني اسوي صينية مكرونه
لوحده ما اسوي اي طبق ثاني
قلت غالي والطلب رخيص ريحتني
من التفكير وش اصلح وقمت وشمرت
وبديت التقطيع والحمس وهذي الصور
بس اعذروني ماصورت من الاول لكن ان
ان شاء الله اللي صورت يوصل المطلوب
نبدا بسم الله
اولا،،،،نسلق المكرونه بماء وملح وماجي وزيت
ثانيا ،،،،،نجهز عصاج لحم مفروم
ثالثا ،،،،الصالصه البيضاء
رابعا،،،،جبن مبشور،،،،جبن بارميزان
خامسا،،،،صلصة المكرونه الجاهزه او تسوينه
بالبيت اعذروني نسيت اصورها
نبدا بالصور والطريقه بعد ماجهزنا كل شي
اولا نضع نص المكرونه في صينية الفرن
وبعدين نضع عليها خلطة اللحم المفروم
وبعدين نحط صلصة المكرونه وجبن مبشور
وجبن بارميزان
وبعدين نحط باقي المكرونه ونحط
عليها الصلصه البيضاء وجبن
المبشور وبارميزان وزعتر وبربيكيا
ونحطها بالفرن ويكون مسبقا حار
لين ماتتسبك من تحت ونحمرها من
فوق
وبعدين بالعافيه على قلوبكم
وهذا للتعذيب من حبكم
وان شاء الله طبقي ينال على اعجابكم
واعذروني على رداءة الصور
وترى الطبق ما عطته الصور حقه
وهذي لكل وحده تشرف موضوعي:26:
والحين مع السلامه
سلمت الايادي
وبالعافيه عليكم